ســايق لطيفه :)

[شبيب ابن شبنان]

السلام عليكم وصبحكم الله بالخير


هذي قصيده فكاهيه وارجو ان تنال على شي من اعجابكم


ملاحظه : الاسماء الموجوده في القصيده غير حقيقيه .


يقووول :

ياسايـق آل محمـد الله يخلـيـك = ( ماما لطيفه مايجي بنت خالـه )
تهز راسك جعـل ربّـي يعافيـك = مـدري دلاخـة راس والا حيالـه
مع معشر العشّاق قـررت أسميـك = مرسول عشقِ مايعـرف الرسالـه
لكن تراني كـل يوميـن بآآجيـك = وانشدك عن ريـمِ يذيـره ظلالـه
منت الرفيق اللي ليا ضقت احاكيك = ولا تحسب ان بيني وبينك زمالـه
أنت آخر أهل الهند ومن الصعاليك = ومـن الفئـات الفاشلـه للعمالـه
لكـنّ عنـدك علـم لازم أداريـك = واللي يداري لـه مغفّـل عباااالـه
هاك الرساله ضمّها بيـن اياديـك = واحذر يشوفـون الرسالـه خوالـه
ماتعرفه ؟ إن شفت لك زول يغويك = ويبهذلـك اليـن حــد الثمـالـه
قلّه فديت عـروق قلبـك ولبيـك = شفـره يترجمهـا ويفهـم لحالـه
وان قال يالبيك قلّ قرّب أعطيـك = رسالـةِ فيهـا الفـراق استحالـه
واليا تعجّب قـول لعيـون غاليـك = غض النظر ياالترف عنّي جمالـه
قله شبيب ايقول يالترف وش فيـك = زعلان والاّ عن هل الشوق دالـه
إن كنت زعلان ايتعنّـا يراضيـك = والثانيـه مالـه عليهـا وكـالـه
وإن قال قلّ لـمطرشك إنس ناسيك = قلّه يدور الوقـت وانسـى خيالـه
وقلّـه تذكّـر لا تناسيـت مغليـك = إنّك علـى سلـم المحبيـن عالـه
وقلّـه فمـان الله والله يجـازيـك= وحط الرساله وسط ظرف الرساله
ولاهنت يالسايق عسى الله يخليـك = ولاتحسب ان بيني وبينـك زمالـه

[عـسـاه خـيـر]

مرسول العشق .. بشر عسى جاب العلم


ياسلام قصيده رشيقه ورائعه اخوي شبيب صح السانك يا السنافي .


بانتظار جديدك انشاءلله


دمت بود وخير*

,,

["بدر العجمي"]

اى والله ينفعون مرات وقله يسوى جماله

صح السانك قصيده تدل على البعد الخيالى وقوة المعنى والشعر

صح السانكـ الف

[سعود الخويطري]

وان قال يالبيك قلّ قـرّب أعطيـك = رسالةِ فيهـا الفـراق استحالـه
واليا تعجّب قول لعيـون غاليـك = غض النظر ياالترف عنّي جمالـه
قله شبيب ايقول يالترف وش فيك = زعلان والاّ عن هل الشوق دالـه
إن كنت زعلان ايتعنّـا يراضيـك = والثانيـه مالـه عليهـا وكالـه


ياسلام ياسلام



صح الله لسانك ياشبيب أبن شبنان




شاعر غير وحضورك دائما غير ولله درك يالمبدع




وتقبل سلامي واشواقي

[سعود الخويطري]

وان قال يالبيك قلّ قـرّب أعطيـك = رسالةِ فيهـا الفـراق استحالـه
واليا تعجّب قول لعيـون غاليـك = غض النظر ياالترف عنّي جمالـه
قله شبيب ايقول يالترف وش فيك = زعلان والاّ عن هل الشوق دالـه
إن كنت زعلان ايتعنّـا يراضيـك = والثانيـه مالـه عليهـا وكالـه


ياسلام ياسلام



صح الله لسانك ياشبيب أبن شبنان




شاعر غير وحضورك دائما غير ولله درك يالمبدع




وتقبل سلامي واشواقي

[بندر العجمي]

ارررررررررحب ياشبيب




عزالله انه مرسووووووووول خير







وصح لسانك على القصيدة الجزلة




والله لايشينك وننتظر جديدك طال عمرك



اخيكـــــــــــــــــــتت

[قــــــهـــيـــدان]

قصيده فوق الرائعه الله يعطيك الف عافيه
وصح الله السانك والله لا يهينك
الله لا يهينك يا ابن شبنا شاعر مبدع والله العظيم

[شبيب ابن شبنان]

عساه خير

حياك الله

وصح بدنك

ولاهنت على مرورك وماجاب علم المرسول

[عبدالله بن علوش]

الله يعطيك العافيه على القصيده الرائعه

اتمنى لك التوفيق اخوي شبيب

لك خالص تحياتي

[الشيخه]

شبيب بن شبنان

صح السانك مليوووووووووووووووون ولاهنت

بس بشرنى مرسولك وصل وجاك الرد ( الله يجمعك انت ومن تود بالخير )

اشهد بالله انها جزله وجازت لى لبا العرب الى تعرف الاعتذار


قله شبيب ايقول يالترف وش فيك = زعلان والاّ عن هل الشوق دالـه
إن كنت زعلان ايتعنّـا يراضيـك = والثانيـه مالـه عليهـا وكالـه


بانتظارك من جديد

تقبل منى خالص التحيه

الشيــــــــــــــــخه