..... تاج الرعارع ......

[جميل بن زريع]

بسم الله الرحمن الرحيم

قصيدة ترى النور لأول مره ويشرفني ان تراه من منبري الوحيد حاليا

على الشبكة العنكبوتية مجالس العجمان .. أسأل الله ان ترقى الى ذائقتكم .

اهداء الى أخى ودليلي : زريع صالح ال زريع .

صلوا على النبي :

الرعارع : عاصمة دولة ال زريع في عدن 469-570 هجرية ..
الداعي سبأ , أبو الغارات : من ملوك ال زريع .
اروى : السيدة اروى بنت احمد الصليحي . من ملوك الصليحيون .

سلام صبـَّت مزنته واشْربتها من حيني = لـنـِّي رعدته وابـْرقت في داخلي برقاته
سلام من جوفي على جوفي ومايكفيني = لو سقت روحي كلها لاجل اخترع كلماته
ودي بشي ٍ مختلف وابداع صنع ايديني = عليه وسمي تعرفه من حبـْكته و ابياته
من دار ( بوش ) ارسلتها ولاحشمت ( اتشيني ) = رسالة ٍ مضمونها ود الجواب وهاته
سلام للي عزتي من عزته واسنيني = لو تنحسب ما عدّها الا فدا مافاته
يادرع جنبي ياذرا خوفي ويامنسيني = لـما ذكرتك من عنا وقتي ومن صكاته
ايلا تعزوت في دمي قطرة ودمّك فيني = يفور راسي من دمي لين اتغلي قطراته
ويفز لك في داخلي ضلعين , وش ضلعيني ؟ = لا والله الا كلها ترتج من زفراته
وايضخ بامرك ( لورطي ) كل احتياط ابطيني = حتى اكتفائي بك ولك في القلب يانبضاته
عجرت لا الـْقى لي صفه تـِشـْبـِهك في تكويني = غير ان ذاتي مختلط وانت اعظمه ياذاته
ولا عرفت اميـّزك أو وينك انت وويني = الله ( زرعـْـك ) بـْداخلي صوت الحشا واسكاته
ايلا تـِكلمـْـتك غلا أسمع صدى واوحيني = وايلا نظرتك شفتني بالقلب واعويناته
بالمختصر جيت امدحك يامحزمي واثريني = مدحتني ولايجوز لشخص مدح اصفاته
لقيتني يوم اكـْـتـِبك كتبت بين وبيني = مابين ( زين ) وبين ( جيم ) وبين ( عين ) و لاتـــه
ولو سـُمـِّيوا نفس الاسم لو الف والا الفيني = مافيه وجه امقارنه بين الجبل واحتاته
اذا انت جدك الاولي واعياله امسمّيني = عليك باقي نسلهم والحكم وامْهماته
حتى قبل ماتنخلق , ماهو غريب الحيني= تلقى كثير يشدهم داعيك واغراءاته
ياباقي المجد الأبي واجدودنا المقفيني = ياتركة الداعي ( سبا ) و ( اروى ) ويادولاته
حكمت باسمك في عدن من خلقك التكويني = لازال غامض ما انـْعرف في الغيب وش ميزاته
ثم جيت تحكم في عدن قلبي وساحل صيني = حكم ( الرعارع ) وقت ( ابو الغارات ) في سطواته
ياعز ابوي وهيبته يا (التاج) ياتأميني = ضد الظروف الحالكه والوقت واجحافاته
بنيت بك بدل القصر للمرجله قصريني = الاول تعدّى المملكه بِكْثير في زمـّاته
والثاني احرق في غمام العود وايْذرّيني = ويـْلوذ من بعد الولي من خاف ببناياته
ياسجدة امي في قيام الليل ياقاريني = في دعوتك لله يسوق الخير في مدّاته
قوّيت بك ضعف اليتيم اللي بكى في عيني = وابكيت بك عين اللئيم اللي ظلم دمعاته
ان قلت ( أخ ) اخطيت فيك ,( الأخ ) آه اتجيني = والا انت حب وطِب قلب وقوت لب اقتاته
لو ان ( كليب ) بوقتنا و ( الزير ) له ثاريني = ماخذت بك ( جساسهم ) ولاكفت ثاراته
ولو ان تغلب كلها وان (بكرهم) بكريني = ثم قارنوك بوزنهم مارجّحوا كفـّـاته
انت البقا فيما مابقى , شي ٍ بقا يبقيني = وايلا ضمتني وردته شح الحشا بانباته
رسالتي في شوكها والورد مايدميني = رسالة ٍ مضمونها ود الجواب وهاته
من دار ( بوش ) ارسلتها ولاحشمت ( اتشيني ) = و( ازريع ) فاير في دمي حتى غلت قطراته

وسلامتكم

[محمد الغيثاني]

صح السااااااااااااااانك جزل ومبدع ويشرفني اني اكون اول من را هذه الرائعه ويرد عليك

تعظييييييييييييم سلام لجنابك

[جميل بن زريع]

المشاركة الأصلية كتبت بواسطة محمد الغيثاني

صح السااااااااااااااانك جزل ومبدع ويشرفني اني اكون اول من را هذه الرائعه ويرد عليك

تعظييييييييييييم سلام لجنابك

بسم الله الرحمن الرحيم

ارحب يالغيثاني ...

صح الله بدنك ,, وسلم الله قلبك ...

ماعليك زود لاعدمتك .. وووجودك هنا يزيدني شرف ..

يامرحبا مليون وشكرا لعطرك في متصفحي ..

لاهنت ........ وتقبل وردي وخالص ودي ................

[فـارس]

الاخ جميل بن زريع

صح الله لسانك على ذا القصيده االجزله من راس جزل

والله يعطيك العافيه وفي انتظار جديدك

[جميل بن زريع]

بسم الله الرحمن الرحيم

مرحبااا ومسهلااا يافارس ...

صح الله بدنك .. وسلم الله قلبك ...

ماعليكم زود والله يعافيك ياغالي ..

الف شكر لمرورك الكريم بمتصفحي ..

لاهنت ...... وتقبل وردي وخالص ودي ........

[نبض العجمان]

الاخ جميل بن زريع

صح الله لسانك على ذا القصيده الرائعه

[محمد نادر سويد]

الاخ ابن زريع

صح لسانك

وبيض الله وجهك

على القصيده الجميله

الجزله تقبل تحياتي

اخوك

[مسعطر]

ســـلام لــلــي عــزتــي مــــن عــزتــه واسـنـيـنـي=لــــو تـنـحـسـب مــــا عــدّهــا الا فـــــدا مـافــاتــه
يــــادرع جـنـبــي يــــاذرا خــوفــي ويامـنـسـيـنـي=لـمـا ذكـرتــك مـــن عـنــا وقـتــي ومـــن صـكـاتـه
ايــلا تـعــزوت فـــي دمـــي قـطــرة ودمّـــك فـيـنـي=يـفـور راســي مــن دمـــي لـيــن اتـغـلـي قـطـراتـه
ويفـز لـك فـي داخـلـي ضلعـيـن , وش ضلعيـنـي ؟=لا والله الا كــلــهـــا تـــرتــــج مـــــــن زفـــراتــــه
وايضـخ بامـرك ( لورطـي ) كــل احتـيـاط ابطيـنـي=حـتـى اكتفـائـي بــك ولــك فــي القـلـب يانبـضـاتـه
عجـرت لا الْقـى لـي صـفـه تِشْبِـهـك فــي تكويـنـي=غـيـر ان ذاتــي مخـتـلـط وانـــت اعـظـمـه يـاذاتــه
ولا عــرفــت امــيّــزك أو ويــنــك انــــت وويــنــي=الله ( زرعْـك ) بْداخـلـي صــوت الحـشـا واسكـاتـه
ايـــلا تِكلـمْـتـك غـــلا أسـمــع صـــدى واوحـيـنــي=وايـــلا نـظـرتــك شـفـتـنـي بـالـقـلـب واعـويـنـاتـه
بالمختـصـر جـيـت امـدحـك يامـحـزمـي واثـريـنـي=مدحـتـنـي ولايـجــوز لـشـخـص مــــدح اصـفـاتــه

الله لا يفرقكم



جميل يا جميل ,,,


قصيدة جزلة من جزل و إلنا شرف يومها عندنا فقط


و لي رجعة بعد ما اقرا البيوت الباقية

لأني وجدت فيها شوي ألغاز
مثل : الأحرف ,,




أستودعك الله ,,

[الاحرش]

صح لسانك أخوي و تقبل مروري دمت بود ...

[علي آل زايد المري]

ابن زريع بيض الله وجهك على القصيده الجزله,,


وتقبل مروري