breck .. ][قضـــى ليل الهوى طلابه][ >> her

[مترك العمره]

المشاركة الأصلية كتبت بواسطة قضى ليل الهوى طلابه

روحي معك الا معك كل كلـي=اشبح مطر عيني وهذي علامه
الحزن داعيني يّرحـب يهلـي=اشرب فناجيل القهر والندامـه
على فراقك صابني ماحصلي=جفني سهيرٍ ماهنا في منامـه
اشوف طيفك وَانا واقف اصلي=واضّيع الركعات بعـد الإقامـه

لـ شاعرها / مترك العمره له مني اجمل تحيه عبر منبري هذا

القديره والعزيزه/ قضى ليل الهوى طلابه
اتشرف بوجودي في هذا المتصفح الجميل ,,, وتتشرف ابيات شعري بتواجدها في هذا المنبر الشامخ الحزين المليء بالكم الشعري الجزل ,,, واشكرش على هذه الذائقه الشعريه ,,, جميل ماتسطرينه هنا وهذا ليس بغريب عليش ,,, اتمنى لش المزيد من التقدم والابداع ولاهنتي,,,
تحياتي وتقديري لشخصش الكريم

[قضى ليل الهوى طلابه]

المشاركة الأصلية كتبت بواسطة مترك العمره

القديره والعزيزه/ قضى ليل الهوى طلابه
اتشرف بوجودي في هذا المتصفح الجميل ,,, وتتشرف ابيات شعري بتواجدها في هذا المنبر الشامخ الحزين المليء بالكم الشعري الجزل ,,, واشكرش على هذه الذائقه الشعريه ,,, جميل ماتسطرينه هنا وهذا ليس بغريب عليش ,,, اتمنى لش المزيد من التقدم والابداع ولاهنتي,,,
تحياتي وتقديري لشخصش الكريم

شاعرنا / مترك العمره


يا مرحبا ومسهلا


عطرت الصفحه بتواجدك الكريم / ووجود ابياتك في متصفحي شرف لي


وكل الشكر لاطرائك الحاتم ( شهاده اعتز فيها )



لاهنت ع المرور

[قضى ليل الهوى طلابه]

مسيتي بالخير ياصفحتي

تخبر الدموع اللي سرت من عيونك ضيق؟!=لقاها هدب عيني حزينه وقلطها
وقامت تجمع من على محجري وتويق=والا حوّلت ماعاد يمديه يلقطها
لكن ماعليها خوف ،، خل الدموع تريق=خدودي لدمعٍ من سبايبك باسطها
صغاير الامور اشيلها والكتوف تطيق=وعظايم الامور تهزني وآتباسطها

[قضى ليل الهوى طلابه]

اتجاهلك .. ياطاري البعيد القريب =كن مالي معك "قصة غرام وهوى"
وين اببعد عن اسمك وين ابقفي واغيب =كل ماقالوا اسمك ذيب صدري عوى
اجحدك .. واتبرى منك كنك غريب =وناشدي عنك صّدر ضاميٍ ماروى
والا حبك يشيب الراس .. ولا يشيب=لو مالله جمع بيني وبينك سوى
مير ماني على حزني قريّب .. حضيب =كل مازاد حزني .. فيك عزمي قوى
كل ظنٍ على شوفك وقربك يخيب =وكل رمعه يلاقفها السهر والنوى
وكل جرحٍ يطيب الا انت جرحك عطيب =مالجرحك علاج ..ولا لجرحك دوا
مابقى غير جرح البعد من ناب ذيب =ماتشاوى لو ان ذياب جرحه شوى
تبدي الشمس .. ويمر النهار ويغيب=والمساء من ظلامه لين صبحه ضوى
وانت ترعى مفالي خاطري من قريب=تقطف الورد وتصّدر عدود الروى

[قضى ليل الهوى طلابه]

هذا المقسوم والمقسـوم حاصـل=ومكتوبي علـى وجهـي قريتـه
لو انه تحت الارض اظني اسـلا=واسلـي خاطـري لامـن رثيتـه
لكنه حـي .. وعلومـه تجينـي=وطيفه وين ما أوجّـه .. لقيتـه
يادنيا : انتي من انتي له يادنيا !!=حصلّـي منـك شـي ٍ ماهقيتـه
سمحت من الهوى خيره وشـره=يكفينـي منْـه شـي ٍ خذيـتـه
معـوّض خيـر يالقلـب المعنّـا=هذا قسمك لو انك مـا اشتهيتـه
حلمت وضاعـت الاحـلام منّـي=وهذا اللي مـن احلامـي جنيتـه
ياكـم وقّفـت لسهـوم المنـايـا=وكم من راس داب ٍ قـد وطيتـه
وكم ناديـت بأسمـه ماسمعنـي=وكـم ليـل ٍ علشانـه سريـتـه
عن العالم .. مكانه فـي عيونـي=وقـوس الحـب لعيونـه بريتـه
على وضح النقا / والحـب الاول=لو امحي ذكرياتي .. ما محيتـه

[قضى ليل الهوى طلابه]

تقول حبك بين الأضـلاع راكـن=وأقول هذا اللي ذبحنـي وجيتـك
سمعتني محمد يغنـي (الأماكـن)=وأسمعك (واحشني موت) وفديتك

[قضى ليل الهوى طلابه]

اليوم ماتنفع دموعه ورجواي=اليوم تفصل عن حياتي حياته
اليوم ابدلها مشاعر حناياي=يصبح من اخواني وانا من خواته
اليوم يتركني لحالي بدنياي=مجبور يقفي لو يزيد التفاته
لو اتعلق فيه ماينفع بكاي=خلاص فات الوقت واعلن فواته
اليوم بعطيه العزا عقب فرقاي=عندي خبر وش قيمتي في حياته
اليوم ياهمي وياطول مسراي=ويافرحة العذال واهل الشماته

[قضى ليل الهوى طلابه]

توّي دريت ان السهر لذة الليل=وان العتاب اصدق معايير الاحساس
شرهة دموع العين على المناديل=وانا مشاريهي بلا حد وقياس

[قضى ليل الهوى طلابه]

حالتي ماهي غريبه .. ولافيها غريب=اكثر العالم تمره .. وتبحث له خفاه
حالة العاشق ليا من فقد صوت الحبيب=فضل القبر وعذابه على طعم الحياه

[قضى ليل الهوى طلابه]

لو يستحي واقعي من قلة احلامي=ماكان يستكثرك .. ويخيّب ظنوني