ألا ياللي تقول إن البحر غدار .. ليه؟

[العـــسر]

السلام عليكم ورحمة الله وبركاته

مصـــــــــــــــــــــــــــــــــافحه أخـــــــــــــــرى ..,,,,,,

ألا يا ذا المحيط اللي مياهك فوق جال السيـف=تلاطم بك .. ومنهـا مـا يطـم السيـف وإترابـه
جمايلك تيجان ٍ على أهل المدن وأهـل الريـف=إفمنك الزاد ومنك الما ومنـك المـزن صبابـه
ألا ياللي تقول إن البحر غدار.. ليـه ؟ وكيـف=مـدام إن الريـاح اللـي تسبـب فـي تقلابـه
نسيت إنه ملاذ ٍ لك إلى منـه شـواك الصيـف=وإلا من جعت .. من خيره على الجال إتشوابه
ونسيت إنه يا لولا البحر همّال المطر ما شيـف=ولاشيفـت شخاتيـره علـى القيعـان سكابـه
ونسيت إن الله اللي إمسيّره وإمشرّفه تشريـف=إمكرم ماه ما ينقـض وضـوء اللـي توضابـه
وبإذن ٍ منه نوب ٍ هادي ٍ موجه ونوب إمخيـف=جنود ٍ مـن جنـود الله تبيـد الشـرك وأذنابـه
وأنا بنشدك يا موج ٍ تعلآ فـوق جـال السيـف=وهذا وأنت لا من ثرت طلت إطويق وإشعابـه
أجل وش له تجي مطواع لشعاع القمر لا شيف=وتسمع له وترضخ لـه وتخشـا منـه وإتهابـه
يمدك لو يبي مدك ويجزر بك ولا أنت إتعيـف=ترا فعلـك معجبنـي ولا بانـت لـي أسبابـه
سواتك مع قمر نصف الشهر في نظرتي تخريف=يقولـه واحـد ٍ مثلـك ولـه خـل ٍ تشقـابـه

سوالم