سؤاااااااااال

[متفرّج]

ألا يا طير وصل لي سلامـي
عدد ما هل همـال الغمامـي
علي اللي لا نظرته طار عقلك
ألا وشلون لا كشف اللثامـي
وشفت اللول مع حمر الشفايف
وعين(ن)كنها عين القطامـي
شبيـه الريـم لامنـه تذيـر
عليها من تواصيف الأدامـي
أمانه وأنت أمين وعند ظنـي
تجيب الرد من عقب السلامي
وقلـه لا يطـول لـي بـرده
تري عيني قزت حلو المنامي
بعد مقفي ظـلام الليـل كلـه
وبان النور وأنزاح الظلامـي
طوارئ تارد الفكـر وتصـدر
تناوبني مثـل ورد الضوامـي
القصيده هاذي فيهاا حرف النون (ن) وحاب اعرف وش معنى حرف النون واكثر القصاايد يحطون حرف النون وحاب اعرف للي عنده المعلومة والله يجزاكم خير

[حبيب]

حياك الله يامتفرج

النون طال عمرك اللي تنشد عنها هذي بدل التنوين

لكي تحافظ على البيت او الشطر من الكسر

عندما يقول الشاعر قصيدته يكون التنوين تلقائي وقد يخفى على البعض

ولكن عندما تكوون القصيده مكتووبه يبين الشاعر التنوين مثل ماقلت حفاظا على الوزن

تحياتي

[كحيلان العجمي]

لاهنت ياحبيب على التعقيب