ياشعراء المنتدى ،، جديد

[هاب الريح]

الاخ العوووود/
انا اشهد انك عوود وانها ابيات من عووود احيي فيك هذا الابداع اللي غني عن مدحي وننتظر ابداعات جديده
كل الشكر عل مرورك الطيب ولك خالص التحييييييييه

[هاب الريح]

الاخ الشاعر /
الله لا يهينك ويعافيك على المشاركه الفعاله حقا واسمحلي طال عمرك مثلي مايقيم شاعر مثلك ومشاركه قيمه بهذا الحجم الشاعري الراقي
فخور جدا بمشاركتك ومرورك الغالي وعساك منها وازود وننتظر اجمل

[حبيب]

هاب الريح

عزا الله انك على اسمك

والقصيده بنتقاسمهااههههههههههه

بنحط قرعه

بس عندي ملاااحظه بعض الاخوان

ابياتهم ينقصها الوزن ياليت يعيدون النظر فيها

ولا وش رايك ياهاب الريح؟؟؟؟؟؟؟

تحياتي

[هاب الريح]

الاخ الفاضل حبيب /
ماعلييييك زوود يالسنافي ، اما القصيده فانا اقول ماله داعي طلايب وحلوف واديان خلها لي يااخيك ذا المره والمره الجايه والله لاخليها لك وبدون قرعه وبدون شي ههههههههههههه
اما قولتك ان بعض الابيات مهموب موزون فانا زكنت على الاخوان وان شا الله يردون ويصلحون مشاركاتهم لكن اذا ماردو وش رايك نوزن الابيات والا نحذفها والا نحتريهم لين يردون ،، على عالعموم الله لايهينك يالذيب ويبيض وجهك ولك خالص تحيااااااتي

[حبيب]

هاب الريح جاتك هههههههههههههه

مانيب راادها في خاطرك تستاهلهااا

بالنسبه للابيات اللي ماهي موزونه

من وجهة نظري انها تحذف لانها اذا عدلناها نكون

تعديناا على الاخوان اللي قالوها

ومازلناا نحتري مشاركة بقية الشعار

تحياتي

[هاب الريح]

الاخ حبيب/
ماهيب غريبه عليك ،، ان اهلك يعطون الرقاب الخضر ياطويل العمر ، دون عا يا قصيده لا وقطه متخاشرين فيها الربع ،، ومن طرف الا بيات توكل على الله شورك وهدايه الله يالسنافي لا هنت

[حبيب]

هل والله بالاخ هاب الريح ولاعليك زوود يالسنافي

انا بنزود بيتين وانتزود بيتين الله لايهينك

وبعدهاا بمانك صاحب الفكره وصاحب القصيده ههههههههههههه

نزل القصيده في صفحه جديده واحذف الابيات اللي ماهيب موزونه

هذارايي


اقفت بهم حمر المراكب عـن الدار . . . . . ومن عقبهم عيني تهل العــــــباري

اثـر المـفارق بـين الاحبـاب جــبار . . . . . كم واحد (ن) دمعه من البعد جاري



الشقى اصبح رفيقي من دون مختار..... وصرت من بعدهم للاحزان اباري

قلب الاسد يزع من الحب ازهار...... ويحصد نيران الشوق مع كل طاري



ثارك بقلبي والمشاعر لهــا ثار........... ودي بثاري لو يغيب انتصاري

هذا قراري لتعجب وتحتار .............. ولو كان حبك ... مااغير قراري



اقفت بك الايام والوقت دوار,,,,,,,وانا بعد فرقاك شفت العزاري

مانيب ناسي منك لو صار ماصار.......حبك ختم بالقلب ختمٍ وزاري

قفوا وخلوني مع الهم منهار.....هاجوس فكري يذبحنا الطواري
انشهد اني آآمن بحكم الأقدار.....الحكم حكم الله على الكل ساري

أقفو وانا قلبي من البعد محتار000لاليلي ليل ولانهاري نهاري
واليوم مالي حاجتن بك ياذالدار000قدني على قطع المسافات ضاري

............

من دارهم تقطعت كل الاخبار=والياس بانت له عليه مواري

والله لولا الخوف من واهج النار==لا اودع الدنيا واروح انتحاري

[هاب الريح]

اررررحب ياحبيب ولا لك الا اللي طلبت وانا بحذف بعض الابيات الحين والى خلصت الله يعينك نسقها انت ولا تهون وسو اللي ودك

اقفت بهم حمر المراكب عـن الدار . . . . . ومن عقبهم عيني تهل العــــــباري

اثـر المـفارق بـين الاحبـاب جــبار . . . . . كم واحد (ن) دمعه من البعد جاري


ثارك بقلبي والمشاعر لهــا ثار........... ودي بثاري لو يغيب انتصاري

هذا قراري لتعجب وتحتار .............. ولو كان حبك ... مااغير قراري


اقفت بك الايام والوقت دوار,,,,,,,وانا بعد فرقاك شفت العزاري

مانيب ناسي منك لو صار ماصار.......حبك ختم بالقلب ختمٍ وزاري

قفوا وخلوني مع الهم منهار.....هاجوس فكري يذبحنا الطواري
انشهد اني آآمن بحكم الأقدار.....الحكم حكم الله على الكل ساري

أقفو وانا قلبي من البعد محتار000ولا عاد اميز ليلتي من نهاري(مع العذر من صاحب البيت)
واليوم مالي حاجتن بك ياذالدار000قدني على قطع المسافات ضاري

............

من دارهم تقطعت كل الاخبار=والياس بانت له عليه مواري

والله لولا الخوف من واهج النار==لا اودع الدنيا واروح انتحاري[/quote]
00000000
على وليف(ن) للمواثيق بوار ===== اللي خذا زينٍ بكثره يماري
ابو عيـونٍ كنـها عـين طيـــــــار ==== مـادربـوه الا لـصيد الحباري
والمبسم اللي تحته اللولواسطار=== الى ضحك يذبح ولا هو بداري
وعنقٍ الى قسته يجي عدت اشبار ==== والا النحر كنه وسيع البراري
والخصر خصر اللي تقند بمسمار ==== صفراً من الرسلان ماهي تجاري
لو آصفه فالوصف والله لا احتار ==== عجزت لاالقى له شبيه(ن) مجاري

واسمحوا لي يالاخوان واسمح لي ياحبيب استرسلت في الوصف غصبا عني هاضت القريحه مثل ما يقولون والاهم من هذا كله انها تعجبكم وترضيكم ،،، في انتظار مشاركاتكم ولكم تحيااااتي

[هاب الريح]

اسمحوا لي يالاخوان عندي تعديل بسيط على مشاركتي السابقه ارجو اعتماده

على وليف(ن) للمواثيق بوار ===== اللي خذا زينٍ بكثره يماري
ابو جديلٍ فوق الاكتاف نثـــــار==== كنه شليل مسابقات الذواري
والعين عين اللي على كف صقـار ==== مـادربـوه الا لـصيد الحباري
والمبسم اللي تحته اللولواسطار=== اليا ابتسم يذبح ولا هو بداري
وعنقٍ الى قسته يجي عدت اشبار ==== والا النحر كنه وسيع البراري
والخصر خصر اللي تقند بمسمار ==== صفراً من الرسلان ماهي تجاري
لو آصفه فالوصف والله لا احتار ==== عجزت لاالقى له شبيه(ن) مجاري

واسمحوا لي يالاخوان واسمح لي ياحبيب استرسلت في الوصف غصبا عني هاضت القريحه مثل ما يقولون والاهم من هذا كله انها تعجبكم وترضيكم ،،، في انتظار مشاركاتكم ولكم تحيااااتي[/quote]

[قلب الأسد]

يا اخوان فيه اختراع جديد اسمه رسالة خاصة.. كان ارسلت لهم يا هاب ريح رسالة خاصة تذكر الاخوان المشغولين عن التعديل والحذف.. وخبرك عارف ان الايام الماضية كانت حرب طاحنه في قسم السياسة وما احد منتبه للقسم هذا..

لكن على ما قال ما طاح من النجوم اخف لسماء..

يعطيك العافية هاب ريح على كل حال..

تحياتي لك عزيزي