الشدايد يا جميلة في الأزمات اختبار.. رائعة لابن جدلان بصوت محمد الأكلبي (شيلة)

[عبدالله آل عامر]

بسم الله الرحمن الرحيم
:
أسعد الله أوقاتكم مرتادي مجالس قبيلة العجمان الكرام بكل خير
:
أقدم لكم قصيدة للشاعر الكبير: سعد بن جدلان الأكلبي
:
وقام بإنشادها المبدع: محمد بن فراج الأكلبي
:
أتمنى تعجبكم..
:

الشدايد يا جميلة في الأزمات اختبار = ينعرف فيها الظلال الطويل من القصير
كل ما أذكر حالتك بين غار وبين نار = راحت الدنيا بعيني عبوسٍ قمطرير
تحسب إن حبك محاه التشدد والحصار = التشدد في المحبة هو الشر الشرير
شغلهم ضدي وضدك يعمر لك وقار = في ضميرٍ ما سكن فيه قدامك عشير
زارعٍ لك بخشةٍ من الزرار إلى الزرار = نبتها ملمسك والعود الأزرق والعبير
شد حيلك لا يصيبك فشل وإلا انهيار = لا تصغّر قيمتك وأنت في عيني كبير
لذة صبار الهوى مثل لذة الانتصار = لا تصدق من يقول الحسد ما فيه خير
لا تغيرب ما جرا من قنا مثلك يغار = كل شيٍّ ينشفا فيه ميصاله عسير
الذهب دونه حراسه وبيبانٍ كبار = والدرر من دونها هيبة البحر الغزير
غير لا تيّس و تكتب على نفسك قرار = يدفعك سوء التصرف على بئس المصير
لو لا شحي فيك جيتك جهارٍ من نهار = غير ما يصلح مقام بلا رايٍ بصير
فرصتي ويقت حرارٍ على ماكر حرار = ما يعود في المحل الربيب إلا البعير
والله إن أموت ما جاك من عندي بوار = خل في قلبك ثقة والثقة كنز الضمير
خذ كلام اللي يشوفك بعين الاعتبار = واحدٍ ما لك بقلبه ولا عقله خشير
والمحبة مدرسة شي ثبوت وشي فرار = وأنت درسي مع أهل الحب الأول والأخير

:

:
للتحميل اضغط هنا
:
تقبلوا تحياتي وتقديري
:

[ناثرة الورد]

• • •

كلمإت لهآ حس وعبير رآقــي لجمآلهإ و روعتهآ ..!

طرـرح مميز بكلمآتهـ وبصآحبهـ ~

` عبدالله ال عامر `

ابدعت اخي بطرحكـٍ الرووع ــهـ ..

دآمت لنا طروحإتكـ المميزهـ ~

تقديري }..

• • •

[عبدالله آل عامر]

تسلمين أختي ناثرة الورد على التشريف الراقي والرد المميز
:

[ابوعبدالرحمـن]

إختيار قمه فالروعه

تسلم يمينك يالغالي

[راعية اطيب قلب]

عبدالله آل عامر

رائعه جداً

لاهنت اخي العزيز

اسعدك المولى واغلاك

[عبدالله آل عامر]

الأروع مروركم تشريفكم وردودكم الراقية
:
لا خلا ولا عدم منكم ولا منها
:

[على دروب الغانمين]

تسلم يمينك على الاختيار الرائع
وانت دايم اختياراتك ومواضيعك مميزه

ولاهنت طال عمرك

[عبدالله آل عامر]

لاندمت والله يسلمك يالغالي
:
شرفت الموضوع بمرورك وردك
:

[ثامر الشميعان]

عبدالله ال عامر اختيار طيب
لاهنت على القصيده

[عبدالله آل عامر]

الأطيب مرورك يا ثامر ولاندمت يا غالي
: