قصيدة غزلية قمة في الابداع

[المعنى]

يا ونتي ونه كسير طايح خلي *** وحيد في صحاصيح تتل القلب وناته

على خده من العبره دموع تنهلي ***اسبوعين من الحسره يجاذب بس وناته

جلاوي في ديار القوم لاداني ولاخلي *** نحاه الضيم عن داره وضيمه من قراباته

على اللي جوها في ماضي الايام صافلي *** قبل شين الدهر يضفي على الخلان ميلاته

عشيرن عشت انا وياه بين الشمس والظلي *** يراعيني وراعيله وفاجاني بصدا ته

خفيف الدم مجلي الثنايا تلني تلي *** كما دلو ملي صوح اللصافه ذب عرقاته

حبيب مبسمه حالي حلو بالطيف ميلي ** *مثل فقع الزبيدي بالصدر زمه نهيداته

يصد من التغلي والعيون السود يغض لي *** الى منه طراله ماطرى يبدي تحياته

نظيف الجيب ما به عيب حول حماه ما حلي *** هل الدسعات و الحيلات مادلو محلاته

خليل خان بي واخلا محلي وانا من لي *** يهارجني وهو مخفي لي بالقلب نياته

الا ياليت من يقطف ثمر غصنه على زلي *** واريح خاطري وارتاح لا وده ولا هاته

اهليبه وهو خلي المتغلي بي يهلي *** على السنه يمزن الشفايا من شفاياته

رعى الله مرعى يرعى به راعي البلي *** تزفر من زهر مكنانه الريان خلفاته

الى منه صفالك من عليه الروح تنسلي *** يكدر ماك خبل ما يعرف الذيب من شاته



الشاعر الكبير \ عبدالله بن علي بن صقيه التميمي

[فهد بن محسن]

الاخ

برمان


تسلم على النقل ولاهنت يالغالي


وصح الله لسانك ولسان الشاعر عبد الله


تحياتي

[المعنى]

ابو محسن ارحب والله يحييك واسعدني مرورك ولاهنت وتقبل تحياتي