قولو اني ؟؟؟؟؟؟؟؟؟

[عامر الحجرف]

السلام عليكم ورحمة الله وبركاته وبعد .
اهدي لكم هذه القصيده التي تجري مجريات احداث وحوادث ومحدثات واحاديث مجري المختلف عماتتكلم عنه فنامل ممن يرضى عنها يقنع الذي لايرضى إلا ان الحق كما قيل لايرضي اثنين ورضى الناس غاية ٍ لاتدرك ولاكن الحق هو الفيصل والشعر هو لسان العرب واعلامهم وديوانهم في كل زمان ومكان كما يدرك الشاعر اننا في زمان يسمح فيه بالممنوع ويمنع المسموح والديمقراطية المزعومه مسئولة عن ذالك رغم تجاهلها السائل حيال كلما لايرضيها حقا ام باطل وضطر الشاعر آسفا الي الاتي.

ياسـمـاي ومــاي يابري اوصـرح ابلادي=من خلال ارمـوز حرف البا وحا مكـتوبه
يابحـــر بشـــويش منته بالمحيط الهـادي=والفضـــا يابر لا صـوبك ولانت ابصـوبه
يابلد صرحـــك مثال اصــروح ولا عـادي= الزمـــان ايتوب اللــــــي مايعـرف التوبه
من نزل في بطـن وادي لويســيل الوادي= بعد ســـيل الوادي اصبح يابس ٍ عرقوبه
والعقـــول الراجحـــه بين الخطا والقادي= قالو ان كل ٍ علــى جســــمه يفصـل ثوبه
جاومحسـودين الارض أكثرمن الحسادي= فالجنوب الســــالمه لجـرب يحك اجنوبه
أكتب التاريخ بالهـجــــــــري وبالميلادي= وان لعـــبة أياك تلعـــب لعــــبة ٍ ملعـوبه
فن اهل صـــنعاء يخالف فن اهل بغدادي= ومن يقول الرقص واحد فالخليج اكذوبه
أذكـــــر ابياتٍ لعبهــــــا العازف العوادي= وجات باكــبر من هجينيه ومن مسحوبه
يوم كل ٍ فالرخـــــــا عنتر ولد شـــــدادي=وعجزو وقت الله الله عن مهر مصـبوبه
ناس يجتمعــــون ليل ويصبحون افرادي=والفناجـــــيل الخطــــــيره كلها مشروبه
إيتظاهر بعضــــــهم بالـــدين والأرشادي= والبعض قال انه سلم من العداء بعجوبه
وبعضــــهم قال استغاث إلين ربي جادي= جاد فيه ابغـــيثه اللــــي تستهل انصوبه
والبعض قال ان مجــده خيرت الامجادي= ســــيرته وصله لخــير الأنبياء منسوبه
والبعض قال ان زاده غـــير هذا الزادي= إينزله ربي علـــــيه ويجعــــــله بجيوبه
وبعضهم قال ان له فالعـــارض المنقادي= حفرت ٍ ألفـــــين كيلو طولــــها محجوبه
ثم قال إلكـــــــم ولي وحفادكـــم وحفادي= منزل ٍ لحتاجـــــة العـــين الدواء فزتوبه
فيه قـــدر وفيه نجـــــــر ودلــه اوبرادي= وفـــيه زاد وفـــيه نار للعــــرب مشبوبه
لودرا هـــادي وبن هـــادي وعبد الهادي= كان من زود الفـــــرح كل ٍ يحذف إبثوبه
حقق الله من غلاي امرادكـــــــم ومرادي= وكل واحد زوّجــــــه حـــــورية ٍ رعبوبه
الحضــر دون الجبل والا البدو من غادي= اسمعــــــو والعلــــــم علمي لا تعالمتوبه
والبعض قال الصـــــدير اتعلـــم الورادي= امدحـــــــوني بالقصـــيد وكلكــــم غنوبه
قولو اني زبن الامــــــه لا حداها الحادي=كم عجوز ٍ في حمــــــــاي اثيابها مقلوبه
وقولو اني فـــري نايس والبرنس البادي= اسمعـــــوني زين مــــن حييت به حيوبه
وقولو ان الزير جدي والشــــداد اشدادي=وكثريتكـــــم على جذوع الشجر مصلوبه
من ذكاي اجعل بعضكــــم للبعض جلادي=وضحكو وبكو من اسمــــي لا تحاكيتوبه
والزمان الســرمدي ماله مدى ســرمادي= حسب راي الشاعـراللـي كلمته محسوبه
كان للناقــــــــه اعقال وللبعــــــير اقيادي= والحصــــــان اندللـه حـــــتى يدل ادروبه
ياجماعـــــــه وين صــواني اوين ازنادي= لي حضــــور ٍ فالزفـــاف اللي تواعدتوبه
والله اعلــــم عن عواقب سرحت القعادي= البحـرملـــيان مـن حــــوته ومـن دغلوبه
من سهــر جاه الرقاد اللي مهـــو برقادي= من لعب بالناس لاجا دورهــــــــم لعبوبه
ما يغفل امن الغــــــــريب إلاهبيل أفوادي= وفالحـــــياه الكل نادر غــــــــايةٍ مطلوبه
اكتفيت من الدفا يامـــــــــرقدي ووسادي= وكل من له عــــــــادةٍ يعتادهــــا هالنوبه
كل ذيب ٍ جـــــــــــايع ٍ مايترك المهجادي=والغـــــــــــنم رعيانها من ذيبها مرعوبه
الوعــد قـدام والله صــــــــــادق الميعادي=عصــــــــــرنا ماهـــــمنا برده ولا لاهوبه
كم نكــــــيل اونســــــتكيل اوكيلنا يزدادي= حن هل اليوم الكــــــــبير اوعندنا ماجوبه

[مرسى الاحزااان]

صح لسانك يا الغالي على القصيدة الرائعة

[‏قوس وسهم]

الشاعر المبدع عامر الحجرف صح لسانك

[عامر الحجرف]

دمتم سالمين اخواني الكرام : شكرا لكل ٍ من : قوس وسهم والاخ: مرسى الاحزااان على مروركم المشرف تقبلو تحياتي الخاصه .

[صاروخ سكود]

قصيدة جزله صح لسانك يا عامر الحجرف

[عامر الحجرف]

صاروخ اسكود
لاهنت على مرورك الكريم تقبل تحياتي وسلامي .

[سيل الوادي]

صح لسانك على القصيدة الراااائعة