ياقبايـل يـام يزهانـا الـشـداد***وبأسم يام يليـن فـولاذ الحديـد

[عبدالله آل عامر]

قصيدة للشاعر: محمد بن مانع بن شلحاط قالها بمناسبة فوز الشاعر محمد

بن فطيس المري ببيرق الشعر

وذلك في الحفل الذي أقامه في الكويت الدكتور: عايض بن راشد آل عذبه المري

بأسم من يسند عليـه الأعتمـاد=جل شان الفرد ذو العرش المجيد
ابتدي بأسمه وانا مشيي إحيـاد=ماتنقـى فالـكـلام الا الفـريـد
اتحاشى الهرج واخشى الانتقـاد=لين اوردها علـى منهـج لديـد
والسلام يفوح بـه ريحـة قنـاد=فأحتفال ٍ بهجتـه فرحـات عيـد
عند ابن شليـل يجمعنـا الـوداد=وكل ناموسن خذينـا فيـه ميـد
ياقبايـل يـام يزهانـا الـشـداد=وبأسم يام يليـن فـولاذ الحديـد
كـل دارن جالنـا فيهـا مـراد=فالزمن هـاذا وفالعصـر التليـد
حن حمول الجيش وسروج الجياد=انتسلطن في اصطفاق أم العبيـد
وحن هل الابل يوم حزات الطراد=نحتميـهـا لانـكْـل ولانبـيـد
نحكم الصحراء فحـزات البـراد=والنذر لوزاد مايطـرى الشديـد
وان خذانا الزود غثينـا البـلاد=ثم حكمنا المدن وامـات الجريـد
ماعلينا مـن رشيـد ولا رشـاد=نشبه الي تلتهب هل مـن مزيـد
ان هدينـا ضلنـا مـلـحً وزاد=وان غضبنا باسنا باسـن شديـد
المرظـف لاحكـم فالقـوم سـاد=واخو لجعه ماعلى عزوته سيـد
نوخـو نعـرات منْحّـل القيـاد=وانّصغو هومات اهل الارياء بقيد
وان طغـى يا يـام موقفنـا وزاد=جمعنا من حـد نجـران ٍ يزيـد
وجمعنـا فالصبـح ولا فالهجـاد=يطحـن الدنيـا بخـف ٍ مايهيـد
ترفـع البيضـا بذكـرن مايبـاد=من عصر حمدي . الى عبدالحميد
كاتـب التاريـخ دوّن بالـمـداد=لين لقّنْ بأسمنـا القلـب البليـد
يام معناها : المشـوك والزنـاد=والبيارق : سلمت من أيـد لأيـد
يام معناها : الشمـوخ الا وكـاد=والبيارق : ركزت في كـل حيـد
يام معناهـا : التميـز والرشـاد=والبيارق : طيلة العمـر المديـد
يام معناهـا : العلـو والانفـراد=والبيارق : من حفيد الى حفيـد
وليلنا ذا الليل من ظمـن العيـاد=ناخذ البيرق لنا بأسـم القصيـد
بيض الله وجه من وقف واشـاد=بالكلام الـي بنـي عمـه تريـد
اثبت انه من بنو شكلـه استـاد=بالثقافه . والرزانـه . والنشيـد
والمعرفه . والاساليـب الجـداد=مرجعيه . وبرفيسور . وعميـد
ابن فطيس احيا مشاعرنا .وفـاد=ناس مـن شعارهـا ماتستفيـد
فـوق يامحمـد وللعليـا جـواد=غير شعرك فعلك الطيـب يزيـد
بيرق اكبر روس ياطيـر الهـداد=هـات غيـره تشبـح للجـديـد

[عاشق العليا]

يام معناها: الشموخ الا وكاد
والبيارق : ركزت في كل حيد
أبو سراج

بيض الله وجهك بيض الله وجهك وبيض الله وجهك
على النقل الطيب يالسنافي

وصح اللسان ابن سلحاط واللسانك واللسان ابن فطيس على ما جاب

وتسلم يمناك اللي تستاهل الشحم

[راكان المحفوظي]

وحن هل الابل يوم حزات الطراد***نحتميـهـا لانـكْـل ولانبـيـد
نحكم الصحراء فحـزات البـراد***والنذر لوزاد مايطـرى الشديـد

كفووووووووووووووو

صح لسان بن شلحاط ويستاهل ابن فطيس الناموس والبيرق

وبيض الله وجهك يابو سراج على النقل

[الخديدي]

لاهنت اخوي عبدالله على مجودك وصح لسان محمد
وعلى الله يطلع زي ابوه لان مانع شاعر كبير..

[عبدالله آل عامر]

ووجهك أبيض يا عاشق العليا ولاعدمناك نفداك

تحياتي لك؛؛؛؛؛؛؛؛؛

-------------------------------------------------------

ووجهك أبيض يا راكان ولاهنت على المرور الطيب

تحياتي لك؛؛؛؛؛؛؛؛؛؛؛

-------------------------------------------------------

ولانت يالخديدي وإن شاء الله يطلع مثل ابيه

تحياتي لك؛؛؛؛؛؛؛؛؛؛؛

[مهرة النسيان]

سلمت يمينك على ذا النقل ياعبدلله ,,
وصح لسان الملك ملييون

وهذا الشبل من ذاك الاسد ,,

[عبدالله آل عامر]

ومن قال سالم يا أخت مهره

يستاهل أبو مانع وما فيه حيلة

[سعود الخويطري]

صح الله لسان شاعرها محمد بن شلحاط



وسلمت يمناك وسلم فكرك محمد مانع بن شلحاط



واختيار جزل ولاعدمناك يالعامري


وتقبل سلامي واشواقي

[عبدالله آل عامر]

لاخلا ولاعدم يالخويطري

ويستاهل الضاعني

تحياتي لك؛؛؛؛؛؛؛؛؛؛؛؛

[سعيّد ابوجعشه]

صح لسان بن شلحاط ويستاهل ابن فطيس الناموس والبيرق

وبيض الله وجهك يابو سراج على النقل

تحيتي لك ,,,,,