::. بلا تنقيح .::

[غـشـام]

أعذروني بأكتب بلا تنقيح ..
( أي أقبلوها زي ما هي )
ولو ع ـشان خاطري ..

أما الدافع للكتابه
أكيد ----->> هي

وفيه أحـد غيرها .. مسوّي في غشّام البلاوي !!؟


أي وربي ( هي )

//
\\

:. فاصل ونواصل .:

يقولون : فيه هذاك المسكين عينه تعوّره من شرب الشاي ..
حيّر الأطباء مع عينه وإرتباط الألم بشربه للشاي ..




\\
//

:. باك .:


هي وبكل أسـف




























مُجرّد اُغنيه ..
أجر الحرف على وجهه جررر وأنا أسمعها ألحينا

يعلم الله إن كأني أحس في الحرف يمشي بين الحنايا

الأغنية لفنان ( دوووب ) وشبه عادي ( بالنسبة لي ) ..
أما القصيدة ,, فهي تلامسني رغم بساطتها ..
وبلاشك شاعرها ليس الأفضل لذائقتي الشعريّة ( مع إحترامي له ولها )
يمكن اللحن مسوّي معي بلاوي .. يمكن

الأكيد ذا الأغنية بالذات ما أمر عليها إلا وأنا مطربق قدام العالم ..
كذا أفضـ فض لا أكثر ولا أقل

لا تسألوني عنها ,, لأني ما راح أقول / مـ أبغى أشترك مع أحد بالذنب ..
يكفيني ذنوبي .. الله يغفر لنا ويغفر لكم ..

-- اللي فوق كتبته منشان أريّح عن نفسي شوّي --

والآن جاري التفكير من أين نبدأ ؟

<--- نصاب يحاول يكتب بدون لا تعرفون الأغنيه

أها لقيناها - ميد البداية - ( مسرع )


نشتاق للماضي نحن إليه بكل ما أؤتينا من مشاعر
نشتاق لأيام الطفوله
يذبحنا الحنين لكل شيء
حتى ولو الحنين لشيء قريب جِداً

لماذا نشتاق ..؟

هل ... الكِل يشتاق ..كما أشتاق ؟

الزمن نفس الزمن / اليوم 24 ساعه
لم يتغيّر شيء

فصول السنه نفس الشيء لم تتبدّل ..
الشتاء هو الشتاء ببرده وأمطاره
والصيف هو الصيف ..

السنه 12 شهر ( ياعيني ع المعلومات الجديده )
لا والله جِد / ماتغيّر شيء

خلونا نرجع على أنفسنا و ( نمرمط ) في أرواحنا شوّي

هل نحن مَن تغيّر ؟

او أن هذهِ سُنّة الحياة ..
كل ما كبرنا ... تزداد سـوء
وإلا ع ـشان أعمارنا تخطّت ألـ 46 سنه / ( خلاص دحدرنا )

والله إن ننشب لها .. ولايطوفنا قطار الوناسة ..
ويا قطار تلاقيني أنتظرك قدام أنا واللي ( بيشلع مِعِي )

\\
//


في هذهِ اللحظة .. الكاتب يُفكر

لازال يُفكر


أخذ المنظار .. وحدّد قلب الهدف
وبدأ التفكير في كيفية إصابته بضربةٍ مُميته
تجعله شظايا متراميّه .. لايستطيع الوقوف بعدها

وسحب غشّام بندقيّته حامداً الله على إقتنائها
وأخذ نفساً عميقاً الآن
ومد البندق .. وأطلق رميّة قد حدد مسارها ( آنفا ) <--- أحس إنها نشاز

//
\\

فعلاً بلانا من أنفسنا ..
كِل شخص يبحث عن راحته النفسيّه وسعادته ، ولو على حساب غيره
يعني حالنا في هالدنيا ( هذا يترفس ببطن هذا )
تقولون في غابة ( والعيش من أجل البقاء )
والشاطر الأقوى الذي ينتصر ..
صـح ؟












لا مو صح ..



لا أحد يقول الشاطر هو اللي يربح ...
لأن كلبونا خسرانين ... في نهاية المُحصله

مافيه أحـد مِنّا ما يجيه ولو ( مخش صغنوني )
غير أنت يا ( ابومخيش ) عليك بالصبر وأحمد ربّك وحاول تكتم وتكتّم عليه
ترى غيرك ( تكسّرت ضلوووعه ) ولا أحد بداري عنّه
لأن فيه مثل دارج مدري وين ديرته ,,
المهم إنه يقول : ( كِل آفه عليها من الله آفه )
للي ما فهم : ( كما تدين تُدان )

هُنا نستنتج : أن الشاطر هو اللي ... ( ما ني بقايل فكروا أنتوا ) ..!!

عجزت من التفكير وأصابعي عورتني من الكتابة

هم ليش مايخترعون كيبورد يكتب بالصوت ..؟


\\
//

:. فاصل .:

على ذكر الأصابع اللي عورتني

هذاك راعي الشاي اللي عينه تعورّه أكتشفوا سبب الألم
إن الغبي يشرب الشاي والملعقه بالكأس ..
كل ماشرب طقّت الملعقه بعينه

حلـوووّه ؟


\\
//

:. باك .:

أما إن الزمن يرجع ... والله إن تبطي عظم و ( تنحف يا دووب ) ما رجع
غير تلاحق روووحـك وأحيّاك معي ...
خلنا ننتظر القطار في المحطه اللي اؤؤؤدااام
ويا عساه بس ما ينقلب او يتعطّل
هنا وإلا ( دن الهاشميّه )
ولا أحـد يشوفك وأنا أخـوك
لا ( ينقدون ) عليك العالم .. وتغدي أضحوكة العصر
ترى العالم كلهم مثلك غير يتصبرّون على ما فيهم
لأنهم عقّال وعارفين محد بشايل هم غيره مثل همّه
ولو كان أبووووه وإلا أمّه


أيه أيه / أنتم يا اللي في القطار ..
مانسينا منكم

إذا تعطّل قطاركم ( دفووه شوي ) ولو ع ـشان خاطري

//
\\

هنيّا وقفت الأغنية ..
ودخل معي واحد ع المسنجر ( شوّش فِكري وحاسه )
وزان الخاطر مع سوالفه
فديته وفديت ديرته وقبيلته وناسه
لأن السوالف معه وناسه X وناسه
لا أحـد يروح بعيد تراه ( خالي )
لعل رأسي فدوّه لرأسه

* بأخليه يعاين الموضوع *


آسف ع الإطاله

يللاا

* مو ضروري الردود

باي

[غـشـام]

ول قد مشاركاتي فوق 600
أثرني معتّق

[أبو مسعود]

لاهنت يا غشام على الموضوع


تحيتي لشخصك الكريم اخي الفاضل

[][ .. خــجــل .. ][]

غشـــااام

يعطيك العافيه على هذا المووضوع .. وعلى الاسلووب المميز ..

وصحيح البشر هم اللي يتغيرون لكن الزمن بنظري مايتغير .. وكل شخص الا مايحن ويشتاق للماضي بكل مافيه ..

بس اهم شي في الموضوع الفاصل الاعلاني >> فاصل داخل عرض ..

>> خلنا ننتظر القطار في المحطه اللي اؤؤؤدااام
ويا عساه بس ما ينقلب او يتعطّل
هنا وإلا ( دن الهاشميّه )
ولا أحـد يشوفك وأنا أخـوك
لا ( ينقدون ) عليك العالم .. وتغدي أضحوكة العصر >> اسلووووب مميز بالفعل


الله يعطيك العافيه..
تقبل مني كل الاحترام والتقدير ..

[الغروب]

الأخ / غشام

مرحبا بعد الغيبه ..بس < جبت الغنايم >...دائمآ مواضيعك تحتاج مني وقت لأقرأها قصدي < افهمها>

الحلو والجديد في الموضوع أنك ادخلت اسلوبك المميز <المرح> بين سطورة مما اعطاه صورة

وكأنك تقرأ مجموعة مواضيع بموضوع واحد ....اما الزبدة وبرأيي المتواضع : الزمن ماتغير احنا

اللي تغيرنا.

دمت مبدع

[الشيخه]

لاهنت على الطرح


تحياتى لك



الشيخـــــــــــــه

[الاب الروحي]

غشااااام

اوراق كثيره مبعثره ولكنها تحمل في طياتها الكثير والكثير

اشكرك على استظفتنا في عالم افكااار الواعي والراقي

اشكرك

تقبل مروري

ودعتك الله

[فـارس]

غشام

شكرا لك على هذا الموضوع الذي يحتوي بين سطوره على مجموعة من الحكم الجميله

فشكرا لك ياخي على طرحك وفكرك الجميل

وتقبل مروري

[مهرة النسيان]

مرحبا

اول شي من قراءتي للموضوع كأنه فضفضه لما في خاطرك وتنتقل من فكره
لاخرى وكنك تلعب قيس >> لغير الناطقين بالعربيه هالكلمة

يقولون : فيه هذاك المسكين عينه تعوّره من شرب الشاي ..
حيّر الأطباء مع عينه وإرتباط الألم بشربه للشاي ..

يعني حبكت على الشاي ياخي فيه زعتر ..حليب .. بيبسي .. بربيكان مو لازم شاي
بلاش منه الالم

لا تسألوني عنها ,, لأني ما راح أقول

ياهو جاني فضول ابي اعرفها

الزمن نفس الزمن / اليوم 24 ساعه
لم يتغيّر شيء

اختلف معك الزمن صار يمشي بسرعه رهيبه
وفي الحديث من علامات الساعه تقارب الزمان
الله يكفينا واياك شره

وسحب غشّام بندقيّته حامداً الله على إقتنائها
وأخذ نفساً عميقاً الآن
ومد البندق .. وأطلق رميّة قد حدد مسارها ( آنفا )

شكلك من محاربين امريكا القدماء

فعلاً بلانا من أنفسنا ..
كِل شخص يبحث عن راحته النفسيّه وسعادته ، ولو على حساب غيره
يعني حالنا في هالدنيا ( هذا يترفس ببطن هذا )
تقولون في غابة ( والعيش من أجل البقاء )
والشاطر الأقوى الذي ينتصر ..
صـح ؟)

فيه جانب من الصحه والاصح ان كل انسان عنده من الخيرات الكثير
ولكنه يبحث عن ماينقصه ولا يشكر الله على ماعنده .


[QUOTE]
هم ليش مايخترعون كيبورد يكتب بالصوت ..؟[QUOTE]


جاري التصنيع في اليابان بس للحين مافيه لميتد ادشن للشرق الاوسط
يعني بتاكل هواء ماجاك

[QUOTE]
هذاك راعي الشاي اللي عينه تعورّه أكتشفوا سبب الألم
إن الغبي يشرب الشاي والملعقه بالكأس ..
كل ماشرب طقّت الملعقه بعينه

حلـوووّه ؟[QUOTE]


لا مش حلوة
اثاريها نكته وانا مصدقتك

غير تلاحق روووحـك وأحيّاك معي ...

احي فيك اللهجه وتمسكك بها خ خ خ

ودخل معي واحد ع المسنجر ( شوّش فِكري وحاسه )

منيح اللي دخل ولا ماكان خلصنا ذا الليل

نشكر الله

واخيرا

عجزت اختم الرد

اتركه كذا احلى .

[يوران]

القطار ماشي ماشي

وسلم على خالك