من روائــع الـشــاعــر / خـــالـــد بـن مـــدعـــث

[محماس بن عبيد]

السلام عليكم ورحمة الله وبركاته 000
يسرني الإنضمام لمنتداكم الرائع ، كما يسرني إهدائكم هذه المشاركات ، لأحد الشعراء المشاركين في برنامج شاعر العرب وهو الشاعر : خالد بن مدعث الدوسري فقد أعجبت بقصيدته التي انتشرت بين الناس قصيدة (التوجد) ، وهذا دفعني إلى البحث عن قصائد أخرى له وطرحها في موقعكم الرائع ، وسأبدأ معكم بقصيدة التوجد :

كل ما فاضت عيوني باشت الأضلاع غـنَّـا

الموارد في الضلوع وكل ضلع (ن) فيه ونه

والتمني ما يحقق هقوة القلـب إن تمنَّـا

بس قلبي ما يداني تبعـد الهقـوات منـه

وا وجودي وجد من جلي عن دياره امجنَّـا

تو عمره عشر وأربع والليالي مـا تحنـه

ما وراه إلا عجوزٍ وأخته وعـود(ن) مسنـا

بين فقر وبين دين وبين ضيم وبيـن منـه

ما ذبحهم غير دمع من الغبينه مـا يكنـا

ويل من سود الليالـي بالمصايـب يبتلنـه

راح مثل الذيب وهبلته حياة الذيـب ظنـا

وامن (ن)والموت يومي بين مخلابـه وسنـه

راح ينقل دم قلبه وان ضواه الليـل ونـا

الذيابـه مروحاتـه والسيـوف يـدورنـه

ليا ذكر دم القرايـب عانـق البيـدا وثنـا

وان تذكر ضحكة أمه زاغ قلبه من مغنَّـه

ما يلوعه في حشاه إلا ليا شاف البرق سنا

غاب عشر سنين ما به من يرد العلم عنه

إن حداه الخوف منا هزت الأشـواق منـا

يوم طال الوقت عود للديـار اللـي ربنـه

قـال مـا دام المذلـه والبـلاوي يبتلنـا

والله ان الموت في الأوطان بين الربع جنه

يوم وقف في المنازل ما لقى بيـت (ن) امبنَّـا

غير بيت(ن) للهبايـب والـذواري يلاوحنـه

راح يمه كنه اللي ضاربه رمـح (ن) إمطنـا

وعذابه ما درى أن سهوم بقعـا يحترنَّـه

يوم قرب سمع له صوت (ن) من العلـه يحنـا

حصل أمه عندها ضيف(ن) يقول الموت سنة

قال يمه قالت عيوني مـن الدمـع انعمنـا

قال ابوي وقالت اطوال النصايب قد خذنـه

قال واختي قالت اقفى القوم باختك مع ظعنا

قال ربعي قالت اسنيـن المجاعـة فرقنـه

قال جيتك قالت ان الموت ما ظنـي تونـا

واستلمها نازع الارواح روحـن مرجهنـه

ثم صاح من التفرق صيحة اللي فيه جنـا

دق صدره وانطوى من حر ما به طي شنه

كل هذا حال قلب(ن) مـن خلقـه الله امعنَّـا

الهمـوم يوكلنـه والـروابـع ياكلـنـه

ليه أدور للسبايـب والسبـب فينـا ومنـا

النفوس وما تسوي واليدين ومـا حصدنـا

لا توسدنا الخطايا نلحـق الشرهـه زمنـا

ما جزانـا إلا عملنـا والحقايق يثبتنـه

قلت اجرب وش ورانـا بنتسـلا ونتهنـا

الليالي ما تخالف من طلب شـي عطنـه

جاهل في الغيب واثر اللي يسلينـا طعنَّـا

ما دريـت ألا بقلبـي والمحاني يردعنـه

قلت وين تروح خلك في ضلوعك مرجهنا

قال مدري مير كن الحب تل القلب كنـه

قال مخطـي ليـه اليـا ذكرنـاه اشتحنـا

وانتبهت وطاح فكري للطواري واخلفنـه

رحت ابسأل بنت حوا ليت حنا مـا سألنـا

كان والله مستريح مخلـف (ن) قلبـي وظنـه

قلت هز العود صفق النود قال النود حنـا

ماذِكِـْر بـه عـود (ن) ألا والهبايب يطرقنه

قلت في دارك غريب وقال حول في وطنا

لك محل (ن) في قصور(ن) له سيوف يحتمنه

قلت اهلنا قال والله ما نعيب سلـوم اهلنـا

العفيف من الهوى مابـه علـوم يحرمنـه

وابتدينا قصـة السبـع العجـاف ومللنـا

كل عام يمر يعطينا مـن اللوعـات فنـه

وافترقنا ما لقينا مـن يـرد العلـم عنـا

غير حب)ن) للهبايـب والـذواري يلعبنه

هــذه القــصـيـدة كــامـلــة ، حيث أني وجدتها في بعض المنتديات تنقصها العشر أبيات الأخيرة وعدلت بعض الكلمات التي قد كتبت بشكل خاطئ 0

والشاعر خالد مدعث يعمل في السلك العسكري برتبة رائد ، ولذا فإن الكثير من قصائده فيها من التوجد والشوق إلى نجد وإلى قبيلته ومن يحب فيقول :

واقلبـي اللـي لايـع البعـد لايـعـه

قلب ٍ خـذت سـود الليالـي بضايعـه

اليـا زهـم عينـي بغالـي دموعهـا

جاته عيونـي بـأزرق الدمـع فايعـه

قلـب ٍ همومـه كـل يـوم ٍ مغـيره

صكت على عرشـه وهـدت قلايعـه

جت له مثل ، سرب الجـراد التهامي

تشـرب معاليقـه ، وتاكـل زرايعـه

و كنّ الحشا من حرّ مابـه ، يمزّع

بسيوف هند ٍ تـودع الـروح زايعـه

و لاَّ ، بـنيبـان السبـاع الموحشـه

ضـواري ٍ مـن ستـة أيـام جايعـه

ذا حال مـن حالـه تربـت وصـارت

مـا تقبـل ألا مـن فوايـد ذرايـعـه

الـذل .. مـا يحتـاج طـرد وتعنـي

و العز .. عسـر ٍ مهلكـات ٍ وقايعـه

ولا فيه عز ٍ .. ما تـداوى جروحـه

ولا فيه ذل ٍ .. قـد تـداوت وجايعـه

الله واكبـر يــا زمــااان تغـيـر

شريت فرخ البـوم ، و الحـرّ بايعـه

وقت ٍ على الأنذال .. ستـر ٍ مضفّـى

ولا على الأجـواد .. تظهـر فجايعـه

عـام ٍ مضـى مـا كنّـي إلا مجلـى

أشوف مـن صكـات وقتـي روايعـه

متنقـل ٍ مابيـن ديــره و ديــره

رجلي علـى حكـم المقاديـر طايعـه

أقوي اعزومـي بنفسـي و أسوقهـا

في دبرة اللـي مـا يضيـع ودايعـه

بس اتفكر ، و اتذكـر ، و اهوجـس

و استرجع ايام ٍ علـى القلـب رايعـه

ماعاد باقـي غيـر تالـي رسومهـا

عهدٍ محـت سـود الليالـي طبايعـه

حطّـوه فـي قبـر ٍ عليـه النصيبـه

واقفى مثل ، شمس ٍ من الليل مايعـه

لو بـأشتكي ما سرّت القلب شكواي !!

شكوى ٍ لغير الله يا ( فهيد ) ضايعـه

مـن أول ٍ مابيـن ربعـي و ديرتـي

و اليـوم قلبـي لا يـع البعـد لايعـه

وسلامتكم 0

[راشد العتل]

تنقل الى مكانها الصحيح

وصح لساَن الشاعر
وتسلمـ يمينك .. !

[محماس بن عبيد]

راشد العتل ، مثل ما يقول المثل ( أنت أبوها وسّمها ) ، لا هنت على مرورك 0

[الغروب]

الاخ / محمـــاس بن عبيد

مرحبا بك وبتواجدك معنا في منتــدانا الذي تشرف بتواجدك ... كما نشكر كرمك بارفاقك الحضور هذه الروائع للشاعرالجزل / خالدبن مدعث

فيامرحبا بك وصح لسان الشاعر

وتقبل شكري

[عبدالله بن دعيرم]

بسم الله الرحمن الرحيم

السلام عليكم ورحمة الله وبركاته

جزاك الله ألف خير على هذي القصيدة

التي تعد من أجمل قصائد التوجد

وترا رد عليه كثير من الشعراء

ومنهم الشاعر الكبير : ناصر الفراعنه

وهذة قصيدة الشاعر ناصر الفراعنه

	كـل مـا فاضـت عيونـي نـجـر ابــن حـربـان دنّــا ..........فـي ضلوعـي يسمـع اللـي مــن ورا بـغـداد دنّــه يـوم ابـن مدعـث لنـا سـنّ الـوجـود الـحـقّ سـنّـا ..........وا فــوادي كــنّ دود الارض يـرعـى فــي مسـنّـه وا فـوادي لـو تضنّـى يـابـن مـدعـث مــا تضـنّـى ..........كـنّّـه الـمـجـدور عـقــب الـجــور مـرمــيٍٍّ بـعـنّـه اشـعـل التنـبـاك مــن خلقـتـه مــا شـبّــه و كـنّــا ..........ميـر كنّّـه مــن عـجـاج فــاح مــن صــدره يكـنّّـه وا وجـودي وجـد منـهـو عــضّ بابهـامـه وحـنّّـا ..........واحــدٍٍ شــاف الـثـلاث البـيـض ســودٍ مستـجـنّـه شــاف قـــدّام الـخـيـام خـشـيـف ريـــمٍ مرجـهـنّـا ..........وثـوّر البنـدق يبـي صـيـده وراغ الخـشـف عـنّـه اطلـق اربـع عقبهـا اربـع ثـم سمـع صـوتٍ يونّـا ..........واثرهـا امّـه صابهـا طلـقـه و طــار العـقـل مـنّـه واتهـمـوه بـذبـحـة امّـــه لـيـلـة الـعـيـد و تـجـنّـا ..........اتهمـتـه الـنـاس و صــدوف المـقـاديـر اتهـمـنّـه قـالـوا اخـوانـه تــرى مـنّـا بمـنـك ولا انــت مـنّـا ..........يـفـرق الله بينـنـا و بيـنـك عـسـى مـالـك مـظـنّـه لـك ثـلاث ايـام مـن ذلحيـن و ارحـل مــن وطـنّـا ..........عقبهـا تخـطـر عـلـى راســك مضـاريـب الاسـنّـه ودّع مريـتـه وتـــوْ بـنـتـه صـغـيـره مـــا تـحـنّـى ..........توّهـا ام اربــع شـهـور و فــي لحَمـهـا زود لـنّـه ركْــب غـوجـه و انقـلـب قبـلـه بلـيـلٍ مــا تـونّـى ..........والحمـايـا مــن خـلافـه ارخـــوا حْـبــال الاعـنّــه الـمـطـايـا و الـسـبـايـا مــــن خــلافـــه عـمــدنّــا ..........والـمـنـايــا ســجّـــدٍ قـــــدّام عـيــنــه يـحـتــرنّــه كــل مــا عـنّـز عـلـى قــومٍ وطــنّ الــراس طـنّــا ..........قـالـوا اذلــف ذابــح امّـــه لعنـبـونـا لـــو نـحـنّـه ذابـــح امّـــه لـــو زبـنّــا عـــدّه انّـــه مـــا زبـنّــا ..........لعـنـبـوك بْــيــوت قــــومٍ ذابــــح امّــــه زبـنـنّــه الجـمـالـة مـــا تـجـمّـل فـــي ولـــد حـــرٍّ تــدنّــى ..........مـيــر دوّرغـيـرنــا وانــحــش بـقـلـبـك لا نــدنّــه وانقلـب مــن عنـدهـم كـنّـه عـلـى محـمـاس بـنّـا ..........يـمّـة اهــل الـغـوص عـجـلات الركـايـب وجّهـنّـه ركْــب بـابـور البـحـر و دمـــوع عـيـنـه يـذرفـنّـا ..........فــــوق خــــدّه كـنّــهــنّ اذواد بـــــدوٍ مـرثـعـنّــه يـــوم حـــلّ الـلـيـل اشـرعــة السفـيـنـه دودلـنّــا ..........و الهـبـايـب مـــا يـخـلّـنْ مـحـبـلٍ مـــا دودلــنّــه قــام ربّــان السفيـنـه قـــال يـــا نـــاس امتـحـنّـا ..........قـومـوا ادعــوا ربّـكـم عــلاّم مــا وســط الاجـنّـه قــال شـيــخٍ مـنـهـم الا عـنــدي الـــراي المـطـنّـا ..........ضـحّـوا بـواحـد عـسـى الله ينـقـذ ايـديـنٍ رجـنّــه و طاحت القرعه علـى اللـي ذابـح امّـه مـا تتنّـى ..........ثـم رمــوا بــه فــي ظلـمـات البـحـور المستكـنّـه و ادبحـوا عنّـه وهـو في غـبّـة الـمـوج يتثـنّـى ............ثم عرض له من وحوش القرش جرجورٍ و صنّه عضّ جرجـور البحـر ساقـه و صايـح و استجنّـا ..........ابــك لــولا الله كــلاه الـقـرش مــا يسـلـم مطـنّـه وفـي ديـارٍ مـن بــلاد الهـنـد بـيـن انــسٍ و جـنّـا ..........مـن فضـل ربـي عليـه اطـراف الامــواج احذفـنّـه ومثـل مـا قبـل امـس متهـومٍ بـذبـح امّــه معـنّـى ..........اتـهـمـوه بــذبــح سـلـطــان الــبــلاد المطـمـئـنّـه و في السجون المظلمه خمسة عشـر عـامٍ قضنّـا ..........مــع ثــلاث مــا قـضـنّ الا عـقـب حـالـه قـضـنّـه لا سـمـع ورقــاً تغـنّـي جــرّ مسـحـوبـه و غـنّــى ..........وكـلّ مغنـىً يزعـجـه غـصـبٍ يـجـي تالـيـه ونّــه ولا طـرتـه بْـيـوت قـــومٍ فـــي الـخـلايـا يرفـعـنّـا ..........دار دولاب الــدبــا الــدالــوب دولابــــه و زنّـــــه وكـل مـا بـرقٍ سـرى شـرقٍ صـدوق الغيـث شنّـا ..........كــن قلـبـه فـــوق سـبــق طـيــور بـــرٍّ شـطـرنّـه عـقــب مـــدّه جـــاه مــــن داره نــذيــرٍ مـرثـعـنّـا ..........قـــال انـــا جـيـتـك بـعـلـمٍ والله انّــــه والله انّــــه حرمتـك مـاتـت لـهـا عـشـر سـنـواتٍ قــد مضـنّـا ..........و البنـيّـه معـمـسٍ تـقــرع عـلـيـك قـــراع شـنّــه عمّـهـا عــزّر بـهـا فــي وســط بيـتـه مــا تهـنّـى ..........خـادمــة نـسـوانـه الثـنـتـيـن و الــلــي ضـيـفـنّـه ثــم زوّجـهـا لـبـو سبـعـيـن عـــامٍ مـــا انقـصـنّـا ..........شـايـبٍ يـطـرب خفـوقـه لا سـمـع للـقـرش رنّــه يـوم سمْـع هْروجهـم فاضـت عيـونـه و ازحـرنّـا ..........وسـط سجنـه كنّّـه اللـي سـاكـنٍ لــه فــي مجـنّـه قـال يـا ربعـي افزعـوا لـي مـن سجـونٍ غيضـنّـا ..........و قـبـر قلـبـي الـدمـدم آغــادي يديـكـم يظـهـرنّـه قـالـوا انّــا وش لـنـا انّــا والله انّـــا مـــا شـحـنّـا ..........غـيـر بنـتـك والاّ مثـلـك مــا قـربـه بـقـرب جـنّـه وانـتـحـوا وعـيــون قـايـدهــم جــنــوبٍ خـايـلـنّـا ..........وهــو ورا سجـنـه عـيـونـه كـــلّ نـجــمٍ خايـلـنّـه وعقب عـامٍ مـن مجـيْ ربعـه و سـنٍّ عـضّ سنّـا ..........اعـفـوا الكـفّـار عـنّـه مــن عـقـب ســـودٍ دهـنّــه يــوم فـكّـوا قـيـد رجـلـه وانطـلـق خـاطــرْه مـنّــا ..........و انفـلـت يبـغـى ديــارٍ مــن ورا نـجـد اشحـنـنّـه حــثّ سـاقـه مــا يـشـوف الا بنـيـتـه يـــوم قـنّــا ..........مـن عقـب عشريـن عـامٍ فـي وطـن قـومٍ مصـنّـه ومـن ردى حظـه نهـار اغضـنْ عيونـه و ارقدنّـا ..........فـزّ مـن نومـه عـقـب عـضّـه حـنـش دابٍ بسـنّـه ومـن اثـر سـم الحنـش يونـس ضلوعـه يطبخنّـا ..........و طــاح عــزّي لـواحـدٍ ســود الافـاعـي طيحـنّـه يــوم هـــو فـكّــر والـــى فـوقــه نـجــومٍ يبـرقـنّـا ..........وشــاف بكـيـة بنـتـه الـلـي جــا يبيـهـا بينـهـنّـه قال يا نجـوم السمـا تكفيـن روحـي صـوب اهلنـا ..........علّمـي بنتـي عـن اللـي صـاب ابوهـا واستسـنّـه اشـهـد انّــا مــا بحلـنـا فــي الليـالـي اشـهـد انّــا ..........ميـر حظـي خاننـي ثـمْ مـات مــا بــه مــن يقـنّـه ذاك وجـده وجــد حـالـي فــي وطـنّـا مــن عطـنّـا ..........مــن هـنـوفٍ خـدرهـا بـيـض الهـنـادي يحتـمـنّـه[/

poem]