▓░ عـايـض الـعــجـمـي Vs عـويـضـه الـوقـدان :: فـــي :: مــحـــاورة الــمــجـالــس ░▓

[فيصل العجمي]

	السلام عليكم ورحمة الله وبركاته... تحيه لكم اخواني أعضاء منتدى مجالس العجمان... و تحية مني لكم معطره بالود و الأحترام... وأنا أعتدت دائما على شكر جميع القائمين على هذا الصرح... من ::إداره:: إلـــــــــــــــــــــــــــى ::أعضاء::... وارجوا أن تنال جميع موضوعاتي على إعجابكم... وأتمنى أن أقدم الكثيرلهذا المنتدى الطيب بمن فيه... وسبق وان اقمنا موضوع بــأسم((محاورة المجالس))... وهو عباره عن محاوره بين شاعرين من الشعار... وشروط المسابقه سبق وان طرحتها و لكن لا بأس بالتذكير:: 1_على كل شاعر الحضور من ((5)) عصرا للبدأ بالمحاوره و الترتيب بينهم. 2_تبدأ المحاوره من بدايه نزول الموضوع. 3_تنتهي المحاوره يوم الخميس القادم. 4_ممنوع وضع المشاركات إلى بعد أنتهاء المحاوره. 5_وأرجووووا من الشعار عدم التغيب عن الموعد. والآن نحن مع شاعران... جزلان و رائعان بكل ماتحمله الكلمه من معنى... ::هما الشاعران:: ▓░عايض العجمي░▓ و ▓░عويضه الوقدان░▓ ::في:: ▓░محاورة المجالس░▓ وأشكرهم على تقبل الدعوه... والله يعينكم و بالتوفيق... وأتمنى ان تنال المحاوره على أعجاب الكل... وتقبلوا تحياتي جميعا" ... ::يبدأ احد الشاعران:: ((الرجاء عدم وضع المشاركات إلى بعد إنتهاء المحاوره))

[عايض الوقدان]

شكرا


للأخ / فيصل بن محمد بن جلوي


وبالتوفيق



/

/

/

يا مرحبا ترحيب له شان ...عند الرجال أهل المكانه=أقولها والناس يوحون ...يا مرحبا ترحيب له شان


للشعر يا أهل الشعر ميدان ...والشاعر احصانه لسانه=ماهي بلحية وزن ولحون ... للشعر وأهل الشعر ميدان

[عويضه الوقدان]

فيصل بن محمد بن جلوي

شكراً لك على المجهود الطيب ولاهنت يا الذيب

يشرفني التواجد معكم واللعب مع الشاعر / عايض العجمي

يامرحبا يا أبو محمد



أستلم

,
,

دام البقا والطيب عنوان...وأنتم لكم فالعلم خانه=تدرون والأجواد يدرون...دام البقا والطيب عنوان
سج القدم قدام الأعيان...كلن على ماقيل شانه=والشعر فيه فنون وفنون...سج القدم قدام الأعيان

[عايض الوقدان]

البندق اللي دون نيشان...ماظنّتي فيها ظمانه=واصحابها ماهم يصيدون ...البندق اللي دون نيشان

مادام شفت العلم لا بان...باحملك مني امانه =لا تلتلفت للي ينادون ...مادام شفت العلم لا بان

[عويضه الوقدان]

نبا نتمشى بين الأوطان...وانته ولد عندك ذهانه=يرضون وألا أنه مايرضون...أليا تمشينا بالأوطان
مانلتفت لفلان وفلان...بين الشجاعه والجبانه=الفرق مدري كم مليون...مانلتفت لفلان وفلان

[عايض الوقدان]

الوضع فالبلدان خربان...والناس كلاً في مكانه=وشلون تبغا الربح وشلون...والوضع فالبلدان خربان


أهب يا حامد وحمدان...يبغونها غش ولعانه=الصدر منهم صار مغبون...أهب يا حامد وحمدان

[عويضه الوقدان]

يا أخوك أنا ماني بخسران...حافظ مواثيق الأمانه=الوضع لوه دون في دون...يا أخوك أنا ماني بخسران
ياطيرنا حركة الأغصان...بكره تميل الخيزرانه=والناس مدري وش يسون...ياطيرنا حركة الأغصان

[عايض الوقدان]

قدمتها من دون برهان...وانته من اصحاب الحصانه=الشمس غابت وانت ممنون...قدمتها من دون برهان


لاهان من وصاك لا هان...لاشك في عقله رزانه=والا انت صاحي منت مجنون....لاهان من وصاك لا هان

[عويضه الوقدان]

أنا أشهد أنك رجل شقيان...وأخلفت في شروط الديانه=العمر عند الله مرهون...وأنته ياعايض رجل شقيان
اللي موصيني كحيلان... لكن خل عنك الليانه=بالهون يابن الناس بالهون...اللي موصيني كحيلان

[عايض الوقدان]

بروح انا وياك لإيران...ونجيب منها زعفرانه=بحسابي أن كان أنت مديون...بروح انا وياك لإيران

من يجزي الأحسان نكران...زماننا ماهو زمانه=يا ليت ماله قلب وعيون...من يجزي الأحسان نكران