وصية الشريف بركات لأبنه مالك

[فواز بن محمد]

يامرقبٍ بالصبـح نطيـت راقيـك = ماواحـدٍ قبلـي خبرتـه تعـلاّك
ولّيت يا ذا الدهر مااكبر بلاويك = الله يزّودنـا السلامـه مـن اتـلاك
يا الي على العربان عمّت شكاويك = ولّيت يا دهر الشقـى وّل مقـواك
واليوم ها الكانون غادٍ شبابيك = تلعب به الأريـاح مـن كـل شبّـاك
يا مالك أسمع جايتي يوم أوصيك = وأعرف ترى يابوك بآمرك وانهاك
وصيتٍ من والـدٍ طامـعٍ فيـك = تسبـق علىالسّاقةالسانـه لعليـاك
أوصيك بالتقوى عسى الله يهديـك = لهـا وتدركهـا بتوفيـق مـولاك
الله بحق اجـدادك الغـر يعطيـك = مرضاتـه مـع ماتمنيتـه أمنـاك
احفظ دبشك الي عن الناس مغنيك = الي اليا بان الخلـل فيـك يرفـاك
واعرف ترى مكه ولاها بناخيك = لو تشحذه خمسـة ملاليـم معطـاك
اجعل دروب المرجله من معانيك = واحذر تميّل عن درجهـا بمرقـاك
لاتنسدح عنها وتبغيني أعطيك = جميـع مـا يكفيـك مـا حصـل ذاك
أدِّب ولدك إن كان تبغيه يشفيك = واستسعفه مـن بعـد مربـاه بـالاك
إما سمج واستسمجك عند شانيك = ويفر من فعلـه صديقـك وشـرواك
وإلا بعد جهله ترى هو ياذيـك = لـو زعلـت أمـه لا تخليـه يـالاك
واحذر تضيع كل منهو ذخر فيك = معروفه لا تنسـاه واوفـه بعرفـاك
ترى الصنايع بين الاجواد تشريك = اليـا طمعـت بغرسهـا لا تعـداك
واحذر سرور بغبة البحر يرميك = ولا عنده افلس من تشكيـك وبكـاك
واوف الرجال حقوقها قبل تاتيك = لا توفيـه بالقـول فالحـق يقفـاك
وهرج النميمه والقفى لا يجي فيك = واياك عرض الغافل ايـاي وايـاك
تبدي حديثٍ للملا فيه تشكيك = وتهيـم عندالنـاس بالكـذب واشـراك
واليا نويت احذر تعلم بطاريك =كم واحدٍ تبغي بـه العـرف واغـواك
واحذر شماتت صاحبٍ لك مصافيك = واليا جرالك جاريٍ قـال لـولاك
ولا تحسبن الله قطوعٍ يخليـك = ولا تفـرح إن اللةعلىالخلـق بـدّاك
الضيف قدَّم له من حين يلفيك = ممـا تطولـه يـا فتىالجـود يمنـاك
احذر تلقي الضيف مقرن علابيك = خله محبٍ لـك صديـقٍ اذا جـاك
واوصيك زلات الصديق ان عثا فيك = مازال يغطاهاالشعر فاحتمل ذاك
راعه ولو ماشفت انه يراعيك =عسـاك تكسـر نيتـه عـن معـاداك
واحذر عدوك لو ظهر بي يصافيك = خلك نبيه وراقبـه ويـن ماجـاك
لا تأمنه واطلب من الله ينجيـك = ويكفيـك ربـك شـر ذولا وذولاك
شفني انا يا بوك بآمرك وانهيك = عن التعرض بيـن الاثنيـن حـذراك
اذا حضرت اطلابةٍ مع شرابيك = اسعى لهم بالصلـح والـلاش يفـداك
ابذل لهم بالطيب ربك ينجيك = ولا تجضـع الميـزان مـع ذا ولا ذاك
أما الشهاده فادّها إن دعوا فيك = بيِّن عمود الديـن لا عميَـت اريـاك
بالك تماشي واحدٍ لك يرديك = طالـع بنـي جنسـك وفكـر بممشـاك
رابع أصيلٍ في زمانك يشاكيك = لا شاف خملاتك عن النـاس غطـاك
وأحذرك عن طرد المقفي حذاريك = عليك بالمقبل وترك الـي تعـداك
ثم العن الشيطـان ليـاه يغويـك = تـرى إن تبعتـه للشرابيـك وداك
واوصيك لاتشكي علينا بلاويك = انت السبب طرفـك عيونـك بيمنـاك
واعرف ترى اليا وطى الفهرواطيك = ولا انت أعز من الجماعه هذولاك
المسك ياراسي عن الذل واخطيك = واحذر تكلـم يـا لسانـي حـذراك
والف بجارك وقم من دون عانيك = وافطن لما يعنيك عن ربعةأخـواك
ياذيب وان جتك الغنم في مفاليك = فاكمـن اليـن ان الرعايـا تعـدّاك
من اولٍ ياذيب تفرس باياديك = واليوم جاذيـت عـن الفـرس عـدّاك
ياذيب عاهدني واعاهدك مرميك = مرميك انا ياذيب لـو زان مرمـاك
والنفس خالف رايها قبل ترميك = ترى لها الشيطان يرمـي بالاهـلاك
ومن بعد ذا لا تصب النذل يعديك = وعن صحبة الانذال حاشاك حاشاك
ترى العشير النذل يخلف طواريك = وانا ارجي انك ماتجي دون أبـاك
والهقوة انك ماتجي دون اهاليك = ولاظن عـود الـورد يثمـر بتنبـاك
والحر مثلك يستحي يصحب الديك = وان صاحبه عاعا معاعات الادياك
لا تستمع قول الطرف يوم يلفيك = بالكذب يقضي حاجته كـل ماجـاك
من نم لك نم بك ولافيه تشكيـك = وأيـلاه قـد ازرا رفيقـك وازراك
عندك حكى فينا وعندي حكى فيك = واصبحت كارهنا وحنـا كرهنـاك
مااخطاك ماصابك ولو كان راميك = والي يصيبك لو تتقيت مااخطـاك
مير استمع مني عسى الله يهديك = النصـح يامالـك لـك الله لمـولاك
عندي مظنه ماتمثلتها فيك =واطلـب لـك التوفيـق مـن عندمـولاك

منـــــــــقول