ثابتن ياموج ياعاتي ولا يُطوى شراعي !!

[ماجد العجمي]

مراقبي وأعظاء وزوار هذا البستان اللبق بروعة ولباقة زهوره ...
أُحييكم بما يليق بحظراتكم ,,
بعد إنقطاعي عن المنتدى لفترة ليست بالبعيده أعود وقصيدتي المتواظعه
لجعلها بين جنبات هذا المقام الفاخر ..
أعذروني لإطالتي في الكلام وإليكم القصيده ...!!

يازمـاني حالتـي ويـاك ما صـارت بحـالـه=كـل ماجيـت اتكـلم قمـت تلـوي لـي ذراعـي
يوم شفـت انـي ظعفـت ولا قـدرت الحلم انالـه=وقل حكيي من بعد ماكنت تسمعني سماعي
استقـويـت وغديـت الفارس اللـي بـه بساله=يذبح من القوم والمنعي يجي له الف ناعـي
تحطنــي في حالـة المربـوط ابسبـة حباله=وانتفكك من وراه السجن ومن حوله افاعي
تحطنـي مثـل المـدافـع ما معاه الا ظـلالـه=وقابلـوه مهاجميــن وهو ماغيــره دفاعــي
تحـت كـل اللي تسـوي لي انا صعبـن منالـه=ثابتن ياموج ياعاتي ولا يُطوى شراعي
الصبر طبعي وطبع اللي تصبـر وسـع بالــه=لو صبري للظروف اللي تجي من دون داعي
يازمـانـي وانــت ماخليـت للشـاكـي مجـالـه=ليـه ماساويـت صـاع النـاس يا الظالـم بصاعـي
يازمان انا ادري انك فيـك من طبـع النذاله=كم وكم وكم وكم انته تصنع للخداعي
تحسبنـي يـوم طحـت ابظـربتك ابـلا محالـه=انتهيت ولادريت ان فزتي فـــزت شجاعي
لا ولا لا مانـي اللـي صوتــه يلالــي مـلالـه=بعتبرهـا كبـوة حصانــن بعـدها فز فاعي
وريش طيرن ينقطع بكرا يجي غيره بـدالـه=ثم يشلل (ف) السمـا عالـي بعد ما القلـب لاعـي
لاتـحسـب اني نهيت الحرب وبكل السهـالـه=دام راسي حي والله لا طمع ازيد ارتفاعي
صدق مره طحت انا ثم قمت وهذي الشكاله=ليه(؟)لان العيب باللي سلموا عقب الوقاعي