واعذاب اللي همومه كل يوم اتزوره=والبلا أنها دوم تاتي حروة العصريه
لعنبوها في ضميري كنها مأموره=كل يومٍ في حشايه تضبط البريه
وأتقهوي لين تروي بالحشاء وأقصوره=وأن ضواها الليل فيني تعزم الطرقيه
والبلا والشاهد الله حلتي مخطوره=لي ثلاث سنين حالي ماهي ابعاديه
شفتها من جور وقتي كنها مقهوره=ماهقيت الوقت هذا يتعب النفسيه
لين شفت الموت توي جاهزات أقبوره=والزمان المر بيده يكتب المرثيه
أشهد أن الحظ الأقشر حطني بالصوره=وأشهد أن الموت حق وسنته ممشيه
ياوجودي وجد شيخٍ لابته مكسوره=شوف عينه في وليده جثته مرميه
مالله إلا يدعي الله قاضبٍ باكوره=وأقصراه أليا زهمهم مابهم غاريه
والله إني مثل حاله ياهل المعموره=اونس أجروح المحبه بالضلوع أهنيه
لعنبوا من لام عقلي لا طلع من طوره=الوجيه أحتار فيها والسكك ملويه
العذارى مايخلن عاقلٍ في شوره=يقلبن أوضاع ديره في غضون أشويه
كيف لو تأتي علي اللي بالحلا ميسوره=والله أن أقوم كلي وأبصم أبئيديه
عينها عين خلوي وفمها بلوره=والشعر للركبتين وبطنها مسحيه
خصرها سبحان ربي دورتٍ في دوره=وعنقها عنق العديم أليا لمح كدريه
جدها بين المراكب راكبٍ بابوره=مابعد شاف الفياض أيمين ابو حدريه
وأمها ماهي بسهله ذربه ومشهوره=كرموها في جنيف وصارت أوروبيه
لو أزعلها بكلمه وأرحلت مقهوره=والله أن تزعل علي امريكا الغربيه
بس لا صار الصحيح وكلمتني منشوره=وأكتبوها في سطور الصفحه اليوميه
كم صحيبٍ من رداته فعلته مذكوره=للأجل يرضي خشف ريم يزعل إبناخيه
لعبنا جد الصداقه كان فيها بوره=وكانها من شان قرش ومصلحه شخصيه
مايغبن ابن الرجال ويعترض في زوره=كود لا قدر لحايا حشمةٍ للحيه
الزمن طبعه تغير وأختلف دستوره=والرجال ألها نوايا والزمن له نيه
والنفوس أمن الخطايا ماهي أبماجوره=جل من يعلم بأمور العالم المخفيه
وإلا أنا لو ماعشقت وحالتي مقدوره=كان ماقلت القصايد في غرام ابنيه
19-06-2006, 11:12 PM
العرض العادي
المواضيع المتشابهه
