.
.
يالظالم النور يامال العمس والظلام ..!!
.........................طوّل بك الغيّ .. ماشعت عليك السما..!؟؟
ما باقي ٍ غير جفن ٍ ماهناه المنام..!!\
......................... و ( طفله ) من الغيم تتثنى (بياض ولما ..! )
.
.
بسيطه خلها لله / ولا تفكر ابد فيني=أنا اصلا" قبل لا اعرفك و أنا اعيش بجراحاتي
زماني من قبل عِرفك و هو حزنه مخاويني=وقبل تمسح دموعي انت!! وهو يضحك لدمعاتي
كأني طفل به عبره و هو دايم يبكيني=واكف الدمع وآكابر وأخفي جرح مأسأتي
بسيطه / روح لاتسأل ابد عني و لا ويني ؟=مسافر / مبتعد/ راحل/ ولا تتبع مسافاتي
شمالي لا _ لا و الله قبل كانت عناويني=( شماليه ) / وبعد الحين فـــ أنا وين اتجاهاتي
مسافر داخل حدودك و طعناتك تغنّيني=مواويل / وفرح / وأحزان/و طالت بك مساحاتي
مقفي عنك لا و الله / مسافر فيك من حيني=مقفي فيك إي والله وتذبحني التفاتاتي
بسيطه / اصصصص/ لاتهمس بحاجه تقتل سنيني=بسيطه / اصصصص/ لاتحكي وترسم لي نهاياتي
فديت عيونك الشهلا/توكل/روح/ خليني=اذا ترتاح صدقني تخفف من معاناتي
عطش هالغيم ماظنه بعد ماروح يرويني=و لا حاجه اذا رحنا تحاول في مواساتي
بسيطه / شوفني جالس اطقق اصبع ايديني=وافركّ حب مسباحي واجامل بابتساماتي
وادوبح في خيالات وقصيد ما يسليني=و اخيط الغيم و الدمعه اضمنها فأبياتي
ظلمت القمح في بعدك تكسر في مضاميني=ودارت هالرحى فوقه حزينه ترثي اشتاتي
فقير الوصل و أوطاني بها ضجة مساكيني=و لا قلبك رحم فقري و لا تنفع اعاناتي
عرايا روح / جوعا عشق / يتامى ( يابعد عيني ) =و اعيش العمر واياهم على الباقي من فتاتي
أنا صدري وطن!! لكن وطنْ والعمر ناسيني=متى ترجع على بلادك وتحضن باقي رفاتي؟؟
سلام الله على ورد ٍ غرسته في بساتيني=باروح اليوم وارجع لك معا فائق تحياتي
مدامك مو معي كلك / فطيفك ما يكفيني=و اشوف البعد ارحم لي مدامك حي في ذاتي
و( اذا ارعبك المطر ليله) جفافك موت سنيني=واذا شفت الغلا غلطه / أنا راحل بغلطاتي
.
.
.
05-07-2006, 01:44 AM
العرض العادي
المواضيع المتشابهه
