فهد بن عبدالمحسن آل شامر العجمي

[محـMـد الـMـري]

السلام عليكم ورحمة الله وبركاته

ذات مساء جاني اتصال هاتفي من رقم جوال سعودي ماعرفه وكانت المحادثه الآتيه:-

انـــــــــا:- الو
المتصل:- السلام عليكم
انـــــــــا:- عليكم السلام - ارحب
المتصل:- بك رحب الله
انـــــــــا:- من انت طال عمرك؟
المتصل:- فهد بن عبدالمحسن العجمي من الرياض
انـــــــــا:- مرحبا ومسهلا حياك الله
المتصل:- انا ياخوك اخذت رقمك من عامر المري وانا ابي لي سياره جيب
انـــــــــا:- ابشر بسعدك - غالي ومن طرف غالي

المهم وفقنا الله ان لقينا لـ فهد الجيب اللي يبيه واخذناه وحاولنا نخلص اوراقه ونوصله له ولكن النظام ماساعدنا وقالوا لازم حضور فهد شخصياً.

جانا الأخ فهد واخذ سيارته وكنت خايف انه حصل منا اي قصور وأرسلت له هذه الرساله على موبايله بعد ماراح الله يحفظه.

يافهد يالشامري نرجي السموحه=كان قصّرنا ترى ماهوب ودّي
ماهو إبودّي عنيت وجيت دوحه=ودي اني لموترك صوبك إموَدّي
حيث انا للطيب لي نفسٍ طموحه=وشايبي من الطيب ماهو لي يردّي
بس قالوا مايجي (تصقيط لوحه)1=وصورة الجواز منّه ماتسدّي
لازم ان (إمصدّره)2 ياتي بروحه=وله يسَلّّم موتره تسليم يدّي
وجيتنا والقلب زادت به فروحه=فارح بمعرفتك ياصلب جدّي
والسموحه يافهد تكفى السموحه=والله كان قصور جا ماهوب ودّي

1- تسقيط لوحه = تبديل رقم اللوحه بـ رقم تصدير
2- إمصـــــــدّره = من ستكون ارقام التصدير بإسمه

وسلامتكم

[مهرة النسيان]

صح لسانك

وماقصرت ووجهك ابيض ويستاهل العجمي ماسعيت فيه ..

[محـMـد الـMـري]

مهرة النسيان

صح بدنك وجعل ماتقصر حبالك

اي بالله يستاهل ابو عبدالمحسن

الله يجعل وجيهنا ووجيه الطيبين بيضاء

[مسعطر]

محمد .. أبيض وجه .. ولابه قصور يا وجه يام بني عم و أخوان

ولا فيكم شكه .. و صح لسانك على القصيدة الجزلة من جزل ..

تقبل مروري ..

[أبو ناصر]

صح لسانك يامحمد ووجهك أبيض

ماقصرت يالسنافي


ومادامك رجال راعي نظره كلنا بنوصيك <<ماينعطون وجه

[محـMـد الـMـري]

مسعطر

ماعليكم زود يايام وعز الله اخوان وبني عم
وصح بدنك والله لايهينك

والشكه تولّي
بس الواحد يتشاوا الشي اللي هو سواه لبن عمه الغالي

مرحبابك وبمرورك

[الفرس]

صح لسانك الاخ محمد المري

وابيض وجه مايبغي له شهاده .. والاخ فهد يستاهل ..

وتسلم على ذا القصيده المعبره ..

[محـMـد الـMـري]

ابو ناصر

صح بدنك وبيّض الله وجيهكم

واذا بتوصي فـ وص ومرحبا بالوصاة وراعيها

يابوناصر مرحبابك لو بغيت توصي=الوصاة نقوم فيها من غلا راعيها
حاضر بالطيب لأهل المرجله مختصي=وكل حاجه طيّبه لامن بغوها اقضيها
ماني بمن قال لربوعه هذا مش خصي=لازمة ربعي اذا جت لازم اوقف فيها

[ابومحمد الشامري]

محمد المري صح لسانك يا السنافي على القصيدة الرائعة وبانتظار جديدك

ياسلام ياسلام

وجهك ابيض ياامحمد ورايتك بيضا جعلك تسلم ..

لاهنت وصح الله لسانك . وذي خدمه من إخ صوب اخيه .

تقبل تحيتي