رح سترتك سنين .. وبالوداع انفضحت

[مليحة العجمان]

غاب نـور الحكايـا بالوجيـه وسرحـت
وانت مسرى على رجل المعـذب طويـل

ليتني قبل لا اقفي عن عيونـك سمحـت
هاك دمعي علـى كـف الـوداع النحيـل
.
اعتبرنـي مدينـة جيتهـا واستـرحـت
قبل تملـى عيونـك بالسحـاب ويسيـل
.
اعتبرني دمـوعٍ فـي عيونـك وسحـت
واعظم الجود دمعه من عيـون البخيـل
.
كنت صادق ولكن ليه منك انجرحـت ..؟
اتعب الكون صمتـك لا تصـد وتخيـل ..
.
عنك دربي يطول وكل ما امشيـه طحـت
حسبي الله على طعونـك ونعـم الوكيـل

بعد ما صرت تملك كل مـا فـي رحـت
مـال ظـل الغـرام وحـان رد الجميـل
.
قبل لا اشرب ودادك في ضلوعي نزحـت
عذرك ابرد مـن النسمـه بجـوٍ عليـل
.
تصفر الريح غربه في غصونـك وبحـت
عيش عمرك مسافه بيـن صبـحٍ وليـل
.
ضعت ما ادري انا اللي ضقت والا فرحت
كان باقي تحـت جـذع الامانـي مقيـل
.
لو يمر الحنيـن الصـب حيـن اتضحـت
بين عوج الضلوع وبين طلع النخيـل

اشبع الحزن صوتي كل مـا مـل نحـت
وانت تاخذ وتركينـي علـى المستحيـل
.
كم عشاني خطيت وكم عشانـك دمحـت
لو تجـف المدامـع مـا يبـور الهزيـل
.
تدري اني عطيتـك روح لكـن مسحـت
كـل ذكـرى تشـدك للرجـوع وتميـل
.
رح سترتك سنيـن وبالـوداع انفضحـت
شف تلمس ضلوعـي باقـي لـك نزيـل
.
وان رموشك تسولف للندى وش لمحت .؟
عط كيانك مجال .. يشوف دمع الاصيـل
.
دام صدري اناء وفي غرامك نضحـت ..
ما بقى في قوي العـزم للصمـت حيـل
.
بس أبسأل أمانه قبل تمشي صفحـت..!!
خايف اني مقصـر وانـت عابـر سبيـل

[ناثرة الورد]

يعطيكـِ العـآإفيه
ولآهنتي على النقـل المميز والرائع

وبنتظـآإر جديدكـِ
دمتي لمن تحبين

[فزت فيها]

قصيدة مميزة دام هذا ألاحساس والعطاء

[هيبة حضــــريه]

كم عشاني خطيت وكم عشانـك دمحـت

لو تجـف المدامـع مـا يبـور الهزيـل



يسلمــوووو مليحــه واللــه يعطيكـ العـــــآفيـه ...

[مليحة العجمان]

يعافيج
مشكوره على المرور

[عذاااب]

ابياات حلوه ورائعه ... بس فيهاا حس الحزن وااضح .. الله يسعد قلبك يامليحه ولا يشووف الضيقه ابد


تقبلي مرووري يالغلااا

[مليحة العجمان]

وقلبج

لاهنتي على المرور

[سالم بن وعلان]

ابدااااااااااااااااااااااااااااع

ما شاءاللة عليك شاعرة متميزة وجززززززززززلة

اعجبتني القصيدة حيييييييييل صح اللة ألسانك ملايييييييييييين

تقبلي مروري

[مليحة العجمان]

صح بدنك

ولاهنت على المرور