((التغلي والغلا والدلع طبع الحريم))

[راشد المري]

الوفا والطيب والعز وعلوم الرجال
ماشيٍ فيها وانا في طريقي مستقيم

صح انا شاعر ولاجيب للشاعر مجال
قالوا ان الشاعر يهيم فالوادي يهيم

افتخر فالبيت الاول وفالثاني مثال
والعقل ياهل العقل قيل فالجسم السليم

بس انا مانيب طيب ولا ذالحال حال
ابتدابي جرح زودٍ على الجرح القديم

عزتي للي سواتي بهمه لايزال
والله اللي يعلم الحال والله بي عليم

كل ماوجهت واحد يوجهلي سوال
وش علامك وش علامك مسويلك رجيم

ناس فالدنيا يعيشون في برد وظِلال
وناس فالدنيا ولكن يصالون الجحيم

يالله اني مستعيذك من ادروب الظلال
احمني يالله من كل شيطانٍ رجيم

ذنبي اني صرت طيب وطيبي راس مال
لين صرت اشوف نفسي على الدنيا يتيم

كثر حكي الناس عني وانا ياهم الا ل
اتغيشم واتغيشم وان ماني غشيم

يااولو الالباب وان كان جابولي مجال
يااولو الالباب فل يتقوا شر الحليم

يالهجوس اللي نويتي تشدين الرحال
وين قولي وين والشعر في صدري مقيم

والله اني كل ماضقت ذبيت الطوال
ماتسمع في عبادي ولا عبد الكريم

والقصيد احيان ياتيك من وحي الخيال
بس انا صادق بذا القاف والله العظيم

وانت ياللي يوم جيتك وانا كلي وصال
والله انه مايرد الكريم الا الئيم

انتبهلي واستمعلي وسجل مايقال
واعرف ان الجو صافي ولا فالجو غيم

اعتبرها نصح والفال يتلاه العقال
وكلمة العاقل ليا جات جاتك فالصميم

الوفا والطيب والعز من طبع الرجال
والتغلي والغلا والدلع طبع الحريم

للشاعر سالم العرجاني

[محمد الشامري]

الوفا والطيب والعز من طبع الرجال
والتغلي والغلا والدلع طبع الحريم

الله الله

انا اشهد انها قصيدة جزله من شاعر جزل

لاهنت والله ياراشد وجعلك ساااااااااالم

[العفيفه]

الله يعطيك العافيه على هالقصيدة الاكثر من رااااااااااااائعة