ترى للشعر ذواقة تعرف أنه دوا للروح=وبعض الأشعار تحكي واقعي وتبين أحوالي
ليا مني سمعت أشعار غيري صابر(ن) مجروح=عرفت أنه سبقني للكلام اللي على بالي
ترى الأشعار والأفكار في الخاطر تجي وتروح=وما تخفيه نفسي ما دروا عنه عذالي
هواجيس(ن) بصدري ضايمتني مقتفيها جروح=ألا ويلاه يا دنيا العنا يا من هو السالي
علوم(ن) كايدة في خافقي زادت عن المسموح=أحاول أكتم الونة إذا طيف الشقا جا لي
وأنا شكواي للخالق ومن أجرى سفينة نوح=يفرج عني أحزاني إله في السماء عالي
أنا بأنخاك يا الغالي وطيفك في الخيال يلوح=مساحات الحزن كبرت بقلبي وأضعفت حالي
أنا طوّل بي الممشا وأنا ما لي معه مصلوح=أفوت فرحة الشامت وأداري شرهة الغالي
وسلامتكم
الشاعر / علي بن محمد بن قيم آل فطيح
03-12-2009, 03:14 AM
العرض العادي
المواضيع المتشابهه
