¤؛|هـل الخـيل و هـل الـرده|؛¤

[جابر بن جلاب]

على هونك ترفق يازمان الضيم والشده=على هونك ترى باسي شديد وعالي شاني
توخ اقصى الحذر ماهو انا اللي تقدر تحده= وانا اللي كل ما ضاقت على المحتاج يلقاني
ولو صديت عن وجهي عسى الصده هي الصده= مدام العز سيفي والمعالي صدر ميداني
وهمي يا زمن ما هوب هم اللي جمع كده=يبي من كدته يبني الطموح أبـ ملك دكاني
وانا ماني بذاك اللي الطمع به واصلٍ حده=تبيعه زينة الدنيا بسوق الموقف الداني
ولاني بالكسول اللي تكوده طولة المده= يسوقه ياسه الـ درب المهونه والتمناني
ولاني بالذليل اللي تحالا (( مدته يده ))=يعيش اسنينه ابحنّه افلان ومنة أفلاني
ولاني واحـدٍ وده ولاكن مـــــاهو بوده=يبي يتعب ومراتٍ يبي رزقه يجي عاني
انا رجلٍ وقف حظه و وقته والأمل ضده=و وقف ضدها مثل الحديد (( يموت مالاني ))
عزيزٍ لقمة اعياله إيبللها بعرق خده=قنوعٍ عزته كنز يضـاهي كل الاثمــاني
كـريمٍ وان عطى يعطي وكلٍ مـــدته قده=يجود ابكل مايملك ويرقد جايعٍ هاني
صبورٍ لو على موته..يموت ومنهزم سده=معنز امره الواحد ولا غير الصمد ثاني
يسامح راعي الزله وايلا انعادت لعن جده=.ويدمح غلطة الصاحب ولو تاتيه بلعاني
حليمٍِ لا غضب يدعي الحليم ايشدْ أزر عبده=يهّونها والى كبرت غدا عن الف شيشاني
شجاع يفخر بربعه هل الخيل وهل الرده=رجالٍ فعلهم عطر صدر تاريخ لزماني
توخ أقصى الحذر واحذر تقول أتهزني الشده=ترى لي لابةٍ تجبر عزيز النفس ينهاني

[عـسـاه خـيـر]

صح السانك ولاهنت على القصيده الجزله

[هداج تيماء]

قصيدة رائعة صح لسانك يا الشاعر المبدع جابر الجلاب

[ناصر البرغش]

الله الله

صح الله لسانك يا جابر


ولاهنت


وبانتظار ماهو جديد


تحياتي لشخصك الكريم

[محمد الضاعني]

قصيدة جزلة من راس جزل صح لسانك يا الغالي

[جابر بن جلاب]

اخواني عساه خير وهداج تيما وناصر البرغش ومحمد الضاعني اشكركم على المرور الكريم ولا خلينا منكم وكل عام وانتم بخير .
اخوكم جابر بن جلاب

[بندر العجمي]

صح الله لسانك



وجززززل وحضووورك جزل ولاعدمناك




وووجهك ابيض يالمبدع




اخووووووووكـ

[جابر بن جلاب]

اخي بندر ابن خضير العجمي ايزودني شرف تواجدي بينكم يالسنافي واشادتك تاج على راسي لاعدمتك .
دمت بعز

[الشيخه]

ترى لي لابةٍ تجبـر عزيـز النفـس ينهانـي

كفووووووووووووووووووووووووو



جابر صح اللسانك مليون اخترت شطر اغنانى عن اشياء واجده ( ما فيك حيله ) عجزت بى ......


اقف بصمت احترام (ن) لكتاباتك الجزله


بانتظارك من جديد



كما عودتنا مبدع بكل ما تجلب لنا


تقبل منى خالص التحيه


الشيـــــــــــخـــــــه

[جابر بن جلاب]

اختي الشيخه مرحبا والله ومسهلا مرورك اسعدني كثير وتعليقك اجزاني لاعدمتك .
حفظك الله .