مساجله شعريه .......

[خبـاري]

.
.


هاك قلبٍ في قفص صدري..تدلا
... ... ... ... يشرب طعونك ويكبـر ويتنامـا

يا رفيقي..صاحبك رحّب وهّـلا
... ... ... ... بالجروح اللي من كفوفك تهامـا

راح عمره فدوة الجرح المحـلا
... ... ... ... مثل ما قد راح لك..ياما و يامـا

يحتزم و يموت لجل ارضاك..وإلا
... ... ... ... يدحـم ويزحـم لعينك.. ويتحامـا

مـا تخـلا عنك..لكنـك تخـلا
... ... ... ... هو يشوفك وأنت عن شوفه تعاما

[وافي بن وافي]

احمدك واشكرك ماعشت مغلول اليدين=من بدت شمس اليسر ماحجبت اشراقها
مانويت اقهر يتيم ولا انهر سايلين=لجل اداري نعمتك واتقي بشقاقها

[خبـاري]

.
.

إن غبت . تدري من اللي رابح ومستفيـد
... ... ... ... الزهر / والورد بأنواعـه / وريـم الفـلا

وألا أنا في غيابك .. جعل وصلـك مديـد
... ... ... ... أضيـق ويضيـق دربـي وأتلقّـى الخـلا ،،

وتدري لا جيت أوصفك في حكي وألا قصيد
... ... ... ... مالك عليّ حلف يـوم أبـدا يجينـي بـلا

أقولك شيّ يا أغلى شـيّ وأغلـى رصيـد
... ... ... ... أنا عشقتك وصرت ألـوم وأشَـره علـى !

اللي يبي واحـدٍ غيـرك ورايـي سديـد
... ... ... ... الرجـل ودّك يحبّـك أنـت ... وإلا فـلا ،،

أحـذر تغيـب وتخلّينـي حزيـن ووحيـد
... ... ... ... وأنت الوحيد ! الوحيد اللي ملانـي غـلا

[شامخه بعز ابوهاااا]

ادفى بعز البرد لا من طريتك
ياللي كبرت و لا نسيت و تكبرت

و ان قلت لك : قلبي محلك و بيتك
احس إني بالغلا حيل قصرت ..

مقدر اعبر عن غلاك فديتك ..
مهما كتبت امن القصايد و عبرت










.

[على دروب الغانمين]

تصاحبك السلامه والاماني يانصيب الغير
انا كل الكلام اللي بقوله (يحفظك ربي)

[شامخه بعز ابوهاااا]

يبكي على حظ المقادير .. ( عشّاق )
وترجف على صدر المواجع ضلوعي


لو كان ( حبي ) داخلك بين الاعماق
ماكان هانت / فوق صدرك : دموعي








.

[EmpeRoR]

ياكثر ماتطري الفرقى على لسانك
خلاص فارق لاعاد تذلني فيها

مشكلتي إني رفعتك وإرتفع شانك
وألحين ودك على نفسي توطيها

إلا الكرامه ياعين أمك وخلانك
لاتقرب لصوبها ولاتجيب طاريها

أعيش فيها ومنها موعلى شانك
عشان من دونها أموت و احييها

[على دروب الغانمين]

اطنـخ تدلل دام أنــا وانــت ​حيـيـن
.........تفـداك روحـي كـان روحـي ​تسـدك

ديرتك قلـبـي والـشـوارع ​شرايـيـن
.........تمشي مـع الشريـان مـن حيـث ​ودك

مره تمشى داخل العيـن يـا ​عيـن
.........و مـــــره تخـش الفكـــــر محـد ​يـردك

ومـره تخيـم فالحشـا بيـن ​ضلعـيـن
...........وعلـى غـديـر الــود تـرشـف ​بـيـدك





منقول

[وافي بن وافي]

كفاني عذاب الله يجازيك بأفعالك=جرحت الضمير ولا طرا لك تداويني

[على دروب الغانمين]

يا أعز محبوب ويا أجمل أحسـاس
...............ياكهرمـان الصايـغ وياعقيـقـه
أذوب فيك أحساس وأحيا بك أنفاس
............وأرقى بحبـك فالطـوال المويقـه