( تبيع لك ناقه أو تبيع لك شاه&أقطع ايديني ان

[عبدالناصر آل عبدان]

المشاركة الأصلية كتبت بواسطة محمد فهد العرجاني

مساء الخير والعافيه والعلم الطيب...



بويتات متواضعه للتواصل وعسى ان تشفع عن الغياب...



صلو على النبي,,,,,,,,,,,,,,,,,,,,,,,,

القلب حدته الطواري على اقصاه= ياشينه ان حدك على الضيق حادي
ماهو على فرقى الهنوف الخونداه= ولاّ تدهور وضعنا الاقتصادي
لا والله الاّ شي صعب اتهجـّاه =لكن بقوله ياطوال الايادي
كان الله بعون الحروف المقفـّاه=العود الازرق ضاع بين الدوادي
والطيب مات ولابقى غير ذكراه= يرحمك ربي يازمان المهادي
وقتٍ به الطيّب تعزه مزاياه=ماهوب وقت مضيّعين المبادي
واليوم جاه الناس كنـّه نقص جاه=والسالفه مابين مهدي وهادي
أخترقو أنظمة القلوب المغطاه=الله يعينك ياشريحة فوادي
ليلٍ سريته ياعرب طول مسراه=قمت اتفكـّر فالمدن والبوادي
الجدي كنـّا نسبره ونتقـدّاه=واليوم ماكنه لنا كان هادي
ياقل من دلـّو وياكثر من تاه= واللي بدى بالطيب ماكنه بادي
به شي يشرى وشي ياصعب مشراه= يشرى ولكن بالسيوف الحدادي
تبيع لك ناقه أو تبيع لك شاه=أقطع ايديني ان قيل وين انت غادي
لكن منهو باع وجهه وبرضاه= هذا اللي وضعه وضع ماهوب عادي

سوالم

أبوفهد


وربي غير قصيدك


التصوير عندك صح والفكر عندك صح


اعجابي واحترامي


وصح كلك يابوفهد


ودعتك الله