^^ قــصة حــصلت أمـــام عيــني^^

[&آهــــات الحــــزن&]

بسم الله الرحمن الرحيم
اليوم حبيت اكتب لكم قصة حصلت امام عيني لانها قصة احد الاقارب لي
القصة ان في رجال محبوب من الكل طيب وحبوب ومرح والناس
تحترمه لشدةأخلاقة وطيبته وعنده أكثر من أخ وأخت ولكن
امه ماتحبه ودايم تجرحه وتزفه واذا غاب عنها كم يوم وهو
يكون مريض ومثلاُ امرته كلمت امه وتسلم عليها وتشوف اخبارها واتقول ابيكم وينه هو حي ولا ميت تخيلوا اتفاول على الرجال
ليه كذا مو حرام اتفرق بين عيالها وهو الاحسن فيهم عاد
في يوم من الايام الرجال راح يطلع بنته من المدرسه ويوديها
موعد لطبيب ويوم ردوا دق عليه تلفون وغير من وجهه وسألت بنته
شفيك يبه شصاير قال امي امي منخفض عندها السكر وفقدت الوعي
انا بروح لها قالت انا بخاويك لانها خافت عليه وطول الطريق وهو يبكي
وهي تهديه واتقوله الحمدلله على كل حال((قل لن يصيبنا الا ماكتب الله لنا))
صدق الله العظيم اول ماوصل لأمه في البيت طبعأً اطلعت نايمه بسريرها
ولاتكلم على طول نزل على ركبه بالأرض وضمها وقعد يبكي بكي لدرجة
ان الكل يطالعه منصدمين هالمنظر حز في نفسي ورؤية وهو
جالس على الارض يبكي من شدة حبه لها على الرغم من الجفا
والعتاب والكره له لكنه يحبها ويقول هي امي مهما تكون ومهما اسوي لها ما اوفي حقهاهذا الرجل بر بإمه فأتمنى ان تبروا بأبائكم هم معكم في نفس المكان وممكن يكون مافي اي خلاف بينكم وبينه فليش ماتبرون فيهم وتهتمون فيهم البعض يقول انا اسوي كذا واسوي كذا مهما تسوي فأنت تعجز عن رد الجميل رد لهم الجميل ولو بشكل بسيط اعرف ان كم واحد منكم يتساءل وكيف لي ان ابر والدين وهم متوفين اغلبكم يعرف الجواب وهو الدعاء لهم والتصدق عنهم 0
((فأتمنى منكم يأخواني ان يعجبكم موضوعي وان تبروا بوالديكم مهما يكون))
&_آهــــــــات الحــــــزن_&