عليك الفرج يالله يا حي يا قيوم ... شيلة رائعة من كلمات الشاعر سلطان الهاجري

[عبدالله آل عامر]

السلام عليكم ورحمة الله وبركاته
:
يسعدني أن أقدم لكم هذه القصيدة للشاعر الكبير: سلطان بن وسام الهاجري
:
والتي يقول فيها:
:

عليك الفرج ياالله يا حي يا قيّوم = إلهٍ عباده كلها تلتفت يمّه



ألا يارفيقي والله إنه عداك اللوم =أنا اللي علي اللوم في ذمتي ذمة



ولكن سامحني ترى العلم فيه علوم =ولا يفرح اللي بيننا ينقل النمة



حصل ماحصل والعبد يصبر على المقسوم=يدور الزمان ويخلف العزم والهمة



(طرات الرجل لا لحقه من الزمان هموم=ما يدري بسده كود خيرة بني عمه)



وسيع البنايد في الشدايد قوي عزوم=لا عظك زمانك شال همّك مع همّه



وأنا والله إني ماتهنى بحلو النوم=ورفيقي عليه هموم الأيام ملتمة



أشيل الحمل منه وأحطّه علي وأقوم=مقام يورد مظمي الما على الجمّة



لكن الزمان الشين ظالم وأنا مظلوم =على الهون ياللي تمدح الوقت وتذمه



تهب الهبايب والسفن في البحور تعوم=وتقفي بها صلف الهبايب عن اليمة



هبوب تصلفقها وبحر وسما ونجوم =وموج تقفاه العواصيف وتزمه

:

:
للتحميل من هنا
:
تقبلوا فائق الود والتقدير
:

[EmpeRoR]

بيضـــــ الله وجهكـــــ يا بو سراجـــــ
على القصيدة الرائعة وتسلم يالغـــــالــــــي

[عبدالله آل عامر]

الله يسلمك ووجهك أبيض يالأمبراطور711
:
أشكر لك حسن مرورك وردك
:

[ابوعبدالرحمـن]

كل الشكر لك اخي / عبدالله آل عامر على هذه الرائعه

وعلى فكره لها لحن ثاني على اليوتيوب بعنوان ..( شيلة قصيدة سلطان الهاجري )

لايطوفك وأراهن بأن سيزيد إعجابك فالقصيده بعد سماعه ..

ولاهنت

[عبدالله آل عامر]

العفو يابوعبدالرحمن وتسلم على تشريفك وإضافتك
:
والقصيدة رائعة من كلماتها حتى بدون شيلة
:

[حــســن الــعــذاب]

لاهنت اخوي عبدلله ال عامر على نقل القصيده الرائعه ويعطيك العافيه



دمتم بحفظ الله

[عبدالله آل عامر]

لاندمت والله يعافيك يا حسن بن نعيس
: