يكفي فخر بأني من آلاد مسعود .. مخيلة يسبق مطرها رعدها ...

[مسعطر]

الشاعر : ما أعرفه صراحةً لكنه من آل شامر

الطيب عد للمشاكيل مارود=أحدن قصر منها و الآخر وردها
و البيت ما نبنيه من غير عامود=و بيوتنا تبنا طوال عمدها
يا عمر ابن مختار قدام الجنود=ربعك تعقل رجلها من جلدها
و ستين لحية من بني محمد و زود=على ملح و الناس كلن شهدها(1)
لباسة التومان قدام الحشود=تثني و تنطح للملاقا وحدها
ميقافها ميقاف ثابت و مشهود=واللي حضر في يومها ما جحدها
معقلين رجيلهم كنهم قعود=وجيه قوم ليس يحصا عددها
شوامر يفخر بها كل نمرود=أم الجعود اللي تنقض جعدها
يوم الزمن ما بين طارد و مطرود=عند المصامخ من بغاها وجدها
تقلط على البارود ما كنه بارود=لو المنايا خطفتها بيدها
شوامر و إن حك عود على عود=على فزعة الشيبان يفزع ولدها
يكفي فخر بأني من ألاد مسعود=مخيلة يسبق مطرها رعدها(2)
و يكفيك يا مسعود منك على العود=في عجيم و العجمان محدن نقدها
عبدالعزيز ابن المسمى بن سعود=الله يبلل قاعه اللي رقدها
اللي جعل لأرض السعودية حدود=و اللي مولف نمرها مع أسدها
لا حارب العجمان ما يرجع بفود=و يرجع و عينه عادها في رمدها
مواقف العجمان من زود في زود=تشهد لنا كنزان و اللي بعدها
من أولها و ذلحين في سهود و مهود=ننعم تحت حكم الشريعة و فهدها(3)
مكارم الأخلاق و الطيب و الجود=و المرجلة و الأرض حنا وتدها
حنا الصبي فينا يقدم له العود=و خوته ما هوب ينقض عهدها
و إن دق صدره فأطلع سنود و سنود=أما حياة العز ولا لحدها
و كبيرنا ماهوب يلحقه منقود=حمر النعم لا جار المسير حمدها
أما ذبح له كبش ولا من الذود=جمايله من عاد يلحق مددها
يا الله جعل يبطون ما جاهم الدود=ربع على الدنيا المراجل زودها
من خلقت ذا الدنيا إلى يوم تجود=و إلين ما ياتي القبيلة وعدها
و ما لعلع القمري و ما ذعذع النود=سلام يا ربع تشرف ولدها

1-ذكر معركة ملح والتي حظرها 60 شخص من آل شامر بقيادة الشيخ علي ابن سريعة.
2-آلاد مسعود هم : آل ضاعن و آل شامر و آل مصرا.
3-لأن القصيدة قيلت خلال حكم خادم الحرمين الشريفين الملك فهد ابن عبدالعزيز.

[مهرة النسيان]

صح لسان الشاعر والنعم والله بآلاد مسعود وبكل العجمان ..

الله يعطيك العافيه يامسعطر..

[مسعطر]

المشاركة الأصلية كتبت بواسطة مهره النسيان

صح لسان الشاعر والنعم والله بآلاد مسعود وبكل العجمان ..

الله يعطيك العافيه يامسعطر..

ما عليك زود وأشكرك على المرور اختي مهرة النسيان. والله يعافيك.

[عـسـاه خـيـر]

مسعطر الله يعطيك العافيه على النقل الطيب وصح لسان شاعرهـا

وبيض الله وجهه عن ربعه

[مسعطر]

المشاركة الأصلية كتبت بواسطة عـسـاه خـيـر

مسعطر الله يعطيك العافيه على النقل الطيب وصح لسان شاعرهـا

وبيض الله وجهه عن ربعه

الله يعافيك و أشكرك على المرور يا أخي عساه خير وبيض الله وجهك.

[الوافـي]

وانعم بربعنا آل شامر

ولاهنت يا مسعطر هلى النقل المميز

تقبل تحياتي

[مسعطر]

المشاركة الأصلية كتبت بواسطة قطنان

وانعم بربعنا آل شامر

ولاهنت يا مسعطر هلى النقل المميز

تقبل تحياتي

أشكرك أخي قطنان على المرور.

[الفرس]

قصيده رائعه والنعم ب الاد مسعود

قصيدة جزله وعز الله انهم يستاهلون

ويعطيك العافيه على جهودك

تحيـــــــــــــــاتي

[فدغوش آل خضير]

بيض الله وجهك يا مسعطر
و لا هنت على نقل القصيدة
الرائعة

تقبل خالص الشكر والتقدير

[مسعطر]

المشاركة الأصلية كتبت بواسطة فدغوش آل خضير

بيض الله وجهك يا مسعطر
و لا هنت على نقل القصيدة
الرائعة

تقبل خالص الشكر والتقدير

ووجهك يا أخي فدغوش آل خضير و العفو وأشكرك على المرور.