قصيدة عبدالله عبيان في حفل الأهالي
سجدنا لربٍ ساق برق السحاب إعصير=عـلى ديــرةٍ فــاح الــنـفـل مع هبـايبها
من العارض المنقاد بشـّر بشـير الخـير=ونـجـــران هـــلـت به وفــلـت ذوايبها
هلا والقـلوب اطـهـرمن الغيم والتعبير=وبـيــض الـنــوايا فـي الحـنايا نرتبـها
هلا بك يا نبراس العـدل قايد الـتطـوير=ياصقر العروبه يا اصدق الناس واطيبها
هلا مـرحبا والحـب ما يحـتمل تـفسير=لــيـالـي غـــيـابـك يا مـلـكـنا نـحـسّبها
كسيت الجبل بشت ووقف هيبه وتقدير=يـــقـــلّـــد شـــمـوخـك والـثريّا يـراقـبها
وقـمة طـويق اللي عليها يغني الطـير=زهــت بـالـعــقال تـمـيله فـوق حـاجبها
تسوي سواتك وانت طبعك وعزمك غير=وعـطــفـك يابو مـتعب رفع قدر شايبها
بكيت وبكا شعبك من طريف لـ (الخرخير)=على ابن الشهيد ارهت عيونك سحايبها
دمـوعٍ تهــزم الـذل وتحـارب الـتـدمـيـر=دمـــوعٍ تسـولف لـلوطـن مـجـد غايبها
دمــوعٍ تـداوي الجـرح وتكـافح الـتزوير=دمــوعٍ تـصـب الشـمـس واللـيل يشربها
دمـوعٍ اشـد من الجـنابي وســيف الزير=عــلى الـشــلـة اللي مـاجـهـلنا مـآربها
تجي يابكـور الـوسم بالغيث والتبشير=تـزف الــحــيـا وبـروق لــيـلك تجـاذبـها
تبادر بفعـل الخـير والجـود والـتيسير=وتـشـهـد على طـيب الـمـواني مـراكـبها
وعـضيدك ولي العهد ماحافه التقصير=حــزامــك يـمـيـنك درع جـنـبك مـقـطـبها
يقـود الطـلايع سرب وقّّع وسرب يغير=وكــــفٍ تــمــد الــشـر لـلـدار يـعـطــبها
خـذ العـهد منا يا ملك يا وطــن يامير=يارمــلٍ سـكـن عــوج الضلـوع ومناكبها
نعـاهـد على طـاعة مـلكـنا بلا تأخـير=نـعـــاهــد نــقــــدم روحــنا له ونـجــلـبها
ودارٍ تشـفر حـبها في الحـشا تشــفـير=نعــاهــد عـلى صـدق الـولا في حـرايـبها
نعاهد نسوق العمر واللي يصير يصير=مـمـاتٍ يـعـــز ولا حــيــاة تـغـــضــّبها
نمـاري بتاريـخٍ يخــلي العـقـول تحـير=نــجــوم الـسـما عــنـّه تسولف مواكبها
عسى الله يرحم من بنى المجد بالتفكير=ســرى والسـيوف لهـا رجـالٍ تخـضـّبها
هجد نجد في ليل الشتا واعلن التغيير=وشــامـــت لـبو تـركـي ووحـّد جـوانبها
رحـل والـمـواقـف خالـده ما تبي تـذكـير=رحـل والـبيارق في ثـرى العـز ناصبها
وخـلّـف صـناديـدٍ بنهـج الـكـتاب تسـير=عـلى العــز والـنوماس رفـت شواربها
ليا صـاح حـدك ياوطـن واعـلنوا التحذير=تعـزووا هل العـوجا وداسوا صعايبها
يـغـني الخـفـوق ولـو سـألـته عن التبرير=يقـول انت يا صـقر العــروبة سبايبها
يرحـب بك اللي ما عـرف وجــهه التكشير=امـيـرٍٍ يســوق الخـير والناس كاسـبها
شلع في الوديعة واعتلى والشرار يطير=وشهر مشعل بن سعود في الجو واعجبها
هـلا بـك يـرددها هــلا والـديـار بـخـير=وجــيّــتـك يـاغـــيـث الــربـيـع نـتـرقـبهـا
الا ما حـلا شـوف الـعشـاير تـحـث السير=شمال “ابرق الفنجال” والعشب جاذبها
فجوجٍ تفوق الوصف والشرح والتصوير=مــواكـــر شـــيـاهــينٍٍ حــدادٍ مـخـالبها
رجـالٍ على حـد الـوطــن تحـتمـي وتغـير=تـحــت بـيـرق آل سعود تسـري ركايبها
على الـبر والـتقـوى يـميحون جـم الـبـير=وتــواضــع مـقــامـك يا مــلكنا يقرّبها
خشـعت ورفـعـت ايديك بالـحمـد والـتكبير=بـركـن الحـرم ودموع عينيك تسكبها
تهـلـل وسـبّـابتك يا اطـهر مـليك تـشــير=لــربـك عـسى ربـك يـحـقق مـطالبها
وتـبـقـى بـلـدنا مـوطــن الدين والـتـنوير=ووجــهــك يابو متعب ينوّر ويطربها
01-11-2006, 03:56 PM
العرض العادي
المواضيع المتشابهه
