الضربة القاضية

[جبل بن زيد]

اصوم واطرد صورتك والذكريات امن الخيال = وامسح جميع البرمجه للذكريات الماضية
وافطر واشوفك كاملة قدمي ولله الكمال=تنعاد كل البرمجه في رمشه وغماضية
الحمل لامنه ثقل ينقل على اظهور الجمال= حمل الهوى يجهل جنوب كبار ولا عراضية
ياغض يامياس ياسيد الملاحه والدلال = ايفز قلبي لا لمح برق الثنايا ناضية
ياحاكمت دولة (دلع) للغنج ووصوف الجمال= يختف عقلي لانظر حمر الشفايا لاضية
اعيونك إليا سلهمت يمي يزيد إبي الهبال= ماتدري إنها منك لي يازين (ضربه قاضية)
الحال حل وحل في عظمي مواري لانحلال = بالله حالي معجبك بالله عني راضية
غزيتني واثرك نويت السيطره والاحتلال= اشوف ماخليت في جسمي مساحه فاضية
متى قربك يبي يحصل لنا عسا ماهو محال= نروي ظمانا والصدور الجدب منها حاضية
قربك وله ويشد في قلبي معك حبل الوصال= والبعد زلزال القلوب إيصدّع الاراضية
نبي نآرد على الجمة وانمد مفتول الحبال= لو طُلت منّه شربةٍ وحده تروح امراضية

[هداج تيماء]

قصيدة رائعة صح لسانك يا الشاعر المبدع جبل بن زيد

[سعود الخويطري]

اصوم واطرد صورتك والذكريات امن الخيال =وامسح جميع البرمجه للذكريات الماضيـة
وافطر واشوفك كاملة قدمـي ولله الكمـال =تنعاد كل البرمجه فـي رمشـه وغماضيـة
الحمل لامنه ثقل ينقل على اظهور الجمـال =حمل الهوى يجهل جنوب كبار ولا عراضية



الله الله الله



مبدا كايف ومبدا شاعر جزل




وغزيتني واثرك نويت السيطـره والاحتـلال =اشوف ماخليت في جسمي مساحه فاضيـة
متى قربك يبي يحصل لنا عسا ماهو محال = نروي ظمانا والصدور الجدب منها حاضية
قربك وله ويشد في قلبي معك حبل الوصال =والبعد زلزال القلـوب إيصـدّع الاراضيـة


الله الله الله




صح الله لسانك يـ جبل بن زيد ولاهنت مليار




قصيده جزله وتجبرنا على المتابعه وسلمت يمناك



تقبل سلامي واشواقي

[جبل بن زيد]

ارررررررحب ياهداج تيما


وصح بدنك

[جبل بن زيد]

ارررررررررررحب ياسعود


صح الله بدنك


ومتابعتك شرف


بيض الله وجهك على المرور

[طلال الصواغ]

اخوي جبل بن زيد

صح السانك ياطويل العمر

ذكرتني في قصيده لمحمد السديري

تقبل مروري اخوك طلال الصواغ

[&آهــــات الحــــزن&]

الحمل لامنه ثقل ينقل على اظهور الجمـال
حمل الهوى يجهل جنوب كبار ولا عراضية

صح لسانك على هالقصيده الجزله

[بندر العجمي]

صح الله لسانك



وجززززل وحضووورك جزل ولاعدمناك




وووجهك ابيض يالمبدع




اخووووووووكـ