شوفوا انواع الحوارات عندنا...

[الملكة]

][®][^][®][السلام عليكم ورحمة الله وبركاته][®][^][®][
شوفوا طرق الحوار المختلفة.. وقارنوا بين نوعين من الاسر...
الاسرةالاولى : الطفل لأمة ... يمه ........ ابي حلاوة بعد ..........
الأم ...مافيييييييييييييية .وجع..كل شوي حلاو ...يالله ...لا والله اصيب وجهك
..الطفل ...يتشاغل قليلاً ..حتى يتغافل امة ويأخذ ما طاب لة من الشوكولا ,
ويختبي في مكان ما لإلتهامها
الاسرة الثانيه:الطفل لأمة ....يمه.......ابي حلاوة بعد ............
الأم ...(بإبتسامة )تو أكلت وحدة صح ؟؟؟خلاص يابابا يكفي اليوم
عشان ما تقوم السوسة وتاكل اسنانك ...وبعدين نروح الدكتور عشان يشيلها الطفل عن قناعة ..
.يتذكر الطبيب ...وآلام الأسنان ...فيغير رأية بسرعة ويذهب لألعابة .
الاولى.. المراهق لوالدة :يبه...اشتر لي سيارة ...كل اصدقاي معهم سيارات إلا أنا ..
الوالد :هها بس يالله ....مابقى إلا هي ...رح عن وجهي ...
المراهق يطرق برأسة مع نظرة ساخرة ...وينتظر الوالد ليغفو فيتسلل لجيبة
ويسرق مفتاح سيارة الوالد ...................والنهاية معروفة

الثانيه ...المراهق لوالدة ...يبه ...اشتر لي سيارة ...كل اصدقاي معهم سيارات إلا أنا
الوالد :ياحبيبي الوقت ما بعد صار مناسب لأنك تاخذ سيارة ..ولأني أحبك ماراح
اسلمك السيارة إلا في الوقت المناسب خوفا عليك من الحوادث والبلاوي اللي نشوفها الحين في الشوارع ...
وإذا جا وقتها أبشر بالخير بجيبلك احسن سيارة تختارها ..
المراهق ...يطرق رأسة بإبتسامة خجولة ...وعن إقتناع يذهب لمواصلة ماكان يفعل

الاولى :المراهقة لوالدتها ..يمة ..ابي جوال ...كل صديقاتي معهم جوالات ..ويجيبونها
معهم للمدرسة عشان يقهروني ..
الوالدة :تكفييين ...هذا اللي ناقص ...مابقى إلا أجيبلش جوال ...عشان تكملين
عاد ما ذاكرتي وانتي مامعش جوال تفلحين وانتي بجوال ...وخري بس عن وجهي المراهقة :تتمتم بينها وبين نفسها ..اية هين
...وتستغل إنشغال الأم في الصباح لتسرق جوال الأم كي تستعرض بة أمام زميلاتها في المدرسة وتكذب عليهم وتقول أنة ملكها ..

الثانية : المراهقة لوالدتها ..يمة ابي جوال ...كل صديقاتي معهم جوالات ..ويجيبونها معهم للمدرسة عشان يقهروني ..
الوالدة :والله ياحبيبتي لو كنت اشوف أنك بحاجة للجوال كان جبتة لك بدون ما تطلبينة.. أنا دايما اجيبلك الأشياء
اللي تحتاجينها بدون ما تطلبينها ..
بس ما شوف انة ضروري الحين ...ممكن افكر اجيبة لو شديتي حيلك وخلصتي المرحلة بتفوق ..المراهقة بإقتناع ...
.خلاص ...معش حق ...بس تراك وعدتيني وانا اوعدك بالتفوق ..
الاولى :الزوجة لزوجها ...تكفى ودي لين اجتمعنا اليوم انا وخواتي في بيت اهلي اروح معهم السوق ...
الزوج ........وشووووووووووووو...لالا لالالالالالالالالالالالالالا.. .قال اروح معهم قال ..
الزوجة ...بصمت مؤلم ...اففففففف...(تصل لمنزل الأهل ..وتقفل الجوال ..
.وتذهب مع اخواتها للسوق بعد أن اخبرت كل من في المنزل بأن يقولوا لزوجها عندما يتصل بها أنها (مصدعه ونايمة !...)
الثانية :الزوجة لزوجها ....تكفى ودي لين اجتمعنا اليوم انا وخواتي في بيت
اهلي اروح معهم السوق ...
الزوج ..........معقول ياحياتي ...تدخلين السوق بدوني ...إذا يهون عليك أنا مايهون
علي ..أنتي عارفة أني اخاف عليكي من الهوا الطاير ..فما بالك من السوق
واللي فية ...مقدر ياقلبي اسمحيلي ...ومتى مابغيتي السوق انا اوديك ..
الزوجة وعن اقتناع كاااااااااااامل ...تسلملي .....خلاص مقدر اقول شي

<<< منقول مع بعض التعديلات >>>

والان.. مارايكم ..شفتوا الفرق .. بين انواع الحوار.. المحبطه اللا مسئولة.. والواعيه المؤدبة..

تذكره:
اساليب الحوار العقيمة في بعض المنازل العربية ادت إلى تفشي كثير من العادات الإجتماعية السيئة ..
.مثل الكذب والسرقة والانانية ...
ودمتم بحفظ الرحمن ورعايته...

[مهرة النسيان]

تسلميين ياملوكه وصحيح الضغط يولد الانفجار ..

لاهنتي اختي واسمحي لي نقلت الموضوع لمكانه الصحيح ..

[الملكة]

حياش الله يا مهرة...
واسمحي لي تراني ما اميز الفرق بين بعض المجالس....

[ابومحمد الشامري]

حوارات رائعة تعلمنا فن الاسلوب مع الابناء والاسرة بحيث نستخدم افضل العبارات للاقناع وتربية الاطفال او بمعنى اصح التعلم على الاقناع لكي نصل الى نتيجة افضل.

لا هنتي اختي القديرة الملكة

[الملكة]

حياك الله .. ابو حمد
ومرورك على الموضوع... يشرفنا ويسعدنا..
ودمت في حفظ الرحمن...

[&آهــــات الحــــزن&]

.. سلمت يمناااااااااااااك ملوكه على هالموضوع ..

.. اختلاف الحوارات يبين اختلاف النتائج بعدين ..

.. مشكور وماقصرتي ياقلبي ..

[الملكة]

مرحبا بش.. أهات
ولا تحرمينا من.. هالطلات>>> الحلوة
.. ودمتي.. بعز وامان الرحمن...

[رومنسي في جبوب]

صراحة موضوع ممتاز جدا


الله يعطيش العافية
بس

عندي سؤال بسيط

اي نوع من انواع الحوارات يدور بينش وبين اهلش؟


انا بالنسبة لي اقل الاحيان الثاني واكثر الاحيان الاول.....

[الملكة]

يا حياك الله..اخي الكريم..
اي نوع من الحوارات؟؟؟
كثيره من النوع الاول... ومدري متى..النوع الثاني >>> الله المستعان..

[الفرس]

يعطيش العافيه ملاك والله انا اللي اشوفه ولله الحمد ماشين على الثاني الذرب

يعطيك العافيه ولا انكر المرور على الاول بس سرعان مانعدل عنه

لتفادي العواقب

تقبلي مروري