عــ يــ شـــ ي بــ ا لــ قــ هـــ ر عـــ مـــ ر كــ

[MONT BLANC]

إستكثـرك وقتـي علَـيْ وغـدا بـك
عـادة زمانـي كلّمـا طـاب هـوّنْ

ليـت الـذي ودّاك يـا زيـن جابـك
تشوف عقبـك كيـف الايّـام سـوّنْ

شرق(ن) مشيت وغرب وقتي مشىَ بك
والقلب ما له لايـم(ن) فيـك لـوْ وَنْ

عقب الهنـا بـك ذاق لوعـة عذابـك
تـلـونّـت دنـيــاه ولا تـلــوّنْ

طويتني طـيّ الـورق فـي كتابـك
حتّـى معاليـق الحشـا لـك تطـوّنْ

إشتقـت لأيّـام الهـوَى فـي جنابـك
يوم الشّموع بليـل الاحبـاب ضـوّنْ

واشتقت أقـول لهاتفـك مرحبـا بـك
واشتقـت لغيـوم الصحـاري تكـوّنْ

عوّد ترَى داعي الهـوَى عنـد بابـك
واروي القلوب الّلي بعـد مـا تـروّنْ

غنّيت لـك عمـري ولاجـا جوابـك
واسمـي مـعَ مجنـون ليلَـى تـدوّنْ

[MONT BLANC]

قالت لي مليت..
ودي بحد غيرك

جمع جروحك..لملم مشاويرك

واذا قضى صبرك..جرب صبر غيرك

لو اشغلك وعذبك طيفي..ابكي

واذا بكيت اكتب بدمعك شعر اشكي لمراسيلك

وبوعدك اذا صرخ جرحك ونادى..دمعتي تنزل عليك

بضحك على ايامي معك..واخذ على قلبي عهد مايخلص لغيرك

اعذرني..مليت



ماتبيني ملت صدق المشاعر..يانور ايامي وسنيني اللي مضت

يالظلام اللي بيديني..مابقى فيني بقايا اتركيني

سل الحزن لغدرك خناجر ومالقاني فيني

وجرحي نادى..يامحاجر الدمع مايكفيني

ضاعت بداياتي..بقيت نهاياتي واسأل اجاباتي..هو أنا اخطيت

هو بقى في اللي بيجي ياليت..ماتت اجاباتي

قالت لي..مليت



يا اكثر جروحي الاخيرة..لو عرفتي اليوم قلب ودعك

يا آخر جروحي الكثيرة..ماعرفتي اليوم ما عاد اذكرك

وما اذكر من اللي مضى..الا غرامك والفراق

بعض اللقاء والاشتياق..

وكل الاحاسيس الصغيره

يابرد عمري وياهجيره..تخطين لو يخطر في بالك

انك في بالي كل دقيقة..وانك خيالي والحقيقة

واني احبك مهما كنتي..يابرد عمري وزمهريرة

ان كان قلتي اني فقدتك..ماصدقتي

وان كان قلتي مانسيتك..ماصدقتي

لو عرفتي مااذكر من اللي مضالي الا انتي

وما اذكر من اللي مضى الا انتي

وما اذكر الا اني بكيت

وفي ليلة مافيها وفاء..قلتيلي مليت

يا انتي اخر أولي..لاتصدقي اني نسيت

[MONT BLANC]

يسعد صباحك يا حبيبي،، حالي طيب
كل شي مثل اللي كان
المدامع ،، و المواجع
والأمان اللي اختفى لحظة غيابك
والليالي اللي مضت
مثل الليالي اللي مضت
الهم عازف
والدمع نازف
والعمر في غيبتك ،، ! حاير وخايف
حتى جراحك وسط قلبي مثل ماهي
وفي شفاهي باقيٍ نفس الكلام اللي بقى،، آخر لقا
مثل مانت يا حبيب الروح شايف
كل شي مثل اللي كان
وحالي طيب
يسعد صباحك يا حبيبي
،،
هذا انت
كل ما ضاقتبي الدنيا ،، تغيب
وكل ما ضاقت بك الدنيا ،، تجيني
هذا انت
ان كساك الهم ،، صرت أوفى حبيب
وان نساك الهم،، تتباهى بـ أنيني
مثل منت ،، دايم تجي فـي وقتك حبيبي
بعد ما وقتك يروح
يا آخر دموعي وشجوني
وأول إحساسي جروح
ما بقالي من عذابي يا حبيبي الا انت
وهذا انت يا حبيب الروح شايف
كل شي ،، مثل اللي كان
وحالي طيب
يسعد صباحك يا حبيبي
هذا ضي الصبح ؟ أو هو بعض نورك ؟!
هذا همس الورد ؟ أو دافي شعورك ؟!
منهو مثلك ؟في غرورك ؟!
جيت متأكد باسامح
راسم الطيبة ،، ملامح
ماهو بدري ؟ ؟
انت تدري
ما قتلني غيابك ،، اكثر من حضورك
أيـــه كان العمر داكن
ايه كان الهم ساكن
وقتي بعدك
بس أنا يا ضيّ عمري
كنت عودت الأماكن تألف بعادك وصدك
ياللي ما يرضيني ضعفك
ما ادري انثر فوق كتفك أغلى دمعي ،،
او
أردك

[shmoo5_ al_ajmy]

متابعه للابداع

[MONT BLANC]

المشاركة الأصلية كتبت بواسطة بنت المشاعر كلن لها شاعر

متابعه للابداع

تسعدني هالمتابعه

[MONT BLANC]

شكرا على الحب على الشوق ..



شكرا على ضي القمر فوق ،



شكرا على عيوني اللي تشوفك ..



وعلى شتا صمتي دفا حروفك ،



شكرا على الايام والسهد والاحلام ..



وعلى حبيبي ياحبيبي ،



وشكرا على الليل والضي من شمعي ..



ومامحت كفك وماكتب دمعي ..



وماتلمس يديني من النجوم والغيم ،



ومابيني وبينك من العشق والديم ،



شكرا على التنهيد والهجر والمواعيد .. !



وعلى حبيبي ياحبيبي ،



شكرا على الورد في كل اعيادي ..



وعلى الدفا والبرد من يوم ميلادي ..



وماشفت فعيونك من الخجل والهمس ،



واللي بيجي باكر واللي عشقته امس ،



شكرا على الاحساس وحب الوطن والناس ..



وعلى حبيبي ياحبيبي

[MONT BLANC]

يذكرني القمر ظلك عجب ياللي ظلالك نور


.................. وانا اللي ماعرفت الليل لولا عتمة أهدابك


حبستك في السما شمس وعلى وجه السحاب طيور


................. ونخيل باسق يشرب رضاك ويعطش عتابك


وجلست اناظرك ما رف لي جفن تقل مسحور


................... أقول ان الجمال انتي وكل العشق باسبابك


هقيت اني ملكتك مادريت ان الأماني غرور


................... وانك في يدي لين انتحابي الوقت واقفا بك


سقا الله يوم كان اكبر همومك خاطري المكسور


................ وكنت الضي في عينك وكنت السقم في ثيابك


سقا الله يوم كنتي الارض أنهار وشجر وقصور


.................. ديار نورها من طاقتك .. وأحلامها بابك


عيوني ياشقى عيوني من الجدب الموات البور


................. أراضي مابها الا ماذوى وانهد في غيابك


أحبك كان لي قلب يجض من الجفا مقهور


.............. وصار اليوم يفرح لو لقى به عذر يشقى بك

[MONT BLANC]

لحظـﮧ
قبل لا تطلب البعد وتغيب
وتنتهيـے مرحله من حياتک
روح واترک بقلبيـےُ اربع مــــــــعازيب ..


(معزتک),
........... (طاريک),
...................... (حبک),
.............................. . (غلاتک)...


وأن شفتنيـے " أجمع شتاتيـے "
ترى ماهو عيب ..
باكر مع الأيام تجمع شتـــــاتک .. !!

[noufa]

اعجبني جدا متصفحك خصوصا فاروق جويدة

[MONT BLANC]

بعد الاجازه وتجديد النشاط بالسفر نرجع لكم