يسعد صباحك

[السلتيرة]

يسعـد صباحـك .. ليلنـا تـو مـاجـا
الشمس غابت واشرقت عندكم ... شمس
هى شمسنا اللـي فـي جبينـك تلاجـا
والا قمرنـا اللـي فقدنـاه مـن امـس
لليـل السمـا بـرد وسحـاب وعجاجـا
يامن يشب النور .. في الخاطر العمـس
انـتـى وانــا لــو كـنـا نتنـاجـا
لاماطفت في خاطري .. شمعـه الهمـس
يالـى جرحتـك ... مالجرحـي علاجـا
ادري الجروح النازفه تكـره .. اللمـس
بقـول احبـك .. وان عقدتـى الحجاجـا
!!اقولها ثنتين واربـع مـع خمـس ..؟
ويسعـد صباحـك يابعـد كـل مـاجـا
ماراح من عمري .. وانا في رجا الشمس


بـــدر بــــن عبدالـمـحـسـن

[ابومحمد الشامري]

يا سلام ابيات كنا نرددها دائما للشاعر الكبير بدر بن محسن لا هنتي يا السنافيه

[أبو مسعود]

يعطيش الف عافيه وصح لسانش ولسان الشاعر الكبير بدر بن محسن

[العوووود]

صح اللسانش ولسان الشاعر ولاهنتي على النقل الطيب