قصيدة 0قووووووووووية0000

[كبرياء الحب]

[align=center]الشـــــاعـــــر (( الحميـــدي الــــشــــمري )) ...



وجدت هذه القصيدة فأحببت أن تشاركوني هذه المشاعر ..


خايف عليها من الثّرى غطاها
.........................والا الحصى حافي..أخاف أذّاها
أكرم عليها بالكفن يامطوّع
.........................بالبيت ظلّ فراشها وغطاها
أكرم عليها بالكفن هذي امي
.........................وإشهد عليها بما عطت يمناها
هذي الضّحى والليل يتحرونه
.........................هذي السّماء ونجومها تنعاها
هذي السوالف مثلنا تبكيها
.........................والأرض تنشد عن أثر لخطاها
هذي الكبيرة كبر هذي الدنيا
.........................هذي العظيمه جلّ من سواها
أبكي عليها مو نهار وليله
.........................ولا سنه تمشي وأعد قضاها
أبكي عليها كثر ماشالتني
.........................وكثر الحنين اللي إختلط بغناها
وكثر الأسامي..وكثر من سمّوها
.........................وكثر النجوم..وكثر من يرعاها
ابكي عليها من القهر يادنيا
.........................من لي انا؟ من لي عقب فرقاها ؟
من فتحت عيني.. ولا خلّتني
.........................شوفوا ولدها بالقبر خلاها !!
هلّ التراب بوجهها.. ماقصّر
.........................شفتوا ولدها كيف هو جازاها ؟
لو إنها مكاني ماسوّتها
.........................لكن أعزّ عيالها سواها
يالدود شفها ذابله .. جنّبها
.........................أنا ولدها .. وحاضر .. وأفداها
قطّعني هاك اللي تبي من جسمي
.........................بس الكريمه لا تجي بحذاها
وأوصيك أمانه قل لها تعذرني
.........................وتكفى تروح تحب لي ماطاها
أبيها تغفر لي مثل ماكانت
.........................كل خمله مني بطيبها .. ترفاها
يالله عساها بالنعيم الخالد
.........................وعساها في جنة عدن سكناها
يافضو هذا الكون .. ياهو خالي
.........................ياضيق هذي الدنيا .. يا مقساها
يامر طعم فراقها.. يامرّه
.........................ماني مصدق أرجع وما ألقاها؟!
وشلون أجي غرفتها ماهي فيها؟
.........................وش عذري لسبحتها .. ومصلّاها؟
شـ أقول أنا لدولابها , لشنطتها؟
.........................واذا سئلني مشطها , وحنّاها؟
وعباتها , ومي زمزم , ومصحفها؟
.........................والمبخره ,ورشوشها, وإدواها؟
الكل في غرفتها متفقدها
.........................حتى الجدار .. مفطّر ويرجاها
الكل يبكيها .. ماهو ناسيها
.........................يالله صبّرني شلون أنساها
ياليتها ماراحت وخلتني
.........................أو وسعت لي بالقبر وياها[/align]

[العـــسر]

كبرياء

نص مؤثر جدا


لاهنتي على نقله




تقبلي مروري

[كبرياء الحب]

العسر
يسلموووووووووووو علي المرور

[((الغنج))]

صح لسان شاعرها
وتسلم يا ناقلها

[مانع الوعيلي]

لاهنتي اختي كبرياء الحب على نقل القصيده الرائعه ويعطيش الف عافيه

[ليــه يازمـــن]

يالله يرحمنا برحمته شكرآ على القصيده المؤثره.... شـكــ وبارك الله فيك ـــرا لك ... لك مني أجمل تحية .

[وافي بن وافي]

لقد اختلطت لدي المشاعر عندما بديت اكتب هذا الرد
فقد استحقيتي الشكر والعتاب في نفس الوقت فيشهد الله
اني بكيت من البيت الثاني الى الآن شكرا مرة اخرى
وصح لسان الشاعر

[كبرياء الحب]

الغنج شاكره مرورك الطيب

[كبرياء الحب]

مااااااااااااااااااانع شاكره تواجدك
تحياتي

[كبرياء الحب]

ليه يا زمن
يسلموووووووووووووووووو علي المرور