( .. بطـــــاقـــة صـــــراااف .. )

[بخيت البريدي]

الحــب خمـــر وسكــرة الحـب تنعـــاف = واللــه يعيــن اللي من الناس ذاقــه
والهجر غيمـا" ما يجـي منه تفتـــاف = وقلبي بدويا" طاري البرق شاقـه
والصبـر بحـر ومـركبـي دون مجـداف = والهـم مـوج البحـر لاهـاج عـاقه
والشــوق جمــرا" بيــن الاضــلاع ما راف = الا يــزيــد بكــل يومــا" حـراقه
والقلـب مــرمـى الحـب والزين هـداف = صـوب على قلـب المعنـى وتـاقه
والوقـت يمشـي والهـوى ما به انصـاف = اشوف خلي شوي ويشل ساقه
اسرفـت فينـي ياهـوى بالي اســراف = صديـت والنيـه بقـطـع العــلاقـه
وانــا اتــرجـى شوفتــك وابـدع القـاف = واختــار لـي من كـل بستـان باقـه
واقــز لـي فـي بــر الاحـزان مشـراف = كنـي سجينــا" ضايقـا" من بنـاقه
يا ليـت قلبـي بيـن الاضــلاع ينشــاف = وتشــوف قدرك بيـن كـل الرفـاقـه
حتــاك تــرجــع للنــدم والتحســاف = وتشــفق علـى شوفـة حبيبــك شفـاقه
( حبـك بطـاقة صـرف والقلب صـراف ) = شيــك وتـدري كم رصــيد البطاقـه

[عبدالله آل عامر]

صح لسانك وعلا شانك يا بخيت
:
قصيدة رائعة ومعاني وتشبيهات أروع
:
تقبل مروري وإعجابي
:

[مطلق اليامي]

يــــاهــــلا و مرحبااااااا ( ( ( يا بخيت ) ) ) يـــالله حيـّـــــه . . .

صــــــح لســـــانك على الابيـــــات الجزلة . . .

و يســـــ خفوقك و إحساااسك ــلم . . .

وعــــــــــــالاخرى عانك ـــلــى . . .

مــــــبـــــ وعساك على القوه ــــدع . . .

لاهنــــت وبيّــــض الله وجهـــك . . .

تـــقــــ تحيااااااااااااااااااااااااتـــي ــبــل . . .

[مناحي الصميل]

يا سلااااام



رائع بكل ما تعنيه الكلمه من معنى


صح الله لسانك مليار


تقديري واحترامي

[" مــــابه جديــــد "]

الله الله


والوقت يمشي والهوى ما به انصـاف
اشوف خلـي شـوي ويشـل ساقـه
اسرفت فيني ياهوى بالـي اسـراف
صديـت والنيـه بقـطـع العـلاقـه
وانا اترجى شوفتـك وابـدع القـاف
واختار لي مـن كـل بستـان باقـه




بدعت صح لسانك ولاهنت



سلام عليكم