إهداء خاص لمجالسنا ( مجالس العجمان ) - قصيدة مصورة -

[فالح بن دهمه]

قصيدة ياما حلا الفنجال للزعيم راكان بن حثلين (( مصورة )) ، وهي إهداء خاص لكافة اعضاء وزوار مجالس العجمان

(( الفيديو من انتاج قناة الصحراء ))

(( نـص الـقـصـيـدة ))

.:: يا ما حـلا الفـنجـال ::.

يا أبو هلا طير الهوى خبث البال=الطير نزرٍ والحباري قليلة
يالله ياللي طالبه ما بعد فال=ياللي من الضيقات ينجي دخيله
أفرج لمن قلبه غدا فيه ولوال=والنوم ما جا عينه إلا قليله
لا من ذكرت رموس عصرٍ لنا زال=شوف الفياض وفقد عز القبيلة
يازين شدتهم إلى زوّع المال=يتلون براقٍ تلالا مخيله
يتلون براقٍ سمر عقب الأمحال=تلقى التريبي فايضٍ غب سيله
يسقى خسيفا والثمان أرضهن سال=مرتع معطرة السيوف الصقيلة
من جو ساقانٍ إلى السيف همال=وينوش حسنا والرديفة هميلة
فإن قادنا من يمه القفز خيال=يصبح شديد البدو عجل رحيله
قاد السلف واستجنبوا كل مشوال=والعصر يامحلا تخيبط نزيله
فإن شرف البادي على روس الأقذال=والمال كثر الزول محمي جفيلة
وتكافخت بطبولها شهب الأذيال=ومن ضيع المفتاح واعزتي له
وركبوا على طوعاتهم كل عيال=كل أبلجٍ يحري بكسب النفيلة
وتغانموا المفزاع ذربين الأفعال=من قبل سبْق غارته تنثني له
يبغون طوعة روسهن قبل الادمال=وتغانموا خلفٍ كثير هجيلة
وحال الكمي من دون عطرات الاجهال=ومروا ولحقوا مقحمين الدبيلة
واللي تثنوا عقبهم يلبس الشال=ومن صنع داودٍ دروع ثقيلة
لزمٍ عليهم علة قبل الانهال=ومن غارته لزم يضيع دليله
والدم من قحص الرمك يوشل اوشال=يزعج على أوراك السبايا وشيلة
هذيك راعيها من المعرقة مال=وهذي شكلها مطرق ما تشيله
من وقع كل مقرنسٍ قد له أفعال=وفروخ صادن الحباري فصيله
ياما حلا الفنجال مع سيحة البال=في مجلس ما فيه نفس ثقيلة
هذا ولد عم وهذا ولد خال=وهذا رفيقٍ ما ندوّر بديله
وليا ركبنا فوق عجلات الازوال=وبايماننا حدب السيوف الصقيلة
ما حن نحَسّب لا اشتبك عج وقتال=وترَّك صبي يقتنع بالفشيلة
ياليت رجالٍ يبدل برجال=ويا ليت في بدلْ الرجاجيل حيلة
وصلاة ربي عد ما زايل زال=على نبي الحق راعي الفضيلة

شعر الزعيم/ راكان بن حثلين

وتقبلوا خالص تحياتي
فالح بن دهمه

[مسعطر]

أخي فالح ابن دهمه..

لك جزيل الشكر على الإهداء و الله يرحم الشيخ راكان ..

ما شاء الله و معها جرّة ربابه حلوووة مرررة ..
و صوت جميل..



ملاحظة بسيطة :

القصيدة أنا قد تعاندت أنا و كم واحد .. على بيت منها ..

هم يقولون إنها كذا :

هـذا ولـد عـم وهـذا ولـد خـال=و هـذا رفيـقٍ مـا لقينـا بديـلـه

و أنا أقول إنها كذا :

هـذا ولـد عـم و هـذا ولـد خـال=و هـذا رفيـقٍ مـا ندوّر بديـلـه

و أنا نشدت كم واحد من شيبان العجمان .. ولاهب اللي يحفظون السوالف و
فقط .. إلا يحفظون السوالف و يعرفون القصيد و قالوا إن راكان لا يمكن
إنه يقولها كذا ( و هـذا رفيـقٍ مـا لقينـا بديـلـه ) لسببين و هما :

1- ما فيه احد ماله مثيل..

2 - راكان الله يرحمه مستحيل يزعّل أحد بقولته ذي اللي عرف عنه إنه
هو اللي يمدح ربعه و يثني عليهم كلهم ولا قد زعّل أحد منهم و عرف بخفّة
نفسه و إنه هو الوحيد اللي شاخ بمعنى الشيخة الحقيقة في العجمان ..


و لك جزيل الشكر على الإهداء الطيب أخي المحترم..

و إن شاء الله نردّها لك مطبوقة

[فالح بن دهمه]

اخي مسعطر

اسعد الله جميع اوقاتك

فعلا انت صادق .. والعذر منك ومن جميع الاعضاء

(وهذا رفيقا ماندور بديله )

ولكن مع الزحمه نسيت اعدلها.... لأن قصائد الزعيم راكان كثيرة .....

و اكرر اسفي ...( وقد تم التعديل )

وشكرا على الكلام الطيب اللي مايجي الا من اللي مثلك وشرواك ...

وبنسبه للفقرة رقم 1 ورقم 2

ودي توضح اكثر .. بعد اذنك لأني ما فهمتها

و بالنسبه انك تردها( مطبوقه )

اقول كفو و كفو و كفو ....

لكن مجالسنا ( مجالس العجمان ) اصحاب الأوله

ان اخي ابو حمد الشامري

واخي الدكتور فالح واخي راكان ... وبقية اعضاء المجالس

قد اخجلوني بكرمهم وطيب روسهم من قبل....

وراعي الأوله ... محد يلحقه با الطيب

والدور علينا ....

تحيااااااااااااتي يا صديقي

[ابومحمد الشامري]

ابو محسن بيض الله وجهك يا السنافي على ما قدمت من قصيدة تعد من روائع قصائد الامير راكان والجره رائعة والمنظر جميل الله لا يهينك وما قصروا قناة الصحراء.

[راكان المحفوظي]

ارحب يابو محسن تراحيب المطر


ما عليك زود يالسنافي وهذا واجبنا تجاه ربعنا واللي مثلك وشرواك


ولاهنت على المقطع صح لسان شاعرها وناقلها والله يرحم الامير راكان ويسكنه الجنه


تقبل تحياتي وتقديري

[مهرة النسيان]

مررحبا ومسهلا بك وبأهدائك اخوي فالح ..

بيض الله وجهك على الفيديو ولاهنـــت ..

[فالح بن دهمه]

اخي ابو حمد الشامري ـــ اخي راكان المحفوظي

اختي مهرة النسيان

ما سوينا الا الواجب

ولقد سعدت وتشرفت بمروركم

تحيااااااتي

[الفرس]

يعطيك العافيه اخوي فالح ..


على النادرة من نوادر ذا الوقت ..


وبيض الله وجهك .. اخوي فالح ..

[الملكة]

الله يرحم راكان ابن حثلين..
اما الصوت جد جميل..
الله يعطيك العافية..فالح بن دهمة.. ولا هنت..

[محمد الغيثاني]

لا هنت على الاهداء الطيب وبيض الله وجهك