الحب ياللي تجهلون أول الحب.. شيلة رائعة من كلمات سعود الدماسي وأداء راكان القحطاني

[عبدالله آل عامر]

بسم الله الرحمن الرحيم
:
أسعد أوقاتكم اخواني وأخواتي مرتادي مجالس قبيلة العجمان الكرام بكل خير
:
أقدم لكم قصيدة للشاعر المبدع: سعود الدماسي
:
وقام بأدائها صاحب الصوت الجميل: راكان القحطاني
:
أتمنى تعجبكم,,,
:

الحب ياللي تجهلون أول الحب=نظرة وفزة قلب تبدا بالإعجاب
والثانية يشتاق قلبٍ على قلب=الشوق يبدا دون تقديم الأسباب
والثالثة لا أحدٍ يوقف على الدرب=كلاًّ درى وش هي مفاهيم الأحباب
والرابعة كلاًّ يحاول على القرب=الوصل خيمة والمواثيق الأطناب
والخامسة ما تعرف الشرق والغرب=كلاًّ يبي الثاني ولا يحسب حساب
والسادسة يمكن توصلك للطب=والعلة اللي جات بأسباب الأطباب
والسابعة ما أحدٍ جهل كلمة الحب=كلاًّ عرفها بعد ما ذاق الأتعاب

:

:
للتحميل من هنا
:
تقبلوا تحياتي
: