في عيونها تسعه وتسعين خيال=كنهم على حوض المنايا ينادون

[مسفر بن جوخه]

ياصاحبي رح قلها ترحم الحال=وانا بشر ماني عن الموت مصيون
رح قلها مسفر لو البعد به طال=يمكن يعود تالي الوقت مجنون
لتقول لي هذي سواليف جهال=واسمع كلامي للنهايه ولا تهون
بعض الغلا ما ينوصف لك بالأمثال=لانه من السبع العجايب على الكون
وبعض الغلا ودك من القلب ينشال=لانه فضيحه ويجعل الناس يدرون
بعطيك نبذه عنها يوم الأجيال=قامت تهذري بزينها وسط العيون
بنتٍ لها في مشرق الحسن تمثال=وفي مغربه تلقى العذارى يسمون
وفي عيونها تسعه وتسعين خيال=كنهم على حوض المنايا ينادون
وفي كفها من صافي العشق فنجال=لو ما شربته عود الحال في دون
وإن جيت للمبسم بجاوبك بهبال=أهل المناحل صاروا منها يغارون
والخد لامن شفت به حبة الخال=تقول سبحان الذي صور الكون
وش جاب ربيع أول مع شهر شوال=أبسألك دام البشر ما يعرفون
تكفى يخو صيته ترى البعد قتال=وأنا عجزت أردد إبليس ملعون
رح قلها إن ما رست لي على الجال=ولا ترى نادوني الناس مجنون