>>>قصيدة صاروخية >>> رد على ياسر التويجري

[بنت عتيبة]

تذكرون قصيدة ياسر التويجري في قيادة الحريم للسيارات؟
تهجم فيها على آل زلفة، وياسر في كل لقاء يدعي أنه الشاعر الوحيد
وأن مافي الخليج أقوى منه.وتهجم على قبائل الحنوب أكثر من مرة.
شوفو رد النابغة الحارثي علية،،قصيدة قوية أوقفت بعد اربع وعشرين ساعة من نزولها بطلب من بعض المشايخ.علما ان الأمير الوليد أبن طلال يوم سمع القصيدة طلب الحارثي وأعطاه 100 الف ريال

قصيدة ياسر التويجري

افـتــح الـقــرآن يالله او حـديــث الـسـنــه=واعطنـي اقــوى دلـيـل يفـنـد العلمـانـي
كـانـه مكـفـر فعطـنـي مقـضـب المنـسـنـه=والله الـوالـي لجـبـع عـاتـق النصـرانـي
وان غدا عاصـي فرحبـي للـذي وش كنـه=عين نبع من صفاهـا تـروي العطشانـي
شيـخـي الـلـي منـتـه مـنـه ولا أيــة مـنـه=ضلع قلبي بيض وجهي جدي الروحاني
عزكـم يـا العـوده اللـي تكـسـرون الشـنـه=وعزنـا بالـديـن حـنـا شيخـنـا سلمـانـي
الـخـوارج حوطـونـا مـثـل ســـور الـعـنـه=عـذرهـم رايـيـن لازم واحــد مــع ثـانـي
وآخـــر الاراء شـفـتـه واحتـقـرتـه لانــــه=الدلـيـل الـلـي يـؤكـد نـزغـة الشيطـانـي
ودهـــــم ان الــعـــذارا يـركــبــن الــدنـــه=ويتمـشـن بالـشـوارع كــان بالامـكـانـي
علمـوا راع المعـارض كـان يبغـى الجـنـه=لا يبـيـع الا الـرجـال وعـلـم الحـمـرانـي
والله ان البـنـت والله لــو تـســوق بـفـنـه=ان تصـيـر بمملكـتـنـا ثـــورة الشـبـانـي
وان تشـن الحـرب شنـه مـا وراهـا شـنـه=وان يصير الزيت واللي يطلبـن مجانـي
لا تقيـس الــدار هــاذي مــع ربــوع فيـنـا=ولا تـقـارن هالشـبـاب بـواحـد لبـنـانـي
أبـــك ذولا مـجـرمـيـن وعــالــم مـنـجـنـه=عشقهم لحـم الجمـال وطبخـة الضبانـي
الهـلالـي مـثـل شكـلـي لــو يـجـن ينخـنـه=فـي عـطـال القـيـر والا قفـلـة البيبـانـي
فــي طـريـق مظـلـم مــا للمـوبـايـل رنـــه=مقطعـه مـا فيـه حولـه مرمـرة سكـانـي
وش يسوي يا جماعه ؟!.. الله اعلـم انـه=يفتح المصحف ويقرا سورة الرحمانـي!
عـلــم الـزلـفـه يـوقــف لا نـخـيـب ظــنــه=فالقصيـد الـلـي بـحـده خنـجـر عدنـانـي
ايــه شـاعـر والـدلالـه كـسـرة فــي سـنـه=لأنعمى ينطـح بوجهـه نطحـة العميانـي
الله اكبـر يـا قـرى مكـه ويـا اهــل السـنـه=عرضكـم اصبـح نقـاش لواحـد علمانـي

رد
النابغة الحارثي

راكب اللي يوم تقلع للمحرك حنّة=تدفعه نار الوقود ويرفع الجنحاني
مستلمها كبتنٍ شق السحايب فنه=من بنات العُرب عدناني على قحطاني
السعوديه بلدها مال" ياسر" منه= مسلمه متعلمه وسلاحها الأيماني
كل ما غنى هبيل الراي واقرع شنه=رتلت قول العظيم منزل القرأني
بعد توّجها "الوليد" وقال طيري منه=يافخر بنت البلد ياشجرة الريحاني
أدرجتها فا لمدرج وبرمتها سِنه=وصافحت كف السما كأنها الشيهاني
من سما جدة الى بريدة.. وتنشد عنه=شاعرٍ من دون ابن جدلان والغيداني
يفتي اللي ما أستشارنه ولا أستفتنه=ويصدرالأحكام مثل العالم الرباني
سلمي له نصّ خطك ياغزال الرنه=ثم قولي له على فرعون ياهاماني
السعوديات حكم الجهل مايرضنه=أنتهى عهد القهر والظلم والحقراني
يوم "صقر العُرب" نادى للدراسه جنة=وابتعثهن من وطنا قبلة الاوطاني
كل منبر علم في سطح الكرة مرنه=من نيو زلندا الى موسكو الى الياباني
الطبيبه والمديرة والندا لبنه=وأ نت باقي تحلب الخلفة وترعى الضاني
شرفن بلادهنه والعدو غاضنه=واندحر رجعي وسوق فكره الشراني
والسما اللي ماتطوله..يانما وصلنه=ويش يعني لو تقود الفرت والنيساني؟
مومنات وقانتات العهد ماخاننه=والسعوديين أهل دين وثقل وأتزاني
شعب راقي..والرجل منهم ليا سالنه=خدمةٍ .. لو في الخلا ماسبل الأعياني
من حيا الرجال وايمانه تقل به عِنه=مايصد من الرخامه صدته بالعاني
و"أبن زلفه" مثل حرٍٍ معتلي في قُنه=عضو شورى في حكومتنا وشانه شاني
لا تسبه في قصيده مخجله ومصنة=يشتكي منها اللسان وتتعب الاذاني
الوطن ماهو بلوت تحكمه وتصنه!=أنتبه والا خبطنا بالشجر من داني!!
وأتبع شيوخ الخليج وهيض صدر ك كنه=لا تمثلنا ولا لك عندنا ميزاني
من دبي الى قطر في دار هن وهنه=مجتهد تبى تونس جلسة الشيخاني
ليه ما نصحت عمك يوم تحمس بنه=وأنتقدت الشيخه أم اللكزز الفيراني
يوم غنت لحن "هاوني وأنا هاونه"=عفت عرضتنا وقمت تلا عب الطيراني
يعني الأيمان عندك طول نجم الكنه؟=موسمي .. رايك مذبذب مرتبك حيراني!
أنت تاجر تجلب الشكه وسو الظِنه=لا تشب النار بين الحضر والبدواني!
شق جيبك من حماقاتك وجر الونه=ماعثرك الا لسانك واللسان حصاني

[ولــد الشرقيه]

صح لسان الحارثي ماقصر في أبياته كفا ووفا

وأعتقد المنغر في نفسه التويجري ماعاد عنده رد على القصيده

مشكوره يابنت عتيبه على نقلك المميز وتنسيقك لها

يعطيك العافيه

[بدر العرجاني]

بنت عتيبة تشكرين على إيراد القصيدتين وأنا ليس مع التويجري ولا مع الحارثي لكن سوف أشارك باللي الله يعييني عليه.

أنا ضد أن شخص يسب شخص آخر لأن السب ماهوب طيب ولا يرضاه الإنسان وأعلى مرتبه في الجنه هي لصاحب الخلق الحسن.

أما بالنسبة لقيادة المرأة فهناك موقع للشيخ إن باز الله يرحمه أتمنى أن نستفيد منه وأن نجد ضالتنا وهو كالآتي:

http://saaid.net/female/f13.htm

هذا ما أحببت أن أوضحه في هذا المقام وشكرا للجميع

[اخو ناصر]

المراء تربي عيال افضل من سواقت السياره تخيل تحرش فيه احد ومحد عنده راح تدعم

[أبو ناصر]

في هذا المقام

أقول صح الله لسان ياسر التويجري

وجعل الحارثي ماهو على القوه على هذي القصيده اللي يمدح الكابتن هنادي واللي جعلها فيده
فأول شيء هذي من المجنسين وليست سعودية الاصل


والحارثي هذا لم يبين إسمه ولو أني أعتقده أنه من لقبه الناس بالملقوف والذي جارا الشاعرين ضيدان وسلطان وله عدة لقافات الله يهدينيا وإياه

وعلى العموم هو ماقال القصيده إلا عشان المية الف اللي من الوليد مثل ماكتب قصيدته الاوله لكي يعطيه الامير سلطان بعض الفتات

وهنادي ماتشرفنا كسعوديه فمن تشرفنا هي المعلمه والطبيبه التي تطبب بنات جنسها وتشرفنا أي موظفه حكوميه تخدم أخواتها المسلمات

أما السافرات اللاتي يدعمهن اهل الفساد فلا يشرفننا في شئ

هذا وتقبلي وافر التحيه يابنت عتيبه وأرجوا أن لا يغضبك كلامي اعلاه لأني أعتمد أقول رأيي الصريح وبلا مجامله

[هامات عز]

جعل ما قاله الحارثي يشووفه في هله.....لانه على قولة اخوي ابو ناصر مهوب صادق...وبيض الله وجه ياسر التويجري....وانتو يانسوان ما حن بحاقرينكم...الا والله حانينكم من الضياع....وجعل الله يستركم ...هذا كله غيره عليكم والله انه غيره والمره العاقله بتفرح اذا درت انه غيره....والمره اللي عقلها ناقص الله ربنا وربها .....والله يانسوان ان حن ما نقوووله الا من غيره عليكم



واشكر اختي عتيبيه على الموضوع



وانقل تحياتي لياسر التويجري وفائق شكري وامتناني

[زبن المجنا]

المشاركة الأصلية كتبت بواسطة أبو ناصر

في هذا المقام

أقول صح الله لسان ياسر التويجري

وجعل الحارثي ماهو على القوه على هذي القصيده اللي يمدح الكابتن هنادي واللي جعلها فيده
فأول شيء هذي من المجنسين وليست سعودية الاصل


والحارثي هذا لم يبين إسمه ولو أني أعتقده أنه من لقبه الناس بالملقوف والذي جارا الشاعرين ضيدان وسلطان وله عدة لقافات الله يهدينيا وإياه

وعلى العموم هو ماقال القصيده إلا عشان المية الف اللي من الوليد مثل ماكتب قصيدته الاوله لكي يعطيه الامير سلطان بعض الفتات

وهنادي ماتشرفنا كسعوديه فمن تشرفنا هي المعلمه والطبيبه التي تطبب بنات جنسها وتشرفنا أي موظفه حكوميه تخدم أخواتها المسلمات

أما السافرات اللاتي يدعمهن اهل الفساد فلا يشرفننا في شئ

هذا وتقبلي وافر التحيه يابنت عتيبه وأرجوا أن لا يغضبك كلامي اعلاه لأني أعتمد أقول رأيي الصريح وبلا مجامله

ليش ما تكلمت عن قصائد التويجري في قبائل الجنوب ؟
خل سياقة المره لسياره
انا ضد سياقة المره لسياره
لكن يوم التويجري يتطاول على قبائل الجنوب
ويش رائك في الكلام في ذا يا ابو ناصر ؟
يعني معجبك التويجري
الظاهر ان جفك كبير وما تميز ومراقب بعد
لا هنت لا هنت

[وووووووهم]

السلام عليكم ورحمة الله وبركاته

في هذا المقام

أقول صح الله لسان ياسر التويجري

وجعل الحارثي ماهو على القوه على هذي القصيده اللي يمدح الكابتن هنادي واللي جعلها فيده
فأول شيء هذي من المجنسين وليست سعودية الاصل


والحارثي هذا لم يبين إسمه ولو أني أعتقده أنه من لقبه الناس بالملقوف والذي جارا الشاعرين ضيدان وسلطان وله عدة لقافات الله يهدينيا وإياه

وعلى العموم هو ماقال القصيده إلا عشان المية الف اللي من الوليد مثل ماكتب قصيدته الاوله لكي يعطيه الامير سلطان بعض الفتات

وهنادي ماتشرفنا كسعوديه فمن تشرفنا هي المعلمه والطبيبه التي تطبب بنات جنسها وتشرفنا أي موظفه حكوميه تخدم أخواتها المسلمات

أما السافرات اللاتي يدعمهن اهل الفساد فلا يشرفننا في شئ

هذا وتقبلي وافر التحيه يابنت عتيبه وأرجوا أن لا يغضبك كلامي اعلاه لأني أعتمد أقول رأيي الصريح وبلا مجامله



قاله الحارثي يشووفه في هله.....لانه على قولة اخوي ابو ناصر مهوب صادق...وبيض الله وجه ياسر التويجري....وانتو يانسوان ما حن بحاقرينكم...الا والله حانينكم من الضياع....وجعل الله يستركم ...هذا كله غيره عليكم والله انه غيره والمره العاقله بتفرح اذا درت انه غيره....والمره اللي عقلها ناقص الله ربنا وربها .....والله يانسوان ان حن ما نقوووله الا من غيره عليكم



واشكر اختي عتيبيه على الموضوع



وانقل تحياتي لياسر التويجري وفائق شكري وامتناني


اوفقكمااااا الراي


بدون زعل

[حمود الهاجري]

اولن رأي ابن زلفه نحترمه ونقدرة

والامر الاول والاخير للحكومه السعودية الرشيدة في اقحام مسؤله سياقه المرأه


اما بالنسبه لياسر التويجري فهو من النوع الي يبي الشهرة بأي طريقة

وعرفت طبيعته من خلال بحثه عن ثغرات كي يثير البلبه ويلقى صداها وبالنهاية يتوقع انه حاز على شهرة وسمعه ولكن هل هي شهره وسمعه طيبه ؟؟ هنا السؤال او انه لا يهمة شي المهم اني انشهر واخاشر كبار الشعراء ....


نصيحه للتويجري

(رحم الله امرؤ عرف قدر نفسه)


لا تضع نفسك في امور انت جاهلهاااا وكبيرة عليك




احترامي للكل

حمود الهاجري

[نسيم نجد]

صح السانك يا

ياسر التويجري ..