.. إلى خالد وبس مع التحية ..

[راقــي]

:

:

:


السلام عليكم ورحمة الله


مساكم الله بالخير جميع



أولا ً لي الشرف بتواجدي هنا في منتدى هالقبيلة العريقة واللي لهم تقدير خاص عندي وعند كل القبايل .. وهذا مافيه شك ..


ثانيا ً سبب تواجدي هنا هو أبيات للعضو والشاعر المبدع / خالد وبس .. وهي :

يـا حلوهـا .. لا قـامـت تهـايـط عـلـي
اليا اعتزت .. ثم قالت .. انـا بنـت ابـووي
والله .. ورب البـيـت لا اعـلّـم .. هـلـي
جدّي .. وابوي .. وعمّي .. وخالي .. واخوي
واضمها صوبي .. واقـول الهـا .. اعقلـي
عيشي سحاويه .. مثل مـا آنـا .. سحـوي!



وصح لسانك ياخالد .. مبدع مبدع وربي




أنا كتبت أبيات مقاربة لهالأبيات ولاأدري وش هالواهس أو توافق الخواطر العجيب .. أبياتي تقول :

ياملحها لاقامت تهايط علي
اليا زعلت ثم اعتزت بربوعها
ثم برطمت .. قالت ترى اعلم هلي
الفارقة في زينها وطبوعها
ماتدري اني من سببها مبتلي
واشفق على جرعات من ينبوعها


ومن باب حفظ الحقوق أنا أعترف إن خالد كتب أبياته قبل ماأكتبها .. لكن والله العظيم ثم والله العظيم ثم والله العظيم إني ماقريت أبياته إلا اليوم .. وبعد مانزلتها في منتدانا الخاص جاءتني رسالة من شخص عزيز وبين لي الموضوع ..

ولأني تعرضت لسرقات كثيرة من ناحية المواضيع والأبيات . ولأن عالم النت لايعترف بحفظ الحقوق .. حبيت اسجل اعترافي هنا .. لكنه اعتراف بأني أفتخر بتوافق الخواطر بيني كشاعر مبتديء وبين الشاعر المبدع خالد وبس ..

وأنا هنا حتى لايأتي في الأمور تداخل ..


أقدّم اعتذاري إلى خالد وإلى كل القائمين على هذا المنتدى الفريد وإلى كل اعضاءه وزواره .. وكنت أتمنى أن يكون تسجيلي في ظروف أفضل من ذلك .. ولكن قدر الله وماشاء فعل ..




كل الشكر لكم .. وأتمنى وضوح الصورة


أخوكم / فايز بن حمود


ملاحظة : كنت أود وضع رابط لموضوعي في المنتدى الموجودة فيه أبياتي .. ولكني فضلت عدم وضعه كي لايعتبر دعاية للمنتدى الآخر ..




..

[نسل يام]

بيض الله وجهك على النقل ... الراقي مثلك.. تقبل تحياتي.

[هتـــون]

يـا حلوهـا .. لا قـامـت تهـايـط عـلـي
اليا اعتزت .. ثم قالت .. انـا بنـت ابـووي

والله .. ورب البـيـت لا اعـلّـم .. هـلـي
جدّي .. وابوي .. وعمّي .. وخالي .. واخوي

واضمها صوبي .. واقـول الهـا .. اعقلـي
عيشي سحاويه .. مثل مـا آنـا .. سحـوي!

خالد وبس

ياملحها لاقامت تهايط علي
اليا زعلت ثم اعتزت بربوعها

ثم برطمت .. قالت ترى اعلم هلي
الفارقة في زينها وطبوعها

ماتدري اني من سببها مبتلي
واشفق على جرعات من ينبوعها

فايز بن حمود


توارد عجيب في مطلع الابيات ..
صح لسانك اخوي فايز ..
الاكيد: بما ان توارد الابيات وافق توارد الاخ خالد : هذا ينبيء عن قريحه فذّه ونرحب فيك من خلال هذي المشاركه ../

تقبل تحياتي ../

[محمد الغيثاني]

مرحبا بك يالراقي


وبيض الله وجهك ورايتك البيضا

[العـــسر]

مرحبا بك يالراقي

و هذي أبرك الأبيات اللي خلتك تشرّف مجالس العجمان


ونقول المنتدى منتداك على الرحب والسعه



وفإنتظار جديدك يا مبدع






وصح لسانك وبيّض الله وجهك


وإلا


خالد ........... ( ما فيه حيله ) .... وبس





تحياتي لك يالراقي

[حـــوران]

راقي

مشاركه تندر ان تخرج من الشعراء في هالوقت ,
الكل يدعي انه المنفرد والمبتكر واعترافك ان خالد سبقك تحسب لك شجاعة ادبيه , وليت بعض الشعراء ياخذونك قدوه

مشاركتك هذي ارفع لها العقال احترام وإجلال لشخصك

والتوارد شي طبيعي , وخـالد وبس رجل ووسيع بطان
وتعرض لسرقات ادبيه انا شاهد عليها وعارف من اللي سرقها بالاسم ولا حتى عقـّب عليها ولاذكر شي ,ومخلي الناس تسترزق

وهذي طبيعة المبدعين مثلك ومثل خالد


لكن ماتعلموني انت وخالد وش ذالمهايطيه اللي وحدت افكاركم

ودام هذي ابياتك حنا نطالبك ان تعطينا بعض مما عندك وتشبع ذوائقنا

احترامي وتقديري لك

[هادي بن فهاد]

بيض الله وجهك على النقل ... الراقي مثلك.. تقبل تحياتي.

[خالد وبس]

اول شي
لو اني داري انك بتكتب هالابيات الروعه
كان بلعت العافيه وخشيت الخربوطيه اللي انا كتبتها


ثاني شي
يسلم راسك وانا اخوك والقصيد من اوله لا آخره ماهوب راس مال
والافكار ماهيب حكر على احد .. و" توارد الخواطر " تحصل
ولا يعيب الشاعر ان افكاره تنطبق مع افكار غيره



ثالث شي
اعتذارك غير مقبول .. الا بشرط
وهو انك تشارك معنا وتتحفنا بروائعك هنا



رابع شي
عزالله انك اسم على مسمى .. يا راقي
بل انك من خلال هذا الموضوع اثبت انك أرقى من الرقي نفسه ..!



واخيراً
الف شكر لكل من مر من هنا

[فهيد الكفيف]

مرحبا بك يالراقي

و هذي أبرك الأبيات اللي خلتك تشرّف مجالس العجمان


ونقول المنتدى منتداك على الرحب والسعه



وفإنتظار جديدك يا مبدع

[عايض الوقدان]

راقي


لك من اسمك نصيب الاسد بعد هذا الموضوع



توارد الخواطر ظاهره عاديه وتصير بشكل مستمر بين الشعراء



ويا مرحبا ومسهلا فيك ..


ولا تحرمنا من جديدكـ