أبوي مذيني على ولد عمي (اطلاله اولى )يشرفني مروركم

[قبلة شمر]

بسم الله الرحمن الرحيم
السلام عليكم ورجمة الله وبركاته
هذه القصيده من واقع موقف مريت فيه واتمنى ان تحوز على القليل من اعجابكم

ولا تبخلون علي بالنصائح والانتقاد البناء بما اني صغيره بالشعر

أبـــــوي مذيني على ولد عمـي = وعمــــي يقول البنت نبيا لولدنا
وأنا حياتي بين هم(ن) وهمـــي = يالعنبـــــو سلم(ن) عليه انربطنا
أنوح ليلي وأزرق الدمع ضمـي = جــفـــون عينــي الهــنــا فارقنا
وصار حالـي من بلا زود غمي = كنه غــدا اللي منه الموت دنــا
عــزاه والله ضاع تحقيق حلمي = عزاه والله عيشت(ن) منه ضقنا
وأثــر السعادة مالنا فيه علمــي = كن الهموم امر(ن) عليه انلزمنا
يمه تعالـي من عنا الوقت لّمــي = ابغفـــي بحضنك يــا يمــه تعبنا
مالــي سواكم يا هلي منهو يمـي = ودرب الغصايب ماله اليوم معنا
يالله تفاريجــك لــعبدك المسمــي= ويالله عقـــب مر الليـــــال يتهنا

اختكم
قبــــلة شمّــــر

[جزيل العطا]

صج السانش على القصيده الرئعه

والله يكون في عونش

تحياتي

[قبلة شمر]

تسلم اخوي اعزاز

والله يكون في عون الجميع

[جابر ال مطلق]

صح السانش والله يقسم اللي فيه خير

[حمد بن سعد المسرع]

قبلة ( الطنايا شمر )






أولا ً صح لسانك





ثانيا ً الخيره فيما اختاره الله وعسى ان تكرهوا شيئا ً وهو خيرا ً لكم









ثالثا ً ابن عم وشمري بعد وين تلقين احسن منه ولا يهونون باقي القبائل





وذلك لمعرفتي التامه بهذه القبيله الشامخه









الله يوفقك ويعطيك اللي في بالك











حمد

بن

سعد

المسرع

[قبلة شمر]

جابر ال مطلق

صح بدنك

[قبلة شمر]

حمد بن سعد المسرع

اولا :صح بدنك

ثانيا:

الحمد لله الموضوع مر على خير



ثالثا:
الظاهر انك تعرفه

وتسلم اخوي على ردك

بصراحه احرجتني بثالثا

وشمر كلها تسلم عليك

[بدر العرجاني]

وأنا حياتي بين هم(ن) وهمـي يالعنبو سلم(ن) عليه انربطنـا
أنوح ليلي وأزرق الدمع ضمي جفـون عينـي الهنـا فارقنـا


أبيات في قمة الروعة

أقترح على الإدارة تغيير

قبلة شمر من عضو جديد إلى شاعره

وأتمنى التوفيق للجميع

[الشيخه]

اختى الغاليه / قبله شمر

لاهنتى على هذه الابيات والخيره فى ما اختاره الله

تقبالى منى خالص التحيه

اختك : الشيخه

[لـمـى]

اختي قبلة شمر

(والنعم بكل شمري)

صح لسانك عالقصيدة الرائعة

والحمد لله ان الموضوع عدى على خير