محاوره بين عبدالله بن منـصّر وبـدر الجـذعّ العتيبي 0!!!

[عبدالله بن منصر]

السلام عليكم ورحمة الله وبركاته



هذه محاورة بين عبدالله بن منـصّر وبـدر الجذع العـتيبي

عسى أن تحوز على أسحسانكم 0





* * *

عبدالله بن منصّر


سلام رديه على منقع السيل = الصايمه والحايمه قد رواها

الكيل لامنه حضر يوفي الكيل = شغموم ربعه لاحداها بلاها

* * *


بدر الجذع


يامرحبا ياراعي البن والهيل = ترحيبة(ن) تضفي على من قراها

لأجلك يابومنصّر نعيد المراسيل = أرسل ومال العله ألا دواها

* * *


عبدالله بن منصّر


دام البقا يامحلل القول تحليل = ياشاعر(ن) ذود الشعر قد قناها

الذيب لامنه عوى تالي الليل = وش حيلته من عويته لاعواها

* * *


بدر الجذع


الذيب ياعبدالله يقنب من الويل = من جمرة(ن) بأقصى الضماير لضاها

روّح وفارق من يود التعاليل = أبو جديل(ن) لاسرى الليل جاها

* * *


عبدالله بن منصّر


أنا جمل ماعاد يقوى على الشيل = دنيا عطتني ياعميلي قفاها

أن جيت ابذكر مهرتي وانكر الخيل = الله من النكبات يامن نباها

* * *


بدر الجذع


ارقا سنود العزم موجود والحيل = والارض ماشحت علينا بماها

مدام لك ربع(ن) قروم ومشاكيل = أبشر بزهر الدار واللي حماها

* * *


عبدالله بن منصّر


مهره خطاها ماتعثر من الميل = مضمارها يشهد على مستواها

شريتها في محكم القول والقيل = يوم الشكاوي عند ربي قضاها

* * *


بدر الجذع


كل(ن) على ليلاه جر المواويل = والعالم الله كيف ينسى هواها

عندك خبر ولكل علم (ن) مداخيل = مير الحراسه كيف ندخل علاها

* * *



عبداالله بن منصّر


أشوفها تسبح معي غبة النيل = لو لدّت عيوني لقتها وراها

مهره شرفها في عصر صاحب الفيل = لاوحسافه يازمان(ن) خذاها

* * *


بدر الجذع


ياغايص(ن) غب النهر ورّد الحيل = يمكن على الله ترتوي من ضماها

يوم اننا باالطيب سقنا الفناجيل = غصنا بحور الشعر وحمنا سماها

* * *


عبدالله بن منصّر


ماقصدنا مدح الشعر والتماثيل = حورية(ن) او مهرة(ن) أو حداها

ياصاحبي بدر الدجا والقناديل = ليت الولي يرزق جنابك سواها

* * *



بدر الجذع


ابنشدك ياصاحبي وانت حلحيل = تحلحل العقده وتصلب مداها

لاشفت من دنياك عد البهاذيل = هات العلوم اللي بصدر نباها

* * *


عبدالله بن منصّر


العلم يمسي في قلوب الرجاجيل = والدين والسنه مضى مقتضاها

ياكيف ابشكي والليالي مقابيل = أشرف عباد الله قبل ماشكاها

* * *


بدر الجذع


اختامها مسك(ن) وعود ومخاييل = تبرق وترعد في ديار اقصراها

لاهنت ياطب القلوب المعاليل = الطرق وافي والمعاني وفاها

* * *



سلامتكم

[راكان المحفوظي]

الله الله


يا سلااااااام


صح لسانك يا عبدالله وصح لسان العتيبي


ما تجيب الا الجزل يالقرم


ولا تحرمنا جديدك


تقبل تحياتي

[عبدالله بن منصر]

المشاركة الأصلية كتبت بواسطة راكان المحفوظي

الله الله


يا سلااااااام


صح لسانك يا عبدالله وصح لسان العتيبي


ما تجيب الا الجزل يالقرم


ولا تحرمنا جديدك



تقبل تحياتي

الأخ القدير راكان المحفوظي



أرررحب مرحبا والله ومسهلا



صح الله بدنك والجزل ردك واعجابك



ماعليك زود ولاهنت يابومحمد على مرورك الكريم

[راشد العتل]

صح لسانك وصح لسانه
محاوره رائعه .. !

وتم التعديل ياعبدالله

تحياتي

[عبدالله بن منصر]

المشاركة الأصلية كتبت بواسطة راشد العتل

صح لسانك وصح لسانه
محاوره رائعه .. !

وتم التعديل ياعبدالله

تحياتي

راشد العتل


أررحب

مرحبا والله ومسهلا


صح الله بدنك والرائع مرورك الكريم


لاهنت على التعديل : لكن كلمة( يكمن) خطا من كتابتي والصحيح (يمكن ) يمكن على الله ترتوي من ضماها

[عايض الوقدان]

العلم يمسي في قلـوب الرجاجيـل ّّّّ والدين والسنـه مضـى مقتضاهـا

,
,
,

اختامها مسك(ن) وعـود ومخاييـل ّّّّ تبرق وترعد فـي ديـار اقصراهـا

يــا ســلااام . . . محـاوره رائــعه تــدل عـلى مـوهبــه رائــعه
صــح ألــسان الـشاعرين والله , , ,

[عبداللطيف أبوظهير العنزي]

الله الله صـــــــــــح ألسنتــــــكم (عبدالله بن منصـــر)(بدر العتيبـــي)

بيـــــض الله وجهيـــكم مبدعيــــــــــن وقمــــــة الجمـــــــــــــــال

لاهنتـــــــــو ... دمت كمـــا تحبـــــون جميـــــــعــــــًا...

[عبدالله بن منصر]

المشاركة الأصلية كتبت بواسطة عايض العجمي

العلم يمسي في قلـوب الرجاجيـل ّّّّ والدين والسنـه مضـى مقتضاهـا

,
,
,

اختامها مسك(ن) وعـود ومخاييـل ّّّّ تبرق وترعد فـي ديـار اقصراهـا

يــا ســلااام . . . محـاوره رائــعه تــدل عـلى مـوهبــه رائــعه

صــح ألــسان الـشاعرين والله , , ,

أررحب ياعايض


مرحبا والله ومسهلا


الرائع مرورك الكريم


صح الله بدنك ولاهنت

[عبدالله بن منصر]

المشاركة الأصلية كتبت بواسطة عبداللطيف أبوظهير العنزي

الله الله صـــــــــــح ألسنتــــــكم (عبدالله بن منصـــر)(بدر العتيبـــي)

بيـــــض الله وجهيـــكم مبدعيــــــــــن وقمــــــة الجمـــــــــــــــال

لاهنتـــــــــو ... دمت كمـــا تحبـــــون جميـــــــعــــــًا...

أرررحب ياعبداللطيف ابوظهير


مرحبا والله ومسهلا



صح الله بدنك ووجهك ابيض



الجمال ذوقك المتميز


لاهنت على مرورك الكريم

[عبدالله بن منصر]

شـكــ وبارك الله فيكم