للقلوب الغافله

[منصور بن منيخر]

مساء الخير للجميع,,,

كف العتب من بيننا يا بن الحلال=أن كان تبغيها تسير القافله
عيش الحياه ولا يخدّرك الخيال =دنياك هذي بالمشاكل حافله
جنوب وألا رحت في فالك شمال=رزق البشر رب الخلايق كافله
في أول شهر لابد ما يطلع هلال=عقبه قمر نور النجوم الآآآفله
أصبر علي جور الزّمن صبر الجمال=وصندوق قلبي من لساني قافله
مال الأمور الكائده غير الرجال=والنصح طب(ن) للقلوب الغافله
لا تستمع هرج البشر قيل(ن)وقال=وعلي البسيطه من صفاء لك صافله
آمنت بالله ما علي الخالق محال =ونفسي من البارح تراها قافله
والله سبحانه عليه الأتكال=في الكعبه المسلم رجاء طوافله
و هجسي تعوّد للتماثيل الجزال=والقافيّه شبه المهاة الجافله
أو خفرة(ن) من زينها أطغاها الجمال=ترقص طرب في عرس أهلها حافله
بين العذارا وصفها وصف الغزال=علي بنات الجيل هذا نافله
وأنا لها وقت الشدايد راس مال=الهزل يا أهل الهزل بفمي تافله
وترسي كما ترسي علي الأرض الجبال=والقاف راسي لا غضب عسّافله
يشرب من الغيمه علي روس الطوال=تمطر علي كفّي وأنا غراّفله
خسران من ساسه علي الجرف الهيال=سوق الذّهب يصرف وأنا صرّافله
والقاف لامنّه سري سود الليال=بين الضمايرهاجسي كشّافله
درب الرجال أهل الوفاء ما به ميال=ومن هو تعدّي حدّنا وقّافله
الحر صاد الجزل ما صاد الهزال=من فوق كفّي لا طلع وش شافله
تلقي الأجابه من بعد طرح السؤال=لا تنسدح قدّام وجه الحافله
لكن هذا اليوم للواقع تعال=تشهد علي بعض الحروف السافله
من قال لك هذا حرام وذا حلال=للشعر شاعر والشّويعر عافله
ورّد هواجيسك علي الجم الزلال=هداج تيما والجمر ينضافله
وأخير من هرج القفي مشيّ العدال=صل الفروض الخمس قبل النافله

[ضيدان بن مترك]

للقلوب الغافله ]]]]]]]]]]]]]]]]]]]]]]]]]]]]]]]]]]]]]]]]]]
ألأخ..منصوربن منيخر..
مشكوووووووووووور.الله لايهينك وصح السانك الله يوفقكم اميييييييييييييييييييييييين.

[راكان بن فيصل الحثلين]

لاخ...منصور..؟؟
صح لسانك ولاهنت على الابيات الجزله

وسجل مروري

وشــكــرا..؟؟..؟؟

[ساري الليل]

ابن منيخر....صح ألسانك.....والله لايهينك

[منصور بن منيخر]

غالب2006
لا هنت يا القرم ومشكور

[منصور بن منيخر]

فارس العجمان
مشكور يا القرم لا هنت

[منصور بن منيخر]

ساري الليل
لا هنت يا القرم مشكور

[بدر العرجاني]

صح لسانك يبن منيخر

وسلمت يمناك

[فهد بن محسن]

صح لسانك يامنصور بن منيخر

ولاهنت

تسلم على هذه الرائعه يالقرم

تحياتي لك

[فهد بن حنس]

الاخ منصور بن منيخر
مشاء الله عليكم يالعجمان كل قصيدكم بها المنتدى اجزل من الجزل
وتابعت الكثير من المنتديات
وياااااكثر الخثاريق اللي اهلها يحسبونها شعر

وصح الله السانك
ودمت بسلام
اخوك العتيبي