شآعرٍ::يحيى بن مهذل آلصقور آليآمي:: شآعر آلمليون آلجديد

[صقر ال مره]

أقدم لكم قصيدة الشاعر المبدع يحيى بن مهذل والتى شارك بها في المرحله الاولى من مراحل شاعر المليون والتي من خلالها حصل على بطاقة الترشيح للمرحله الثانيه مع امنياتنا بالتوفيق لابوحمد:

الشعر معبد فوقه الفكـر قبـه =والشوق وحيـه مثـل نورالقناديـل
وصحايف أشعاري خفاها يشبه =من خافي التوراه وأسرار الإنجيـل
آسخره في وصف من جار حبه =وأدراه عن هرجة هل القال والقيـل
ورب من ربـي هـوالله ربـه =الي نقـل وحيـه بجنحـان جبريـل
إن شوفه أقصا غايتي والمحبه =واني بعـد فرقـاه شفـت الغرابيـل
غرو مراتيع الجـوازي مربـه =مكحول رمشه ماعرف جرة الميـل
فرقاه عوق القلب والوصل طبه =تبرا جروحي لي لمحـت المظاليـل
والي سألني ياابن مهذل تحبـه =قلت أشهد إن حبه برى الحال والحيل
قلبي غدا ومخضب الكف ذبـه =ون صحت له قال الهـوى للمهابيـل
ماهوب ودي بس قلبـي نشبـه =أنا أشهد إن عدل الهوى قمة الميـل
ياطول صبرالي هجوسه تهبـه =ضامي وهو واقف على ضفة النيـل
سـواة حـر للحبـارى تنبـه =مشحـون لكـن قيدتـه المحابـيـل
دورلقتلي ياريش العيـن سبـه =لاتتبـع قابيـل فـي قتـل هابـيـل
أمسيت وهجوسي لشعري مكبه =وأصبحت وأمطار القلم كونت سيـل
الشوق مجلس والمفارق مشبـه =وأجمل وصوفك صافي البن والهيـل
يازين لي صوت لك الشوق لبه =خلك مثل غصن مع النسمـه يميـل
والي رجا ردك من العام نبـه =طـال إنتظـاره مالفتـه المراسيـل
آماله أنهارت وصمتك لعب به =والياس ريح والصبر صـار منديـل
إما ألتفـت للشـوق ولا فكبـه =سايـلـك بالله لاتـزيـد الغرابـيـل

.
(يحيى بن حمد بن مهذل الصقور اليامي)

منقول من مجآلس آل مره

تحيآتي وفآله آلمليون

[عبدالله آل عامر]

لاهنت يا صقر ال مره على نقل قصيدة الشاعر يحيى الصقور وفاله المليون إن شاء الله

[الفرس]

قصيده رائعه رائعه .. فالقمة ..


الله يوفقه يارب ...



لاهنت اخوي صقر على الجهود وبيض الله وجهك ..

[مسفر مبارك]

تمنياتنــا لـه بالتوفيــق ولا هنت يالمــري

[محمد الغيثاني]

ياللـــــــــــــــــــه تجعل البيرك ينتقل من يامي ليامي

وفال ابو حمد البيرق ان شاء اللــــــــــــــــــــــــه ويسلمه له ابو حمد

[عـسـاه خـيـر]

صقر صح السانك ولا هنت على النقل الجميل

[مسعطر]

صقر آل مرّة..

صح لسانك و صح لسان يحيى بن مهذل..

و الله يوفقه إن شاء الله.. تقبل مروري و تحياتي..

[بطاح]

لاهنت يا صقر ال مره على نقل قصيدة الشاعر يحيى الصقور وفاله المليون إن شاء الله ,,



تحياتي ,,