مجالس العجمان الرسمي


مجلس قصائد قيلت في قبيلة العجمان ويام كافة يعنى بقصائد التي قيلت في امراء وفرسان واعيان قبيلة العجمان وقبائل يام كافة وذكر مفاخرهم

رد
 
أدوات الموضوع طرق مشاهدة الموضوع
  #1  
قديم 12-10-2006, 02:39 PM
منصور بن منيخر منصور بن منيخر غير متصل
 
تاريخ التسجيل: Mar 2005
المشاركات: 154
معدل تقييم المستوى: 20
منصور بن منيخر is on a distinguished road
الشيخ منصور بن شافي بن منيخر رحمه الله

السلام عليكم ورحمة الله وبركاته
كل عام وأنتم بخير والعشر علي الجميع
مباركه هذه قصيده في جدي الشيخ منصور بن شافي
الله يرحمه ويسكنه الله

هنا التاريخ يذكر سواليف أل سفران=وأنا بذكر غزوات منصور بن شافي
ولد شافي و معروف يوم الترك له شان =وعايض خال أبيه العويّض ما يخافي
شجاع القلب من قوم مثل السيف شامان= من العامر رجال(ن) كما السم الزعافي
مع أل سعود شانه كبير وقصر برزان=وشافي جاب منصور منصي كل لافي
من أل حبيش خاله نهار الكون شجعان=وعلي الطويل خاله عديمين الوصافي
خذا حزوي وجابت فهد من روس شيخان= وللخفرات عزوه من الضيم ولحافي
من أل ظاعن رجال الشجاعه قوم كرمان=علي محمد بعيد المغازي يا العيافي
بعدّد من خصاله شجاعة قلب ولسان= وخذا عمشاء وأبيها الفريني شيخ وافي
من أل شامر هل الكون في روغات الأذهان=وهرج الصدق ماله مع الأجواد نافي
وجابت له شيوخ(ن) وللضيفان ديوان=هذا خميّس مع أوليد مقرين الضعافي
يفكون المساجين لله علم وكدان=ويجيهم ضايق البال ويروح أمتعافي
لهم بين القبايل عطر وردن وريحان=هل الشيمه هل الطيب وقلوب(ن)نظافي
سلالة شايب(ن)في القسي واللين ما شان=وسطّر يا قصيدي عبر نظم القوافي
سنة تسع وثلاثين شيخة طير حوران=وثلاثمئّه بعد الألف هجري علم صافي
ثلاثين وقضاها مع ذربين الأيمان=ولا صاحوا هل الخيل له فعل(ن)يشافي
أبو كروز شاهد مع شالح وكمعان=هل الردّات وأهل المراهيف الرهافي
وأبو محمد دغيليب شاهد وبن حرقان=زعيم ويرتكي للثقايل والخفافي
أل منيخر شيوخ ولهم في الكون ميدان=ولهم سطوه تهز الزّحاحيل الولافي
وشهد له طيّب الراس والخوّه بطيحان=ملاذ(ن)للقبيله ودمّاح العجافي
وأبو خميّس شهد مع غنيم وعنيزان=يقدّم للضيوف الشحم عقب الحلافي
وابن برغش شهد والعويض ماض الأزمان=شجاع وخيّر ومشكل وسمح وسنافي
وأبو شقره وسالم وأجانيب(ن)وعجمان=سنين المخذ والغزو والسبع العجافي
وله بيرق عليه البشير أيّام الأكوان=وهومات المعالي ما تاتي بالعوافي
غزاء الحد العراقي علي ميراد سلمان=وخلا الشيخ مرمي علي روس النوافي
وعلي حرب الحريق ومع سعود أبو شقران=وأبو نحيان شاهد ولا فيها خلافي
ومع عبدالعزيز الملك في جمع الأخوان=دخل فتح الرياض العصر والصدق كافي
تزّعم للقبيله هذا في فتح نجران=وعلي ظهر الكحيله لجمع الضد طافي
وابن جمعه شهد له بهذي وابن قضعان=وحولّها وتسبق عزاويه الهتافي
وأبو مشعان الهيلم ولد ورده وسرحان=معه نهار ضرب الجنابي والسيافي
رياجيل المواقف لا جاء في الجو دخان =معاديهم يجيه الذّعر والأرتجافي
وأبو شافي شهد له وابن حرفش عبيصان=علي ذبح الحواشي وجزلات الخرافي
ومنصور بن جويعد وبن عمّه دغيمان=وكم خلوا من القوم للحايم جيافي
وعلي جدّه تعدّي وللمكتوب عنوان=ومرسول الملك جاه علمه علم وافي
معه من يام ربعه هذا قول ابن هصمان=وجيشه من جميع القبايل فوق آلافي
وعلي حائل وخلفه جمع حضر(ن) وبدوان=وعجّ الخيل مثل المراويح الهيافي
وعلي الوفره كما قال ابن ظبيّه زباران=خذا عامين فيها ومن عقبه نكافي
وفيصل بن الهيلم معه في جو ساقان=هذا والناس مما حصل قوم ومقافي
لطرد السحت سكر دحول الماء بليهان=مئة فاطر ذبحها وتسفيها السوافي
ورجّع كل من كان عجمي وسط سفوان=ومع المندوب شاف الثلاثه في النصافي
وبن (00) بعد شاف وجهه خاطره زان=وجاء له عقب موته من المولي سعافي
وعلي البصره تواجه مع الدامر وسحمان=وحذيانه حذفها ل(00) وهو حافي
وسنة تسعه وستين هجري والخبر بان=توفّي في الحساء والأمن والخير ضافي
وفهد قبله توفّي وصيف الذيب سرحان=وبذّكر من خصاله علي بيض الصّحافي
شجاع(ن) في اللقاء وعون للقاصي وللدان=وشيخ(ن) له فعايل تعومس كل هافي
خذا صبره سليلة هل الواجب كحيلان=علي ملهي و أبيها علي قضعان وافي
من أل عرجاء هل الجود وقت الضيق ظفران=علي وقت المغازي وعلي وقت الحيافي
وجابت له محمد علي الأخصام ميزان=ويرضي الخصم بالطيب وألا بالعيافي
حليم وعاقل وشيخ وقت الكود مزبان=وناره والعه يوم نار اللاش طافي
وخذا وضحي وأبيها علي للخصم صوّان =ولد ظافر وسبعين نعم(ن) له تضافي
من أل عايد رجال الكرم في الحرب فرسان=هواجر ربع ابن عايد وربع ابن شافي
وجابت له وهو حيّ شافي شيخ ما كان=يقول الشيخ ما شفت مثل الشيخ شافي
وجابت له فهد بن فهد للضد حقران=أبو هلا لقب له وذكر الشيخ كافي
ومن هو مات جعله ما بين الحور وجنان=وعسي الحيّين يبقون للابه ملافي
وهجرهم واضحه للمسيّر شوف الأعيان=مع الوادي ثلاثه مثل نور الكشافي
هذي دليما وهذي الهليسيّه في الأوطان=تجي من عقب أبو ميركه ملفي الضيّافي
وجنوب العاصمه هيت مارد لال مرخان=وردها وأغترف من نبع ماها غرافي
وللطلبات قاضي وللحجّات برهان=وسجّل يا الأذاعي وحرّر يا الصحافي
ومن يزبن علي يام يبقي فوق الأمتان=كلام الصدق كافي بقافي وأعترافي
وطبع اللاش يجزي هل المعروف نكران=في عز البرد مرقد حريب الطيب دافي
وتم القول والشعر له وقفه وقيفان=وأنا عبّرت للقاف مما قد لجافي
نحت القاف نحت الصّخر لولو ومرجان=حروفه وسط قلبي وري العوج النحافي
ورد هداج تيما وصدّر كل ضميان=وهاضتني لحونه وبيّح كل خافي
وللطيّب مبادي وللحسنات بيبان=وللمشكل مواري وللصحراء فيافي
ولا به بيت يبني بلا همّه وسيسان=هذا والعرف ماهوب يعرض للعرافي
وصلي الله لسيد البرايا نسل عدنان=عدد من زار مكّه وصلّي ثم طافي

 

التوقيع

 

ياالله المعبود شل أيديـن مـن سـب الرسـول=حروله وألجم لسانـه وأعـم عينـه يـا ألـه
وأجعله عبره مع شـارون ينسـي مـا يقـول=يـا ألـه الكـون خلّـه تعتبـر منـه الـرواه
قاطعوا شغـل اليهوديّـه ولـو كرتـون فـول=ثـوّرت نفـس الخليـفـه آه وآ معتصـمـاه
قاطعوها وسط بنده مع ركـون أعثيـم مـول=كلمة(ن)مني عسي الله ما يربّـح مـن شـراه
من تهاون في مقامه جعل عمـره مـا يطـول=كلّنا نمشـي علـي درب النبـي نتبـع خطـاه
 
 

التعديل الأخير تم بواسطة : ابومحمد الشامري بتاريخ 16-10-2006 الساعة 10:24 AM.
رد مع اقتباس
  #2  
قديم 12-10-2006, 05:49 PM
يامي وربي الله يامي وربي الله غير متصل
 
تاريخ التسجيل: Dec 2005
المشاركات: 501
معدل تقييم المستوى: 0
يامي وربي الله is on a distinguished road

لاهنت

رد مع اقتباس
  #3  
قديم 12-10-2006, 06:29 PM
ابومحمد الشامري ابومحمد الشامري غير متصل
ابوحمد الشامري ( سابقا )
 
تاريخ التسجيل: Dec 2004
الدولة: شـبـكـة مـجـالـس العجمـــــان
المشاركات: 19,132
معدل تقييم المستوى: 10
ابومحمد الشامري قام بتعطيل التقييم

قصيدة جزله ووافيه صح لسانك يا منصور والله يرحم الشيخ منصور بن شافي ويسكنه الجنه ولا تبطي بجديدك يا السنافي

 

التوقيع

 


تِدفا على جال ضوه بارد إعظامي=والما يسوق بمعاليقي ويرويها
إلى صفا لك زمانك عِل يا ظامي=اشرب قبل لا يحوس الطين صافيها
 
 
رد مع اقتباس
  #4  
قديم 13-10-2006, 01:51 AM
عبدالله آل عامر عبدالله آل عامر غير متصل
 
تاريخ التسجيل: May 2006
الدولة: Kuwait
المشاركات: 19,948
معدل تقييم المستوى: 37
عبدالله آل عامر is on a distinguished road

صح لسانك يابن منيخر والله يرحم شيبانك.........

تحياتي لك؛؛؛؛؛؛؛؛؛؛

 

التوقيع

 





 
 
رد مع اقتباس
  #5  
قديم 13-10-2006, 05:42 AM
منصور بن منيخر منصور بن منيخر غير متصل
 
تاريخ التسجيل: Mar 2005
المشاركات: 154
معدل تقييم المستوى: 20
منصور بن منيخر is on a distinguished road

يامي
لا شنت

رد مع اقتباس
  #6  
قديم 13-10-2006, 05:45 AM
منصور بن منيخر منصور بن منيخر غير متصل
 
تاريخ التسجيل: Mar 2005
المشاركات: 154
معدل تقييم المستوى: 20
منصور بن منيخر is on a distinguished road

الاخ ابو حمد الشامري
لا هنت وبيض الله وجهك يا القرم
وصح بدنك ولك مني الشكر والتقدير

رد مع اقتباس
  #7  
قديم 13-10-2006, 05:47 AM
منصور بن منيخر منصور بن منيخر غير متصل
 
تاريخ التسجيل: Mar 2005
المشاركات: 154
معدل تقييم المستوى: 20
منصور بن منيخر is on a distinguished road

الاخ
عبدالله أل عامر
بيض الله وجهك يا القرم
وصح بدنك يا القرم
لك الشكر والتقدير

رد مع اقتباس
  #8  
قديم 13-10-2006, 07:10 AM
الصورة الرمزية ابونايف الوعيلي
ابونايف الوعيلي ابونايف الوعيلي غير متصل
 
تاريخ التسجيل: Aug 2006
الدولة: ديـرة اخوانـ نورهـ
المشاركات: 3,229
معدل تقييم المستوى: 21
ابونايف الوعيلي is on a distinguished road

لاهنت يابن منيــخر وصح لسانـــك ونعم بصبيان ال سفران

رد مع اقتباس
  #9  
قديم 14-10-2006, 01:51 PM
البركان الثائر البركان الثائر غير متصل
 
تاريخ التسجيل: Mar 2005
المشاركات: 709
معدل تقييم المستوى: 20
البركان الثائر is on a distinguished road

الاخ ابو نايف الوعيلي
لا هنت وبيض الله وجهك يا القرم
وصح بدنك ولك مني الشكر والتقدير

 

التوقيع

 

الطيب مثل البذر في كف زراع=الأرض يعرف طينها من صبخها
والمرجله ماهيب تشري وتنباع=كم واحد(ن)تعبت ذلوله وأنخها
ونفسي معودها علي خوة أسباع=صفوة مطانيخ(ن)ينومس طنخها
مثل الذي ذكره مع الناس قد شاع=ماهوب قربه كل من جاء نفخها
شروي فهد حر(ن)فتون(ن)وطلاع=هاذيك صايدها وهاذي كفخها
والطيب عند أهله مع الناس ما ضاع=والحق بذن الصمخ يبري صمخها
 
 
رد مع اقتباس
  #10  
قديم 16-10-2006, 03:57 AM
الصورة الرمزية فهد بن محسن
فهد بن محسن فهد بن محسن غير متصل
إداري مؤسس
 
تاريخ التسجيل: Dec 2004
المشاركات: 4,627
معدل تقييم المستوى: 24
فهد بن محسن is on a distinguished road

الاخ الشاعر

منصور بن منيخر


صح لسانك ولا هنت على هذه القصيده الجزله

تحياتي لك

 

التوقيع

 

فليتك تحلو والحياة مريرة = وليتك ترضى والانام غضاب
وليت الذي بيني وبينك عامر = وبيني وبين العالمين خراب
إذا صح منك الود فالكل هين = وكل الذي فوق التراب تراب
 
 
رد مع اقتباس
رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
طرق مشاهدة الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع إلى

المواضيع المتشابهه
الموضوع كاتب الموضوع المنتدى مشاركات آخر مشاركة
عجمان ( الرس ) : العلماء وطلبة العلم الجزء 3 ابومحمد الشامري مجلس أنسـاب قبيلة العجمـــــان 25 05-06-2013 07:34 PM
لقاء مع أم عبدالله زوجة فضيلة الشيخ محمد بن عثيمين رحمه الله ( النايفه) المجلس الإســــلامي 10 20-11-2011 10:42 AM
الدعوة العباسية ودورها في نهاية الدولة الأموية د.فالح العمره مجلس الدراسات والبحوث العلمية 64 06-11-2010 02:31 PM
( أول فتاة سعودية ) تقود السيارة+ صور د.محمداليامي المجلس العــــــام 43 04-09-2009 06:42 PM
حوار مع الشيخ العبيكان حول جهاد الدفع د.فالح العمره مجلس الدراسات والبحوث العلمية 6 31-12-2007 09:54 PM

 


الوقت في المنتدى حسب توقيت جرينتش +3 الساعة الآن 11:26 PM .


مجالس العجمان الرسمي

تصميم شركة سبيس زوون للأستضافة و التصميم و حلول الويب و دعم المواقع