أحبتي الكرام
السلام عليكم ورحمة الله وبركاته
هذا جديد محاوراتي على شبكة الانترنت حبيت أنقله لكم
فهد الحربي
سلام الله سلام المسلم اللي دينه الاسـلام=بعدها ياصباح الخير ياهل الطيب والطاله
انا الراسي واناالقاسي وانا الخيال والمقدام=قوي الباس واشرب دلة الفارس وفنجالـه
مسفر بن درّام
على هدي النبي ومقاطعين الشرك والأوهام=هلا يا مرحبا بالطيب وأهل الطيب وأبطاله
قبل لا تاصل لحدّ الغرور وتصدر الأحكام=قس الما قبل لا ترمي بك الأمواج في جاله
فهد الحربي
يدوم الك البقى وتعيش يامسفر يا بن درّام=وانا راعي محل وحل في داره ومنزالـه
انا شاعر وامثل لي قبيلـه طيبهـا دوام=ولدهم يعرف حسابه قبل لايصرف رياله
مسفر بن درّام
سلمت وعاشت أيامك وأنا وأنته ضيوف كرام=ودار أهل الوفا من حلّ فيهـا طيّـبً فالـه
وأنا ما قلت فيك قصور لكن لا تحكم إعـدام=وتاتيك العـرب والـروم رجليـة وخيالـه
فهد الحربي
تاخوينا وسيرنا على العربان شرق وشـام=على وضح النقى واللي يهوز الضلع يرقاله
اذا مسفر قوي الحيل يمشي والوعد قـدام=واذا مسفر شكى حاله خويه ماشكى حالـه
مسفر بن درّام
يا حي العامل البناء وقطع العامل الهـدام=غناوي والغناوي يشتري ويبيع في مالـه
إلى منا تواعدنا طريـقً يحفـي الأقـدام=عساها موتته جوع وضما من تقصر حباله
فهد الحربي
بلشنا بالمهبل والمهبـل مالهـا لـزام=واذا ماالله هداها جبت سلساله ومحباله
اذا منا تواعدنا تواجهنا يابـو عـرام=عليك الله وامانه مايجيك الغدر والعاله
مسفر بن درّام
علامك قامت بروقك تلوح وللرعود إرزام=ترا لوتسمع عواك الذياب تجيـك منهالـه
أهبّ أثرك شجاعً تنطح الجمع الغفير شمام=وأنا ماني بأمانة رأس قوم ودربي لحالـه
18-04-2008, 08:31 PM
العرض الشجري
المواضيع المتشابهه
