خـاص لشعراء المنتدى..,,,

[العـــسر]

يا مرحبا بك يالريمي وصح الله لسانك على هذا النص الجميل

إستلم وإسمحلنا على التأخير :

من هاجس ٍ توخذ من أفكاره أفكار=ومن ضامر ٍ لأستقبل الود ... صانه
أرحب يا فكساره .. ومرسوله السار=ترحيبة ٍ ماهي إمجامل إخوانه
ترحيبة العجمي على قب الأمهار=لمقابلت .. موت الشرف .. وإحتضانه
قريت مرسالك .. ومضمون ما دار=تشكي إفتوق الجرْح قبل إحتقانه
لو كنت أقوصد في الغزل .. سر وإجهار=ما ودّي إن لي معْ هل الحب خانه
ما هوب لا كاري ... وكلّن وله كار=لكن حاضر ... لا طلبت إستعانه
دام المحبّه بحْر ... والبيض محّار=ما كل محّار ٍ تجي فيه .. دانه
قبلك من العشاق ... وافي / وبوّار=ضاعت إلحاهم بين حانه ومانه
في الحب صرْ أشواق قلبك إمن المار=صرّت دنانير القطوْ وإشحفانه
يكفيك شذّاب العراقيب .. لا طار=فإقبالتك ... وإن غبت ... ضرّك إلسانه
وإلا وليفك لا طغا حبّه .. وجار=في قلبك اللي باح سدّك عشانه
إن كانه إمقصّر معك ... صكّه ( إنذار )=وإن ما تسنّع .. (طرْد) .. كب الحصانه
تركّد ... ولاتقرب الما وهو حار=وإلى برد .. شوقه يردّك إوزانه
ياتي إموطّي الراس ...وإيسوق الأعذار=وإيحب خشم إرضا جنابك ... وكانه
جا بإستهانة ناظر ... ورفع منخار=إحرق مصارين الحشا بإحْقرانه
وإن طعتني ... كب الهوا قبل تنهار=قدّام .. يحْضنك القبر في طمانه
اللي جهش ويقول : لي ولْف غدار=يوم القيامه .. مايفيد إجهشانه
إحرص قبل ياتيك قصّاف الأعمار=بأعمالن إتقرّب لك الله وأمانه
ومن تاب لمجازي بجنتْه الأبرار=يجزاه خير إبما عمل من حسانه
تمّت وصلّى الله على سيد الأخيار=وإعداد ما صلّوا عليه إصحبانه

[الريمي 2009]

بيض الله وجهك انشهد انك واااااااااااااافي ومافيك حيله

جعل يمناك ماتعطب يابن عمي

[العـــسر]

وجهك أبيض يالريمي

والصفحه صفحتكم

وبإنتظار مشاركة الجميع

[سعود فهـد آل قـذلان]

جاتك حروفي فالشعر تطلبك من بعد الغياب %% وين انت ياجزل القصيد فمدها ثم جزرها
هذا الزمان اللي كتب في صفحتي فن العذاب %% ثم مارس فنونه على وفكل ساع ايجرها
من بعد ماجاتك هبوب الريح والمزنة سحاب %% والارض ان جاها سيول(ن) مروية ماضرها
ذا المزنة اللي لالفت تروي مراقيب الهضاب %% وقصايدك لامن لفت تروي جروح فوكرها
البارحة مابين شرق الارض من بعد الغياب %% هبة هبوبه من شمال وزادبي من جمرها

اتمنى انها تجوزلكم مرتجله وسريع واسمحولنا على القصور
وينك يالعسر

[العـــسر]

صح الله لسانك يا سعود

ولو إن مالي واهس



ولكن لي عوده بإذن الله

[العـــسر]

إستلم وإسمحلنا على التأخير



يقـــــــــــول :

يا مرحبا يا سْعود إبن قذلان ... والطارش كتاب=ياصلْك ... رد إبيوتك اللي جات من مقرّها
قصايدي لاسْتحْسنتها آذان سمحين الجناب=شهادة ٍ تغني من إكنوز البشر وإدررّها
ولا صرت تشكي من زمان الضيم ... يا كثر الشباب = اللي تشكّا من ليال ٍ ما كفتهم شرّها
لكن تصبّر ... وإحتسبها ... والله الله بالزهاب=اللي ينسّيك الليال الماضيات ومرّها
ويكفيك نار ٍ قد خلقها الله ... وفي يوم الحساب= أهل المعاصي هم حطبها ... والذنوب إتكرّها
العمر يمضي ... والذنوب إتشيب ... والدنيا سراب= واللي تبي طرْد السراب إمن الظما ... ما سرّها

[سعود فهـد آل قـذلان]

صح السانك على ذا الجزالة
مسموح يالغالي
لي عودة

ولاهنت على ذا الرد

[الريمي 2009]

البارحه جتني هواجيسي انواع=وسطرتها بابيات للي قراها
ليت الليالي الماضيه ترجع بساع=وقت(ن)به الدنيا جهلنا رحاها
وا نفسي اللي سرها للعرب شاع=وا كبدي اللي كل جمر(ن)كواها
يقوله اللي لا بغى النوم من طاع=العين تقزى كن بها ماقذاها
وانا دريت بعلت(ن)بين الاضلاع=هي جمرت(ن)تحرق رجل من وطاها
العله اللي لا قربنا لها باع=زادت على الصده صدود(ن)وراها
حب الحبيب اللي له الروح تنصاع=اقفى شبابي ما لحقنا مداها

في انتظار الابداع

[مساير زمانه]

اشكر الشاعر الكبير العسر على الفكره الرائعه ووالله مادريت إلا الحين

والله يوفقني بالرد كيبورديه مستعجل فيها وأن شا ءالله استمر


ماجور ياللي بالزمن تشكي أوجاع
................................ لاتحرك الساكن ويظهر خفاهــــا
الحب في جوفي له أشكال وأنواع
............................. ونفسي تشيل الحمل ماأحداً قواها
وقلبي من الفرقاء عليلاً ومرتــاع
............................. ماأحداً يضم جروح تنزف دماهـا
اسامر النجمه وأبدل بالإكـــــواع
............................ ويدي من السهره تزايد عناهــــــا
ياصاحبي كل الجوارح لك أجياع
........................... والشوق ضامي والمفاريق ماهــــــــا
حبك دخل شريان قلبي ولامــــاع
.......................... جامد يضد النفس حتى شواهـــــــــا
شفني سخي الحب والعكس طماع
........................... أطمع على شوف العيون وضياهـا


وسامحوني على القصور

[عبدالعزيز الحربي]

هو صحّ الانسان لو عاش الدهر هالك ..... لاكن ترا الحبّ يقـتل لو تماديتـه
أحـدٍ مـع الحـبّ مـتـمـاسـك ومـتـمـالك ..... واحدٍ ثبـت وقـت ثـمّ إنهار تثبيته
وانا الذي بالـهوى مــتـوجّـه وسـالـك ..... ومع الأسف من تناساني تناسيته