عزالله إني يوم حبيت / حبيت

[صالح أل صليع]

عزالله إني يوم حبيت / حبيت
ماكنت آحسب الحب هذي علومه



ضحيت ,
وأخلصت ,
وعطيت ,
وتفانيت ,
لو إن نفسي من عطاي [ محرومه ] !



الظاهر إني طحت وأنا ما سمّيت
ولا أظن لي من بعد ما طحت قومه



ما جت لي الدنيا
( على ما تمنيت ) !
حلمت : والأحلام شبه معدومه



عجزت :
وأنا اللي الى قلت سويت
حظي فتر حيله وبردت عزومه



ياما قطعت من الدروب وتعنيت
وسريت ليل ٍ ما تشعشع نجومه ,



وكم ليلة ٍ روحي على كف عفريت
وأقول ( ما آحد ٍٍ ميّت ٍ قبل يومه ) !



ماتحت رجليني ياكودالدناميت
آطا الخطر .. كني معارض حكومه !



وقفت
في وجه الظروف وتصديت
وقفة شجاع ٍ راس ماله : سلومه



وش عاد أخذت من المحبه وخليت
حب ٍ مضى وقته .. وبقيت رسومه



عليه أجرّ مع الونين / التناهيت
لا أخذت لي في جوّه الرحب .. حومه



ذكراه حولي .. كل ما أصبحت وأمسيت
رحل .. والأصعب من رحيله ؟ قدومه !

[shmoo5_ al_ajmy]

صالح ال صليع

كلمات غايه الابداع

تحياتي

[ع ـقد م ـنثور]

رآآآقـت لـي بالحيــل ..


صح لسانـك ..



ولاهنـت ..

[ناثرة الورد]

.. السلام عليكم ورحمة الله وبركاته ..

{ دائماً تبهرنا بروعة ما تقدمه لنا..

دمت ودام قلمك لا يكتب الا ما هو رائع دومـا ~

[صالح أل صليع]

بنت المشاعر

لاهنتي علي المرور

تحياتي

[صالح أل صليع]

بوؤوح


صح بدنش


تحياتي

[صالح أل صليع]

ناثرة ورد

لا عدمنا مرورش

تحياتي

[فهيد الكفيف]

ما جت لي الدنيا
( على ما تمنيت ) !
حلمت : والأحلام شبه معدومه

الله يعطيك العافيه على هالابداع اللي قدمته لنا


اتمنى لك التوفيق...

[صالح أل صليع]

فهد
اسعدني مرورك

تحياتي لك

[النـوف\نايفه عن كل البنات]

صـآلح آل صليــع

كلمـآت رآقت لـي كثيـرآآ

لاهنـت ,,