كيكة السور الخشبي الكاكاوي بالصوووور لاتفوووتكم

[&آهــــات الحــــزن&]

	هالكيكه بدون مبالغه الطبق الناجح باي جمعه او عزيمه تروحين لها وسهله ما يبي لها شي والكل بيعتقد انك شاريتها جاهزه يعني بتكشخين فيها صدقوني شوفوا صورتها هذا زوم جانبي المقادير (لماعون التشيز كيك المتحرك اصغر واحد) 20 حبة كتكات بوصبعين 1 ارو قليل من الزبده لتسييح الارو كيكة سارالي فانيلي 2 قيمر كي دي دي ظرف كريم كراميل مالقيت صورته بس اكيد تعرفونه ظرف دريم ويب 6 حبات جبن كيري وللتزيين مالتيزرز فليك الطريقه تصف اعواد الكتكات على حواف اناء الشيز كيك بعدين يصف الكيك في قاعدة الماعون بعدين يسيح واحد ارو مع قليل من الزبده وتدهن فيه طبقة الكيك توضع طبقه ثانيه من الكيك يتم عمل الخلطه بالخلاط 2 قيمر+ 1 دريم ويب + 1 كريم كراميل+ 6 جبن كيري تصبون الخلطه فوق الكيك واخر شي يزين بالفليك والمالتيزر يوضع يالثلاجه ليله كامله قبل التقديم وبالعافيه واي سؤل انا حاضره ملاااااحظه اناا بسويها اليوم ان شاءالله وبكره انزل لكم صورتهااا

[عبدالله بن عصام الشميعان]

بروح اتغدى وارد احلي
هههههه
اختي اهات شكرا عالكيكه الحلوه تقبلي مروري...

[EmpeRoR]

&آهــــات الحــــزن&

يعطيش العافية على الوصفة الحلوه..
وبأنتظار الصور بكره
تقبلي مروري..

[أميرة الإحساس]

تسلم ايدج اهات

كيكه روعه احلى مافيها الكت كات

بسويها باجر إن شالله والخميس بروح لـ m!ss و ارويج الصوره

[أميرة الإحساس]

بما أني اليوم من الصبح فاضية وقاعده اقحص بالمجالس <<< مو مداومه اليوم ..

قلت خل اختم يومي الفاضي بشي حلو


بس شفت موضوع حبيبتي اهات رحت لجمعية المنطقة المجاورة

وجبت العدة

وجيت ابني كيكتي

اول شي مثل ما قالت لي ابلة اهات

1) جهزت عجينت البناء الكاكاو مع الزبدة وخلطتهم عدل عشان لاحطيتهم يتماسك البنيان
وما يتفجج بسرعه



2) بديت اصف الاساسات عدل وبدون فراغات بينها عشان ماتصادفنا مشكلة خلخله
بالبنيان فيما بعد



وهذي بعد ما اكتمل صف الاساس ( ادري فيه فراغ صغير .. قصيت نص اصبع وحطيته مكانه )



3) بلشت في صف البنية التحتيه للبناية .. وعبيت كل الفراغات حتى لو صغيره



4) دهنت البنية التحتية بالعجينة الكاكاو والزبده



5) بعدين بلشت أصف البنية الوسطية وعادي اذا مالكم خلق تعبون الفراغات مو مهم حيل اخرتها بناكلها البناية



6) واخيرة عبيت البناية بالخلطة الكريما ونخشها بالثلاجا بعيدا عن متناول الاطفال ..



والفليك والمالتيزرز ينحط مع التقديم


ها ابلة اهات شرايج بكيكتي .. جم تحطين لي ؟؟

::

::

مشكووووووووووور حبيبتي اهات عالطريقة

يعطيج الف عافية

[m!ss-83]

8
8
عز الله إنج فاضيه ..

لا تجين إلا وهي معاج ولا لاتجين

تسلم ادياتج

**

كيكه حلوه

يعطيج العافيه

[&آهــــات الحــــزن&]

ماشاءالله علييييييييييييش يااااحلوه

اعطيش ميه من ميه

وانااا بوريش اخر اعداااداتي بس باقي بكره قبل لا احطهااا للناس الي جاين اوريكم شكلها النهائي

والله يا اميرررررررره فرحتيني حيل لانك سويتهاااا

يالله شوفي شغلي طبعاا مو احلى من شغلك يالغاليه



[IMG][/IMG]


[IMG][/IMG]

[الغروب]

اهـات تسلمي على الطبق الرائع

[MSK]

● آهات الحزن ●
وصفه رائعه وحلوو مميز ..!
تسلم إيدج يا قمر على الطبق اللذيذ ..!
:
● أميرة الإحساس ●
تطبييق رووعه يا فنانه ..!

[ملاذي]

شكرا"....على الكيكه....!!

ومواصفاتها....

وشكرا"...على تطبيقها.....

راح نفكر بتطبيقها.....
دمتم لله ..أقرب..