العقل نعمه

[سرحان الفكر]

السلام عليكم ورحمة الله وبركاته

صباح الخير والفقعان والنوار مردوفه
اعتذر عن الانقطاع الطويل لداعي المكشات والمقناص وعادني بعوّد

استلموا متواضعة مضمونها مفهوم...

البارحه حلو الكرى طعمها صد = بنات فكري لوحن وسط الفراش
جاني كلام وصفعته جات بالخد = يوم الجماعه اكدوا الخبر كاش
من قوته كني بحر زبّده مد = الموج طاغي والعظم صابه هشاش
مدري يحسبون المراجل معاند؟= ولاهواة النفس وابليسها داش
عهدن نقضته صاحبي هدني هد = منهو يخون العهد يحري به اللاش
وين الرجال اللي بها الطيب ينعد = يوم الليالي طرقها ذيب نهاش
تذكر حريب القوم والقيظ مشتد = يبطي صويب ويقدح السم باغراش
ايه ابتدي عن سالفه تدبل الكبد = ياصاحبي؟ ماقولها دس واخشاش
خذها نصيحه لاقسى الوقت وامتد = ماينفعك كثر التوجد ليا حاش
ثم تفقد الناموس والروح تنكد = ((كله سبايب عقبها الزير ماعاش))
العقل نعمه الجسم فيه محتد = سجيت حالك وغدى السم نوّاش
كثر الحكي دون الصمايل لها حد! = اما وفي الوعد ولا ترا ماش
كنّك بها مثل الجراده وماقد.. = عاش الضنين بحجرها ماله عشاش
ذكرك بقى بالامس واليوم والغد = ابكي خويِِ جاحد الطيب غشاش
ياويش دنيا حبلها عاقد عقد؟ = ياااكبد شومي جعلها غيم وارشاش
يسقي نفوسِِ صابها الهم مالد = و يبدل الاشواك بالورد واعتاش
هذي نهايه عابره مالها عد = صلوا على اللي مرقده بيض الاقماش

سلامتكم والعذر على التقصير...

سرحان الفكر

[سعود الخويطري]

صح الله لسانك ولاهنت



تسلم يمينك يـ سرحان الفكر



وتقبل سلامي واشواقي

[المـــلك]

سرحان الفكر
صح لسانك
وقصيده جزله
تحياتي

[بندر العجمي]

سرحان الفكر


صح لسانك




الله لايشينك وقصيده جزله

[سرحان الفكر]

سعود الخويطري : ارحب يابو محمد ولاهنت على مرورك وهذا شرف وصح بدنك فديتك

--------------------------
المـلك: ارحب وصح بدنك ولاهنت على المرور

------------------------
بندر ابن خضير العجمي: صح بدنك فديتك ولاهنت على مرورك

تحياتي واعتذر عن عدم الرد لفترة طويله

سرحان الفكر...