( أطلب القصيدة التي تبحث عنها و نحن نساعدك )

[مسعطر]

لا جا عندك شي تعال ,,
و مرحبا بك

[ضيعتني الهقاوي]

اخي مسعطر,,,

اشكرك على هذه الفكره ولاهنت يالقرم ممكن تفيدني من هذا البيت له وياليت تكمله الابيات,,,,,
نفسي عزيزة وبعض الاشياء تكزه ....وياحبني الاهل النفوس الاعزازي

تقبل خالص تقديري,,,

[مسعطر]

مرحبا و مسهلا بالأخ ضيعتني الهقاوي ,,

و هذي القصيدة اسمع فيها من زماان ,, و بالذات هذا البيت :

(( يا ما حلا الفنجال في كل حزّه =في مجلس ٍ ما سفّروا له بقازي ))

و بحثت عنها و لقيتها فالنداوي بهذه الصيغه و تصرفت فيها تصرف بسيط ,,

البارحه بالليل يوم اتنزّه =اخيل برّاق ٍ سرى وين يازي
من دون ربعي سهلة ٍ مبرهزّه = ابغي العزا عنهم ولاني.. ْبعازي
يا ما حلا عند اول النبت فزّه =و ممشاي مع من كان للنفس جازي
و رفقات من يبغي الوناسه و عزّه = خوّة نشاما تنشرى بالغوازي
ايلا اقبل الطرقي بنظوه يهزّه =كنّه على البيت المثولث يحازي
بيوت ٍ اهلها من وراها بنزّه = مشيدات ٍ في طويل النوازي
كزّه و دزّه و اوصله في ملزّه =و الضيف من طيب المعازيب فازي
يا زين شب النار خطواة حزّه =في مجلس ٍ ما سفّروا له بقازي
و اللّي يسويها صبيّ ٍ منزّه =شطر ٍ بها ماهوب خطاة الخنازي
عجل ٍ يهلّي بالمسيّر بفزّه =ولاهوب لا خدر ٍ ولاهو قمازي
يا صبي كان انّك تريد المعزّه =عنّز على اللّي جارهم مايهازي
جار المعزّه ودك انّك تعزّه = و جار ترى جمعاه منها المجازي
ترّك صبيّ ٍ بالبلد ضاع مزّه =بغي البلاد و من هل البر جازي
يبي حضير ٍ بالبلد مستلزّه =اللّي يبيعون اللبن بالبيازي
انا ايلا كلنّ لذا في ملزّه = في ماقف السفهان مانيب وازي
حلفت ما وافقت معهم برزّه = ولابالردي خايلت شبه الجوازي
نفسي عزيزه بعض الاشيا تكزّه = يا حبني لاهل النفوس العزازي

الشاعر / عيد ابن خلف آل عاصم القحطاني رحمه الله ,,

و السموحة ان حصل قصور او خطأ ,,

[M!Ss LeGeNd]

الف شكر لك أخي الكريم ع الموضوع المميز والله يعطيك العافيه
انا اسمع بيت لقصيدة وهي قديمة جدااا ولكن مااعرفها القصيدة كاملة اتمنى ان تفيدني الله لايهينك

وهذ1 الشطر:
الاصايل عند اهلها مثل كنز ثمين
لو تزود بالثمن ماعطوك رجالهاا
واذا ماخاب ظني القصيدة لشاعر من الحجرف العجمي
...
تحياتي
M!Ss LeGeNd

[ضيعتني الهقاوي]

مسعـــــطــــر

بيض اللـــــــــــه وجـــــــــــــهك,,,

ولا هنت يالذيب,,,

ويعطيك العافيه ,,

[خالد وبس]

الغالي / مسعطر


تدّرج كنها عسيـفِ بالهـوى مزهـوّه
تدري انه من غلاهـا عينـه تباريهـا
في عيوني له سنابل بالذهـب مكسـوّه
وفي عيونه لي فيـاضِ يانـعِ مافيهـا




هذي بيتين ..ارددها من زمان بيني وبيني
ولا ادري من هي له ..!



افدنا افادك الله

[النـوف]

الاخ / مسعطــر

الله درك و كل الشكـر لك ع الفكــرة و الطرح


موفق ان شاء الله


/
\


و عن طلب الاخ / خالد وبس و بعد اذن مسعطر ..


ممكن يفيدك هالرابط للابيات اللي طلبتها

و هي للشاعرة لألي وهي معنا بالمجالس


http://www.alajman.ws/vb/showthread.php?t=41761



تقديري ..

[خالد وبس]

صدقتي يالنوف
وانا اقول قد مرت علي البيوت بس مدري وين ؟!

صح السان الشاعره
وتسلمين





ولا هنتي !

[حـــوران]

^
قل قسم


مسعطر , خوش موضوع ومافي بالي شي انشد عنه

الا صح تذكرت بيت وابغى باقي القصيده اللي يقول :

خالد وبس يحفر ويدفن عندك = قصده شريف .. ونيته ملعونه

[بنت عز ومعزه]

الله يعطيك العافيه اخوي مسطر
بصراحه في قصيده لي وقت وانا ابحث عنها بس مالقيتها
وياليت تساعدوني وهي قصيدة عبدالرحمن اباالجيش (يابحر)
ولكم مني جزيل الشكر